كورفيت الإصدار الخاص ( Grand Sport ) لا توجد بالسعودية،هل أقدر أطلبها عن طريق الوكيل؟

[مجنون BMW]

السلام عليكم ورحمة الله وبركاته ،،

مساء الخير للجميع ،،

كما تعلمون بأنه كشفت شفروليه عن الحزمة الرياضية الجديدة «جراند سبورت» من سيارتها الرياضية العريقة كورفيت لتدخل الأسواق كطراز للعام 2010 .











وبعد بحث مضني في التوكيلات العالمية وبالبيد مالقيت السيارة ،،


وكلمت المكتب الإقليمي لشفروليه الشرق الأوسط وسألتهم عن شرائها من أمريكا حيث إنها مش موجودة بالسعودية قالوا ما ننصحك تشتريها من هناك لأن المواصفات تختلف والضمان ماراح يشملك خارج أمريكا ،،

الحين هل أحد منكم عنده علم عن إمكانية وصولها مستقبلاً لأحد الوكالات عندنا ؟؟

وهل أقدر أطلبها عن طريق أحد الوكالات ويجيبونها لي وكم تقريباً راح آنتظر وصولها ؟؟

طبعاً أنا راغب في السيارة قطعاً وفي حالة رفض الوكالات لها وأشتريتها من أمريكا هل راح تفرق معي المواصفات بشكل كبير ؟؟ يعني الرديتر والحرارة والأشياء هذي ،،


ولكم جزيل الشكر والتقدير ،،،

[عطل طارئ]

اخوي

رد المكتب الاقليمي وافي وكافي انها لها مواصفات مختلفه

والوكالات اللي عندنا مايعترفون بالضمان وانت شاري منهم كيف لو شريتها من الخارج

ونصيحه لك (( الكورفت الاصدار الخاص )) سيكون سعرها مرتفع جداااا
و البدائل موجوده مثل بورش و مازراتي وفيراري


وبالتوفيق لك دوما وأبدا

[مجنون BMW]

مشكور أخوي عطل طارئ ويعطيك العافية على الرد ،،

بالنسبة لرد المكتب الإقليمي حول إختلاف المواصفات ممكن يكون في العدادات إنها تكون بالميل وأيضاً الراديو ،،

وهذي ماراح تفرق معي ،،

بس المشكلة إذا كان الفرق في الرديتر والأجزاء الحساسه ،،

بالنسبة للسعر ترى مو غالي يعني الفرق بينها وبين ال C6 فقط ٥ آلاف دولار ،،

والفرق بينهم يستاهل أكثر من هالمبلغ ،،

سعرها بموقع شيفروليه ٥٨ ألف دولار

يعني تقريباً راح يكون مع زيادة ٤٠ إلى ٦٠ آلف عمولة وكلائنا المحترمين ٢٦٠ إلى ٢٨٠ ألف ريال ،،

بإنتظار بقية الأخوان ،،