افضل مركز صيانة لــ اللومينا في جدة

هايم في جدة @user_103996 · 21-02-2010

أخواني أعضاء ومشرفين منتدى السيارات

السلام عليكم ورحمة الله وبركاته

تعبت والله من البحث عن ورشة أو مركز للصيانة

الورش والمراكز أغلبهم استغلاليين وشغلهم سيئ جداً

أتمنى منكم تدلوني على ورشة أو مركز صيانة موثوق فيه وموثوق في شغلهم وصيانتهم

ابغا اسوي صيانة شاملة للسيارة ( السيارة راحت وطي ) من كثر مالعبوا فيها الميكانيكيه

ودي بمركز اتعامل معاه بشكل دائم لعمل صيانة دورية عندهم بس يكون شغلهم ممتاز وموثوق في أمانتهم

السيارة هي : لومينا 2004 LTZ

ولكم مني خالص الشكر والتقدير .

mmm800 @user_88689 · 23-02-2010

شوف اخوي عندك مركز خدمة السيارات في الصناعية بعد كوبري بريمان تجيك اشارة تاخذ يمين وبعدها يوترن وعلى يمينك .. هذا عن تجربة ممتاز ومتخصص فقط في الشيفروليه ..

هايم في جدة @user_103996 صاحب الموضوع · 23-02-2010

اخي العزيز / امير الارض

اشكر لك تفاعلك ومداخلتك الثمينه عزيزي

بالنسبه لــ اي سي ديلكو رحت لهم قبل اسبوع

هم فعلاً أحد فروع الجميح

بس المشكله انه الفحص عندهم عادي مش كمبيوتر وبــ 150 ريال

وحسب افادة مهندس الاستقبال انه اسعارهم نفس اسعار شركة الجميح

عموماً أنا الآن مايهمني السعر بقدر مايهمني انه يكون شغلهم ممتاز ومضمون

وشغل الوكالات للأسف ابتزاز عيني عينك وهذا أمر معروف لدى الجميع .

عموماً شاكر ومقدر مداخلتك ياغالي .

امير الارض @user_75948 · 22-02-2010

شوف عزيزي في مركز اي سي دلكو هذا تابع لوكالة الجميع تروح تسوي فحص شامل من الصدام للصدام اضن قيمته 150 مو متاكد بالضبط لكن جرب تمرهم سوي الفحص الشامل يعطونك تقرير كامل عن السيارة واذا عندك ورشة محترمة صلح فيها بناء على التقرير او صلح عندهم طبعا هذا اسمه مركز الخدمة السريعه تابع لوكالة الجميح شاهد الموقع بالاسفل ... بالتوفيق

http://www.aljomaihauto.com/AR/Services/OtherServices/Quick+Services/

هايم في جدة @user_103996 صاحب الموضوع · 22-02-2010

الف شكر لك اخوي ونان نت

انا فعلا رحت له قبل عدة اشهر بالصدفه

وكشف عالسيارة بالكمبيوتر وفحص عادي

بصراحه هو يتكلم بثقه على انه متمكن من شغله ولكن ماارتحت له كثير

وواضح انه فعلا يلسع بالفلوس

عموما الف شكر لك ياغالي ماقصرت

وبإذن الله باروح له اذا مالقيت احد غيره .

ونان نت @user_74999 · 21-02-2010

يالغالي عند مركز التقوى في شارع سلطان بن سلمان ( المنطقه الصناعيه )

وانت نازل من كبري المطار تمشي الين تجيك الاشاره الي على طول منها توديك للمطار

خذ يسار من الاشاره واتجه جنوب الين تجيك الاشاره حقت مربع تويوتا وبعد الاشاره خذ

يمين امشي كيلو او اقل يجيك على اليمين مقابل الرميزان

الفني اسمه ياسر شغلله مررره مضبوط ولاكن يلسعك بالفلووووس