السلام عليكم ،
عندي موتر لانسر 2001 اوتوماتيك بدلت له قير سنة 2007 وكلفني حوالي 3500 ريال ، بس مع بداية سنة 2009 طلع صوت خفيف اثناء تخفيف سرعة السيارة (مثلا عن الاشارة) وفحصت السيارة عند بعض الورش وكلهم قالوا انه صوت بيرنق (رمان)، ونصحوني اني ما ابدلهم وانتظر عليهم شوي لان الصوت كان خفيف ، الحين الصوت زاد وصار مزعج ، فحصت السيارة عند بعض الورش على اساس انه بيرنق بس اتضح ان الصوت كان من القير :smilie20::smilie20::smilie20:
وألحين انا ابغي ابيع السيارة لأن زهقت منها بس ابغي اصلحها قبل ما ابيعها على اساس تكون فيها قيمة ،، سألت عن قيرات مستعمله في الدمام وقالو لي في حدود 2000 اوتوماتيك وانا بصراحة ما اقدر على هذا المبلغ . بس سمعت ان في مكان تشليح سيارات على طريق بقيق-الحساء ،،
هل فيه احد يقدر يساعدني ويسأل لي ان كان عندهم قير أو لا وبكم سعره ، أو على الاقل يكون فيه ارقام اتصال لأصحاب ورش التشليح أقدر اتصل واسألهم .
لان الله يسلمكم انا من البحرين والمسافة راح تكون بعيده عليي وأخاف اروح وارجع بلا فايده ،،،
ياريت احد يقدر يساعدني الله يخليكم ...