السلام عليكم ورحمة الله وبركاته
اسعد الله جميع اوقاتكم بكل خير
ما اطول عليكم حبايبي وان شاء الله اني القى حل لهالمشكله او احد يفيدني من اصحاب الخبره
انا ياطوال الاعمار عزم السياره شوي ضعيف وخاصه عند القومه غيرت كويلات وبواجي قبل يمكن 3 اشهر
وغيرت فلاتر وماخليت شي شيكت عالسياره من الصدام الى الصدام
طلع لي بالفحص حاجتين
الاولى يقول لي عندك حساس ضغط المكينه
الثانيه يقول عندك حساس الهواء والمشكله ان ما احد يقدر يغيرها لك الا الوكاله
رحت للوكاله وقال لازم نفحصها عندنا هالفحص مانعتمد عليه
رغم اني فحصت في محلين وكلهم قالوا لي نفس الكلام وقالوا لي مكينة سيارتك ماشاء الله
فيها بس هالحاجتين وطلعت نسبة المكينه والقير 90%
رحت الوكاله وفحصوا لي السياره وقالوا لي انت عندك مشكله كبيره وطويله وعريضه
لازم نفك المكينه لان المشكله ماهي مبينه لنا وفك المكينه بس بيكلف 6500 
واذا اكتشفنا وين المشكله بنسويها يعني يمكن تكلفك الشغله 14000 
انا لما قال هالكلام انجنيت قلت لا خلاص طلعوا السياره
يومي محيوس وربي مهموم عشان السياره لكن ان شاء الله خير
طبعاً المشكله في السياره احياناً اول ما اشغل المكيفه السياره تبي تطفى
واحياناً وانا واقف يقل ضغط المكينه الين تقرب تطفى بعدين يطلع ضغط المكينه شوي
وهذي نادر ماتسويها معي
السؤال هنا هل فيه حل لهالمشكله او لا؟؟
علماً انه افادني واحد بقطع الغيار قال لاتخليهم يفكونها لان قيمة المكينه الجديده 35000
ارجو الافاده من اصحاب الخبره ولاتبخلون علي وربي النفسيه زفت عشان هالموضوع
لكن الحمد لله على كل حال
وشكراً للجميع مقدماً 
