مشكلة في كابريس 2006 + بعض الاستشارات ..

Abdullah_888 @user_60156 · 06-02-2010

السلام عليكم ورحمة الله وبركاته ..

شباب انا اخيرا وبعد كم سنه اشتريت كابريس 2006 LTZ V8 من الكويت الاسبوع الماضي ... لاني من زمان نفسي بهالموتر ...

وعندي مشكله وعندي بعض الاستشارات ...

المشكله هي وجود صوت ( ونه ) خفيفه (( في الجهه الامامية للسياره )) تبدأ تقريبا من سرعة 70 واذا وصلت 100 تتقطع وتتسارع واذا وصلت 130 تقريبا تختفي ... معها رجه خفييييفه

الغريب انه اذا نطحني هواء يزود الصوت تطلع واضحة ...

رحت لمحلين واحد قال المراوح يبغالها رمان او تغيير
والثاني قال صوت رمان بالكفر الايسر (( يقول الفلنجه او الفلنجر مافهمت عليه )) وايضا يقول الروحه تطلع صوت ... لكن يقول كلهم مو لازم تغيرهم ... لان الصوت بسيط ...

طبعا كلهم تكلموا بدون فحص يعني مجرد سماع الصوت ...

ياليت اللي عنده خبره يفيدني ...

..................

اما بالنسبه للاستشارت ...

اولا زيت القير والفلتر ... ودي اغيرهم لكن متخوف لان كان معاي فوردين ( ماركيز )
غيرت الفلتر والزيت وبعدها تغير تعشيق الموتر وبعد شهرين او ثلاث وظبت القير في كل السيارتين ..

ثانيا ... ايش الاشياء اللي يبغالها تغيير ... لان السياره نظيفه ماشاء الله ومحافظ عليها لكن انا اسمع ان غالب اهل الكويت ماعندهم صيانه ... يعني شغل وامش ...!!!

اتمنى من من لديه خبره خاصه في الكابريس افادتي ولكم جزيل الشكر ....

راعي الكوري @user_174437 · 08-02-2010

ردم عليك خبراء الورشه اذ صوت الونه ماراح مع تبديل الكفر ورش بخاخ الصداء على الهوبات تاكد ان الرومان بلي حق الكفر واذ اهملته راح تنعدم عليك الفلنجه

Abdullah_888 @user_60156 صاحب الموضوع · 07-02-2010

فني سيارات الله يعطيك العافيه ... وانا بصراحه لو اعرف المشكله ماترددت بالتغيير بس ماعرفت للحين ... وبالنسبه للموتر ماشي 118

ابو سعود بيض الله وجهك صراحه انا اشوف الهوبات فيها صدأ بالاطراف ..!! والكفرات مغيرهم اول ماشتريت الموتر وكأنه خف الصوت ... لكن بجرب طريقتك ...
بالنسبه لتغيير الزيت طريقتك معقوووله جدا. ...

ابو سعود$ @user_117319 Banned · 07-02-2010

جرب رش بخاخ مزيل الصداء على الهوبات الامامية او مكان الصوت فأذا راح الصوت فالمشكلة من الهوبات تحتاج خرط وتغيير الفحمات0
اما اذا ما راح الصوت فالمشكلة من رمان الفلنجه، ولكن جرب بدل الكفرات على شكل x
يمكن يكون المشكلة من الكفر فيه واحد صارت معه 0
اما زيت القير
اذا لك اكثر من 35 الف ما غيرت الزيت ما انصحك تغيره مرة وحدة والتغيير بالتدريج
1- تروح المشحمة وتخليه يشفط لترين زيت قير بآلة الشفط من مكان معيار زيت القير وتحط بدالها علبتين زيت اي سي ديلكو 0
2-بعد ثلاث اسابيع تكرر نفس الطريقة ولكن تزيد الى ثلاثة لترات وتضع ثلاث علب0
والمقصود بهذه الطريقة بأن تجعل الزيت يتجانس مع الزيت القديم ولأنه فيه كثير غيرو زيت القير بعد مدة طويلة وخرب القير معهم0
3-بعد اسبوعين مما ذكرت تغير زيت القير بالكامل مع الفلتر 0 بالتوفيق

فني سيارات @user_8460 · 07-02-2010

والثاني قال صوت رمان بالكفر الايسر (( يقول الفلنجه او الفلنجر مافهمت عليه )) وايضا يقول الروحه تطلع صوت ...

نعم انا مع هذا الكلام وهو اقرب للواقع

لكن يقول كلهم مو لازم تغيرهم ... لان الصوت بسيط ...

بل الافضل تغييرهم من ناحية الامان وقدج تهمله ويزيد وياكل كرسي الرمان ويتعبك زيادة في التصليح

[CENTER]اما بالنسبه للاستشارت ...

اولا زيت القير والفلتر ... ودي اغيرهم لكن متخوف لان كان معاي فوردين ( ماركيز )
غيرت الفلتر والزيت وبعدها تغير تعشيق الموتر وبعد شهرين او ثلاث وظبت القير في كل السيارتين

بما ان السيارة مستعمله يصعب الفتوى هل تبدل زيت او لا
لان في السيارات الجديدة كل 60 الى 80 الف تبدل زيت مع فلتر
وانت لاتعلم صاحبها كيف هو مع الصيانه
لو السيارة عدت الــ100 الف الافضل انك تزيد الزيت اذا نقص ولا تبدل فلتر مع زيت للجير

هذا و الله اعلم [/CENTER]