أحد يصدق ان هذا لاندكروزر

الله يكيفينا ويكفيكم شر الحوادث

الله يكفينا شر الحوادث

الله يكفينا شر الحوادث وبعد عنا كل مكروه

الله ستر عليه اعتقد والعلم عند الله من كفرات البالون واكيد مسرع

الحمدلله على سلامته

هلا أبوإياد...

لو قلت لك يوكن 2008 خبطت مكينته...وسكت...بتقول كمل السالفة ...وش السبب ؟؟

مافي شيء يخرب كذا من الباب للطاقة...خصوصا سيارة مشهود لها بالاعتمادية...

دفرنس لاندكروزر يجيم على طول... وش السبب طيب؟..سوء استخدام والا ماسوى له صيانة ؟ والا سبب آخر

بالنسبة للصور اللي في الموضوع انت شفت السيارة كيف معدومة ؟ تتوقع كان يمشي 120 - 130 ؟ مستحيل

أنا ما أقول ان تويوتا لا يمكن تنتج سيارة معيبة...وأكبر دليل عملية سحب السيارات المعيبة الحالية على دواسة البنزين في اكثر من طراز ...

لكن من جهة أخرى ما نلقي اللوم على السيارة دائما ونتجاهل افعال قائد السيارة...

تسلم والله يابو صلوح على تعديل الموضوع

وشكري موصول لكل من شرفنا بمروره

أولاً الله يكفينا شر الحوادث .
ثانياً : غريبة بعض الشباب يضنون إن تويوتا ما فيها أي عيب , وكلهم حطوا اللوم على السواق .

أنا زوج إختي قلب على جيب لاندكروزر GXR 2004 ومعه العائلة وهو من الناس اللي ما يسرع , والسبب إن الدفرنس جيم عليه .

والله إنه ما جاكم إلا الصحيح , والأمريكي مو شركة أبوي عشان أضيع ديني على شانه .

والغريب في الموضوع إنه شريت سيارتي قبله ((وكالة 2008)) , وبعدين شرى سيارته 2004 بمبلغ قريب من سيارتي وكنت أقول له إشتر جديد أفضل لك وقال التويوتا أزين وآخرتها باع سيارته بعد الحادث بـ 40 ألف

لو ___ ولو (( لكن لو تفتح عمل الشيطان))

والله لا يسامح من كذبني وأنا حالف له بالله

وتقبلوا فائق إحترامي وتقديري

السلام عليكم

لاحول ولا قوة الا بالله بصراحة حادث مروع الله المستعان



هذي كفرات بواليه :c0214:

هذي كرات عادية حسب ما اشوف لكن ممسوحة وواض انها من الحادث شوف الخطوط حقتها كيف منصلخة

سبب الحادث كما هو واضح السرعة

المهم هو ايس صار في السيارة بسبب الحادث من جد مأساه
صارت عجين

الله المستعان

عساهم سالميين بس !!

الحمد لله على سلامته...

وواضح ان الانقلاب كان على سرعة عالية...وكفرات بالون !!!

اللي يركب بالون ويسرع عليها غلطان...لأنها ترفع السيارة فوق ماهي رفيعة اصلا مثل الكروزر .. والثبات فيها صفر ..

يمكن يكون السبب انسلاخ الكفر الخلفي مثل ماهو واضح في الصورة ... الله يحفظنا بحفظه

ياما سيارات فيها وسائد للركب وكل اختصارات الانظمة ABS TCS AT ZXC ومع كذا ما تسلم اذا استخدمت استخدام خاطئ
ومثل ما قال # OMAR # النت مليان و من كل الانواع

لكن العاقل من اتعظ بغيره

المفروض تقول هذه نتيجة السيارة اللي ما فيها حتى ABS

إنا لله وإنا له راجعون
الحمدلله على سلامته
والله يسلمنا وياكم من المواقف هذي
حسبنا الله ونعم الوكيل

لا اله الا الله

سبحان الله وبحمده سبحان الله العظيم

يالطيف ايش هذا الحادث حتى الدفرنس طار من مكانه

الصور لها معاني كثيرة ..
اولا: الجيوب وبالذات الجيوب ذات القدرات القوية مثل اللاند كروزر رفيعة عن مستوى سطح الارض .. وهذا معناه ان التحكم بالسيارة في سرعات فوق 120 كيلو راح يكون صعب وقد يسبب انقلابات .. بالاضافة الى وزن السيارة المرتفع اللي يصل فوق 2700 كيلو كعامل اخر ..

ثانيا: البوالين معظمها مكتوب عليها ان السرعة القصوى لها 60 او 90 كيلو بالساعة .. وشعبنا الله يهديهم يمشون عليها 160 وانت طالع ..

ثالثا: السيارات اليابانية والامريكية كلهم بالهوا سوا .. واذا تبي سلامة فتوكل على الله ثم خذ لك موتر اوروبي (( السويدي على وجه الخصوص ))

رابعا: هذا النوع من الحوادث لا يمكن يحصل على سرعة اقل من 120 وعلى كفرات عادية مو بوالين ..

خامسا: المقصد من بعض الردود (ابد مايقصد Drive) واضح .. واذا تبون مثل هذي الصور لسياراتكم الامريكية فقط قوموا بالبحث بقوقل فلن نملأ المنتدى بمواضيع من هذا النوع ..

سادسا: يبقى اللاند مفخرة الارض ولا يعيبه الا استعمال الناس الخاطئ له ..

سابعا: الله يعطيك العافية ياصاحب الموضوع ..

ايوالله نحمد الله على سلامته
والله لا يُري المسلمين مكروه

أشكركم على المرور وشعوركم إتجاه أخوكم المسلم .. هذه والله من نعم الأسلام علينا .
عند إصابة مسلم بمكروه كأننا المصابون .

وشكر خااااااص لأخونا (( drive )) كفاني عنا التحميل وغثاه
فجزاك الله خير أخوي الغالي

وتقبلوا تحياتي