شباب كم توصل الحرارة في الشبح في الصيف وش الحل

السنافي @user_4681 · 01-05-2003

السلام عليكم ورحمة الله وبركاتة والله يعطيكم العافيه

انا ساشباب عندي شبح 320اس م 94 وتوصل الحرارة اذا وقفت لفترة فوق ال90يعني ممكن توصل الى 92درجة او اكثر شوي مادري هل هذا يأثر على السيارة وتعتبر مشكله والا طبيعي واذا مشكلة وش تتوقعون الحل وكم اقصى حد لدرجة الحرارة الطبيعيه
مع العلم ياشباب انه الحرارة لما تكون السيارة ماشيه تبقى على 85 درجة ولا انسى اني اقول انه ساعة الحرارة تبدأ من 40 الى 130 درجة
تكفون الله لا يهينكم فيدوني
والشكر لكل من يدلي بدلوة في هالموضوع
واذا ممكن بعد تقولون لي كم المفروض اخلي الهواء في الاطارت للسيارة

مع الشكر والامتنان لكل من قام على رعاية هذا المنتدى الشيق والمفيد

السنافي @user_4681 صاحب الموضوع · 21-05-2003

لاكن صحيح مهما يقولون عنك من كلام حلو مايوفيك حقك وبأذن الله اذا بجي راح اخبرك واتشرف بمعرفتك واشكرك على خدمتك وتتبعك لموضوعي بكل اهتمام
والله يقدرنا على رد الجميل

السنافي @user_4681 صاحب الموضوع · 21-05-2003

صحيح حلك حلو وفضيع وفعال بس لاتنسى ياخوي الي عندكم كابرس مو مرسيدس ونوع السيارة مهم في هذي الامور بالذات ولا تنسى بعد انه ممكن يكون فيه شئ بسيط ممكن يكون الحل بس مع ذلك حلك فيه البركة ويعطيك الف عافيه على مشاركتك الفعالة والي اكيد مانستغني عنها مهما كان ونحتاج لدعمك على طول الخط وماشاء الله على موتركم وانشاء الله يعطيكم خيرة ويكفيكم شرة .

ksa @user_4764 · 20-05-2003

ردي متأخر لكن عندي الحل .. الاكيد

كان عندنا كابرس قديم وكان والسيارة تمشي .... تحتر
حرارة شديدة نكب على المكينة موية علشان تمشينا شوي ... وتبرد

ولكن الوالد الله يطول بعمره ... غير اللديتر كان 3 طبقات
اشترى واحد 5 طبقات تقريبا بخمس مية ريال ((كبير مره ياخذ ماء كثير))
وابشرك بعدها من قبل 6 سنين الى الحين الحرارة
ماتتحرك طولت ولا بالصيف ولا بالمكيف ماتتحرك ...
ماادري يمكن العداد خربان <=== ;) ((قولو ماشاء الله))

واسف طولت عليك ...

تحيات ksa

مهما يقولون @user_1033 · 19-05-2003

السلام عليكم اخوي السنافي
ابشرك اخوي لاواسطه ولاشي(الورشه للوالد )
وابشر بسعدك
بس انت ارسلي رساله على الايميل [email][email protected][/email]
قبل ما تجي الرياض وانشاء الله نخدمك

السنافي @user_4681 صاحب الموضوع · 17-05-2003

الله يطمن قلبك ياخوي والله ريحتني شوي ومادري خويك هذا الي عندة الورشه ممكن اخذ رقمة على الاقل لو قررت اجي الرياض امرة ويمكن امر المدشل بعد بس اكيد مانستغني عن واسطتك والحين زي مانت عارف كل شئ يمشي بالواسطة

مهما يقولون @user_1033 · 16-05-2003

اخوي السنافي
السلام عليكم ورحمة الله وبركاته

بالنسبه للحراره

ابشرك حرارة سيارتك اقرب للطبيعيه ولكن نصيحتي لك ان تقوم بتغير ماء الرديتر وان تضع هواء التكييف على الوضع الخارجي(صدقني تفرق كثير)

وحبذا تكشف اذا استمرت المشكله وياليتك بالرياض كان سويتلك خصم في الورشه والله(عنده ورشه على قده متخصص الماني)

السنافي @user_4681 صاحب الموضوع · 15-05-2003

ياخوي المشكله اني بس افكر احط راسي في الغمارة ويصب العرق مني من الاحراج
وشكلي بروح حق بوعبدالله واشوف رايه بس قبل ماروح بتصل عليه على الورشه وهذا انا ادور رقمه وانشاء الله بوعبدالله مايقصر خاصه مع افراد المنتدى بس انا مستغرب من قراء الموضوع انهم ماحد قال كم الحرارة توصل عندة مادري كلهم ماعندهم حرارة والا وش السالفه
والله يعطيك العافيه ومالنا غنى عن رايك ومشاركاتك في مواضيعنا يالغالي

أحمد مطر @user_1022 · 12-05-2003

هو المدشل لهم مراكز الفردوس في الرياض ومراكز ( ليما ) في الدمام ... ولكن لا تقلق هو الشبح عادته يوصل للتسعين ...

الأشياء اللتي ممكن تتأكد منها بنفسك هي

ماء الأديتر لا بد يكون أصلي وألماني
لا تغير الماء بنفسك فالعملية بحاجة الى خبرة وتنسيم الهوزات .
ممكن تسأل وتشوف أي صاحب شبح وتتأكد من الحرارة ... عادي ... وش فيها يالسنافي ... ما فيها شي ... دخل رأسك في الغمارة وقول عن إذنك أبغى أشوف الحرارة . تقبل تحياتي .

السنافي @user_4681 صاحب الموضوع · 12-05-2003

الله يعطيك العافيه بس على فكرة انا سيارتي مو وارد المانيا خليجيه 100 بالميه
وانا في الشرقيه مادري ممكن تنصحني بمكان اروح له واتعامل معه في الصيانه مع اني اتمنى اشوف راي بوعبدالله على الاقل اظمن واصدق مادري للمدشل مكان بالشرقيه

أحمد مطر @user_1022 · 12-05-2003

مرحباً أخوي السنافي

بالنسبة لحرارة الشبح : توقف على التسعين وممكن تزيد درجه درجتين في عز الزحمه والحر ( خاصة إذا هو إستخدام ألماني .. مش وارد الجفالي ) ... وهذا طبيعي ولكن عندما تمشي السيارة تنخفض الحرارة وتتراوح مابين الثمانين الى تحت التسعين بشوي .
لكن أنتبه من التذبذب الغير طبيعي في الحرارة أقصد تشوف عداد الحرارة يلعب قدامك فعند الوقوف ولو لثواني تجده فوق التسعين ولما تمشي ينزل الى الثمانين ... وهذا يدل ان عندك مشكلة في أحد الحساسات أو أتوماتيك المروحة الرئيسية أو عطل في أحد المراوح الإضافية ...

ومر مركز الفردوس بالرياض وأسأل عن أبو عبدالله المدشل وهو يساعدك ..

تقبل تحياتي

السنافي @user_4681 صاحب الموضوع · 12-05-2003

اخيرا |9|فزنا بزيارتك للموضوع يامتخصص السيارات الله يعافيك ويسلمك
ومشكور على هالمشاركة الطيبه الحقيقه اسعدتني زيارتك والله يالغالي .:D

متخصص السيارات @user_148 · 11-05-2003

الحرارة مشكلة تقلق اصحاب السيارات ولهذا شركات السيارات الان حلت اغلب المشكلة حتى تصل تقريبا الى سيارات حرارة محركاتها ثابتة في كل الظروف وايضا تحتاج الى فحص قليل لمسنوى الماء في مبردها .. عموما انا اشور عليك لمشكلة سيارتك انك تروح لكراج الوكيل وسئله عن الحرارة الطبيعية لموديل ونوع سيارتك واذا كانت نفسها فهي طبيعية اما اذا لم تكن كذلك اذن ... ابحث عن مشكلة في نظام التبريد لديك .... شكراا .. :)

السنافي @user_4681 صاحب الموضوع · 11-05-2003

السلام عليكم ورحمة الله وبراكته
يعطيك العافيه يالقاضي ويسلم لي دخولك ومشاركتك في الموضوع وماشاء الله عليك دايم مشاركتك جميله وحلوة .بس ماقلت لي هل الحرارة الي في سيارتي طبيعيه والا مضرة بالسيارة وممكن تقول لي كم ممكن يكلفني(فلوس) الاديتر وشغله(تركيبه ) وهل راح يركب بدون اي مشكله يعني مايحتاج ترهيمات زايدة وش الفرق بين الاديترين وكم راح توصل الحرارة لو ركبته .واتمنى من الشباب الي عندهم نفس السيارة يقولون لنا كم توصل الحرارة عندهم عشان كلنا نستفيد من الموضوع .

القاضي @user_2001 · 09-05-2003

سلام اخوي انا شاب اشتغل في وكالة المرسيدس في البحرين عن الحداد زين اقولك ركب رديتر 500 اس وشوف الفرق اذا ارتفعت الحرارة تعال انا بعطيك الفلوس مال الرديتر اسأل مجرب ولا تسأل طبيب اهل البحرين خبراء في هذي السوالف |3||3|

السنافي @user_4681 صاحب الموضوع · 07-05-2003

السلام عليكم ياشباب
لو سمحتوا الي عندة شبح يطرح رايه ويقول كم توصل الحرارة عنده الين يجي الخبير ويرد علينا والله يعطيكم العافيه

السنافي @user_4681 صاحب الموضوع · 03-05-2003

يعطيك العافيه ياخبيرنا الصغير وانت في الحقيقة كبير في عيونا والله
تسلم لي هالمشاركة الطيبه منك ولا تحرمنا خبراتك المميزة

خبير صغير @user_4095 · 02-05-2003

انا اقولك بي اخصوص الهواء تبع الكفرات خلة 35

الفني @user_742 · 01-05-2003

أكرمك الله بحسن خلقك ...
المدشل مجاز هذه الأيام .. متخصص يفي بالغرض وزيادة ..

السنافي @user_4681 صاحب الموضوع · 01-05-2003

تسلم تسلم ياخوي الفني والله اني فرحة بكلماتك البسيطة الي قلتها وصدقني دخولك للموضوع في حد ذاته اعتبرة دعم من لي وللمنتدى .
وعسى اخوانا المدشل والتخصص مايغيبون وبالذات المدشل غيباته طويله
والله يعطيك العافيه ياخوي الفني