الرد للخبراء فقط

إذا تبغى كل هذي المواصفات خذ المازدا


المواصفات من الخارج:
1-كشافات اماميه
2-انوار اماميه مع زينون عالي و واطي (مجربها بنفسي لاتاكد من انه يوجد فيها زينون عالي)
3-جنوط 16
4-جناح خلفي
5-زوائد جانبيه
6-اختلاف خفيف لشكل الدعاميه الاماميه بين الفل والاستاندرد
7-البصمه الدخول من غير مفتاح موجود على الابواب الاماميه والشنطه
8-الاضائه الخلفيه ليدز

المواصفات من الداخل وهي كثيره جدا:
1-تشغيل السياره من غير مفتاح بزر
2-مفتاح السياره مطابق لمفتاح سياره المازدا 6
3-يوجد بها النظام الترحيبي الاضائي<<<متعوب عليه هالمصطلح
طبعا يعرفوه للي عندهم المازدا 6 الفل ابشن
4-اضائه العدادات ليزر بلونين احمر وازرق خفيف
5-خاصيه اناره السياره اتوماتيكيا
6-حساسات مطر
7-تحكم بكامل انظمه السياره من مكيف ومسجل والشاشه عن طريق الطاره
8- تعتيم للمرايا
9-السياره فيها شاشتين شاشه معلومات مكان النفقيشن تحمل مواصفات كثيره منها معدل صرف الوقود ومعدل السرعه وتحديد تنبيه السرعه ودرجه الحراره مواعيد الصيانه تغير اللغه اذا تم فتح الباب تظر على الشاشه صوره السياره واي باب فاتح وتظهر عليها قنوات الاف ام كامل طبها اكيد لما تحط سي دي راح يظهر شي بس ما جربت
طبعا في امور ثانيه كثير ما جربتها على الشاشه والشاشه طبعا مو ملونه ويكن انك تطفيها كامل ما تظهر ولا تقول انه يوجد شاشه اصلا.
الشاشه الثانيه مثل الي بالمازدا 6 بس اصغر
10-الشبابيك كلها اوتوماتيك(تنزل وتطلع بضغطه وحده بس)عجبني هالابشن
11- المرايا الجانيه تغلق اوتوماتيكيا
12-المسجل رائع بست سماعات ولكن مش من شركه بوس أتوقع 6 سيديات MP3 و WMA جرب صوته عالي وواضح
13-مدخل للايبوت والكهرباء بالتكايه الي بالوسط
14-المقود والقير ملبس بالجلد
15-قير اوتوماتيك مع امكانيه التبديل اليدوي
16-مكيف الكتروني بالكامل مع امكانيه التحكم بدرجه الحراره بشكل منفصل للراكب والسائق
17-فتحه سقف
18-فيها ABS و EBD

في الأخير ماعليك من كلام الناس و كل واحد يقعد يمدح في سيارته

جربها و أنت الحكم :xyxthumbs:

توكل على الله وخذ لانسر والسيارة عندي ماشيه 11000 كيلو ومشاء الله احلى مايكون ومكينتها تعطيك وشكلها الداخلي والخارجي جدا رائع
ورساوتها توب اما الكورلا يلعب الهواء فيها لعب

لكن قطع اللانسر سعرها مرتفع شوي لكن السيارة ماتطلب غير زيت وبنزين

وبالتوفيق ولاتنسى تستخير

اخوي انصحك بالانسر جي تي والله موتر انا اعتقد اهي افضل سيارة في فئتها من السييارات اليبانية
لا كورولا ولا سفيك ولا مازدا ولا النترا
جنط 18انش ولا في الاوريون هالجنط
تبديل تعشيق في الاوتو ماتك f1 ولا افخم سيارة في تويوتا فيها هالشي
سوند سستم شد بلد ماله داعي تطبق سستم في السيارة
وكفاية انك لو بتقاوم تطرح كوامري واكوردات وسوناتات لين تقول بس وفوق هذا ميتسوبيشي ياني اصلي
وصحيح نسيت تشغيل مفتاح ذكي والكتروني في نفس الوقت يعن السيارة مايحتاج والله حلللووووووووووووووة وانصحك فيها وفي موضوع بعد حق واد من الحبايب وهذا الرابط حقه
http://www.assayyarat.com/forums/showthread.php?t=181959

بسم الله الرحمن الرحيم
اخوي بالنسبه للطابع الرياضي والاداء والقوه فالانسر هي الاولى وايضا رحابة مقصورتها الداخليه
اما الكورلا في ممتازع ولاكنها تختلف عن الانسر انها سياره مدينه ولا تمتاز بالطابع الرياضي والشكل الانسيابي والرساوه التي موجوده في الانسر

المازدا سياره ما عليها كلام لاكن لا تقارن بالانسر والكورلا لان مكينتها ضعيفف وايضا مقصورتها صغيره ولا انسى قطع غيارها غاليه اتكلم من واقع تجربه مع المازدا


اما عن سوالك ايهما افضل قوه الماكينه والتسارع والاداء فالانسر تتفوق على الكورلا والمازدا بفارق كبير

اتمنى اني افدتك

والله انا شخصيا افضل لانسر جي تي كقوة وشكل ورساوة افضل من الي ذكرتهم جميعا

خذلك الكورلا ..والله بإذن الله تكرف معااااك ..

ومافيها أي مشاكل بإذن الله

وعموما تويوتا مثل الشيك بجيبك

أنصحك باللانسر سيارة اكثر من رائعة بشهادة ملاكها في المنتدى

شكرا لردك
لكن من ناحية قوة الماكينة وتسارع السيارة ايهما افضل؟