مخآلفه تظلليل !! وعند السدآد ( تسيير معدآت زرآعيه ) .. ياليت تفيدوني

Mr.Milan @user_83386 · 19-12-2009

السلام عليكم ورحمة الله وبركاته ..

اخواني .. انا حصلت على قسيمه تظليل قبل شهر ونصف .. والمخالفه نزلت قبل 5 ايام .. بقيمه 300 ريال .. بصراحه استغربت من السعر المسجل لاني كنت اتوقعها 150 فـ قلت ممكن رفعوها للحد الاعلى .. اليوم رحت للصرافه عشان اسدد المخالفه .. وتفاجئت بان المخالفه المسجله ( تسيير معدات زراعيه ) < -- ماشاء الله اول مره اعرف بان عندي ادوات فلآحه ..!!

مع العلم بان ورقه المخالفه عندي .. ومسجل رمز المخالفه ( 201 ) .. ومكتوب مخالفه تظليل ..

ياليت يـ اخواني تساعدوني .. هل اروح للمرور واعطيهم ورقه المخالفه الاصليه عشان يتاكدون ويطابقون الورقه مع اللي مسجل بالجهاز .. ولا اريح عمري من هالمشاكل واسدد هالـ 300 واقول حسبي الله ع الظالم ..

ياليت تفيدوني

Mr.3zAy @user_200954 · 04-01-2010

كل السـآلفه إن فيه واحد مآخذ هالمخآلفه و عنده وآسطة

فالوقـت الحآلي مآفي أطلق وآسطة تقدر تحذف المخآلفه !

فيبدلون المخآلفه مع شخص ثآني يعني أنا علي مخالفة سرعه !

و أنت عليـك مخالفه تضليل و أنا معي وآسطة أقدر أخذ مخآلفتك

و تأخذ مخالفتي يعني أسدد التضليل أرخص لي و أنت سدد السرعه :$

فــ1997ــورد @user_168405 · 26-12-2009

طيب اخووي وشلون انسدد بالصراف ..عندي الراجحي..؟؟

الأزيرا الخضراء @user_161906 · 26-12-2009

لو بتروح المرور
وربي ماتاخذ حقك , ولو بتاخذ حقك بياخروك ويمرمطوك

DSC @user_184327 · 26-12-2009

لايكون مطلعين استماره لسيارتك باسم حراثه خخخخ امزح
اخوي رح لهم يعدلونها وسددها قبل ماتصير 300 صدق
ناس متهاونه في عملها حسبي الله عليهم

Blackzilla @user_180005 · 26-12-2009

^جزاك الله خير ...لكن خاصية التعديل ماتشتغل اتمنى من اي مشرف يصحح

الانيـق @user_43224 · 25-12-2009

^^^

تصيحيح : الله *

Blackzilla @user_180005 · 25-12-2009

انا اخذت مخالفة تظليل ولقيتهم حاطينها ( اجراء تعديل على هيكل المركبه دون إتخاذ الاجراءات اللازمه ) بـ 500 ريال ! لكن يوم دورت على سعر المخالفه الحد الاعلى وطلع 500 بعد النظام الخايس الجديد ...ياخي مايخافون الله فينا هم ؟ يعني موظفين على 1500-3000 ومخالفه تجي قيمتها قيمة شغل اسبوع كامل بالدوام ؟

فيصل بن محمد @user_24620 · 25-12-2009

اخطاء طبيعيه في ادخال رموز المخالفات بالنظام ولكن المهم هو سعر المخالفه

اذا كان سعرها نفس سعر المخالفه الاساسيه فلا يوجد اي مشكله ولكن اذا كان

سعرها اعلى فهنا يجب المراجعه حتى يتم تعديل سعر المخالفه وحاول

انك ماتخالف مره ثانيه :smile: والمسميات ليست ذات اهميه لانه عند التسديد

يتم الغاء تسجيل المخالفه
والله الموفق

كليبر @user_186173 · 25-12-2009

ر

راعي الكوري

هذا ياطويل العمر خطاء في ادخال رقم المخالفه خطا من نفس الموظف الي ادخلها في الجهاز راجعهم لان رقم مخالفه المعدات فرق رقم واحد عن التضليل

الله يكون بعونك على المرور

اخوي ماخذ مخالفه سرعه وحطوها تسيير معدات زراعية
والله على ما اول شهيد

راعي الكوري @user_174437 · 25-12-2009

هذا ياطويل العمر خطاء في ادخال رقم المخالفه خطا من نفس الموظف الي ادخلها في الجهاز راجعهم لان رقم مخالفه المعدات فرق رقم واحد عن التضليل

الله يكون بعونك على المرور

مربوش @user_12247 · 22-12-2009

معدات زراعيه هذي المخالفه انتشرت عند اصحابي يعني مو بس واحد اشتكى منها كثير

واتوقع انه في واحد شالها بواسطه عن خوييه وحطها فيكم

سكولر @user_199756 · 19-12-2009

اخوي نفس المشكلة صارت لي

وسالت واحد من الربع

وقال ايوه ارفعوها للحد الاعلى

وبلاك اللي اخذ مخالفة عدم حمل رخصة

وكتبوا له السرعة في اماكن غير مؤهله للسرعة :bigggrin:

الله يكون بالعووون

الانيـق @user_43224 · 19-12-2009

راجع المرور افضل اذا انك فاضي

azera 6885 @user_171351 · 19-12-2009

احمد ربك ماكانت تفحيط مع المرواغه

حبيب الملاييين @user_157406 · 19-12-2009

احس اننا فـ الصعيد خخخخخخخخخخخخخ

والله ياخوي انت فـ كل الحالات بـتروح وتدفع .. فـ بلاش من المرمطه والكلام الفاضي وترفع ضغطك على 150 ريال .. وادفعها .. لو اعرف ان المرور متساهلين معك وعلى طول يعطوك حقك كان قلتلك روح للمرور الأول .. لكن ما عندك احد وربي ..

والله يناسبك اعمله ..
تحياتي لك ..