تكفون ابي سانتافي فيدوني عنها

:smilie20: امنية حياتي اعبي بنزين 91

تحطمت قسم بالله


على قولتكم يعني اعبي 95 احسن من 91 ؟


من ناحية الشاشه اشتريها معى الكاميرا الخلفيه ولا الكاميرا موجوده بس اشتري شاشه فقط

جزاك الله الف خير على الشرح الكافي والوافي..

احتمال اني اغير البانزين 95

تصدق فرحت اول مره اشتري سيارة بانزينها 91 ههههههه

الله يعطيك العافية اخوي


بس ما قلتلي هل لقيت طريقة على الشاشة لطلبها ..؟

لاني ناوي اركب شاشة تكايات وشاشة رئيسية..

هلا اخوي

بالنسبة لي انا كنت احط بنزين 91 حسب الكاتلوج والشركة ولكن بعد ما غيرت الى 95 الحمدلله العزم صار اقوى والصرفية اقل (تفرق معك في الطرق السريعه للسفر) وصوت الماكينة صار اهدى وبدون قرقعة الديزل ومثل ما أتفضلت الكاتلوج يقول 91 واعلى !!

بالنسبة للريحة التي كنت اعاني منها ،، هي عبارة عن ريحة كريهه مثل المجاري اعزكم الله او مقاربة لريحة كبريت تقريبا ،،، تظهر فقط عندما اشد على السيارة او في قومة قوية ،، وتختفي بسرعة وراجعت الشركة مرات عديدة ولم يفلحوا في حلها مع انها خفت بسنبة كبيرة جدا بعد تغيير البنزين لـ 95 !!! وعلى حسب كلام كبير المهندسين بالناغي بان هذه المشكلة من حساسات الشكمان وتظهر فقط عند الانطلاقه القوية .

والله السيارة اليوم وديتها للوكالة للتشييك 1000 كلم.

وكانت خدماتهم سريعة فقط تغيير زيت .

وكان عندي ملاحظة واحدة هي رجة بالسيارة بعد سرعة 80كلم

وقالو روح للوكالة وبعد مراجعة الوكالة افادوني بان السيارة لازم تبات عندهم حتى يوم السبت لان ممكن يغيرون الكفرات.. وعندهم زحمه. (الوعلان)


قلت خليها السبت تقعد لين يوم الاحد احسن..


المهم البانزين.


انا اللي احطه 91... على كلام الوكالة..

لكن اخونا slide اكيد افهم في الموضوع..

انا لسا السيارة جديدة ما دعست فيها وسمعت ملاحظة الاخ عن رائحة البانزين والموضوع المنزل بهذا الخصوص..

الكاتلوج مكتوب 91 وأعلى يعني ما راح يضره 95 لكن ؟؟

هل اختفت الملاحظات بعد تغير نوعية البانزين وصرفية البانزين هل تغيرت بشكل واضح..؟؟


اخي الكريم هل تنصح ان اغيره 95 ؟ لان الــ 10 ريال الفرق مو كبير والشي الثاني اذا قلت الصرفية يعني هيه هيه ..

ممكن تزودنا بصورة على الزوائد اللي من الناغي واسعار القطع والنصائح في الاكسسورارات..

انا طلبت من الصين مسجل شاشة وقالو بيكلف 360دولار مع التوصيل.. قرابة 1400.

يا ليت تعطينا انطباعك عن الشاشة وايجابيتها وعيوبها...

اتوقع ال91 عندنا ملئ بالشوائب

الله يجزاك خير انت واخواني الاعضاء

لاكن السوال هنا

غريبه السياره مصممه على بنزين 91 ويطلع 91 يخرب السياره ؟


الاخ مانساك هل تعبي بنزين 91 وهل طلع عندك بعض الصوت والفروقات ؟

مثل ماطلع لاخونا slide

شباب ،،،، هاوي الرمال ومانساك :)

اولا مبروك النسكافيه (( السانتافيه )) مفخرة هيونداي وخيار الاذكياء ،،،، :)

انا الحمدلله طلعت سانتافي 2009 GLS 2.7 4WD دبل وميزة ESP تحكم الثبات و مدخل USB وفتحة وقماش رياضي رائع (ليس مخمل) وتخشيب كامل ومكيف خلفي ،،، اشارة عالمرايات واخذتها كاش بسعر 83000 ريال من الناغي جدة ،،، وحطيت عليها شوية اكسسوارات من الوكالة مثل الزنون ، بودي كت تحت الصدام (اركان بلاستيك ) حساسات نفس لون السيارة وجناح خلفي واسطبات ليد شرايح كلها وكالة مع الضمان والتركيب المجاني ،،،، وبعد فترة بسيطه جبت لي شاشة خاصة للسانتافي مع كاميرا خلفية من الصين ما كلفتني 1200 ريال والسيارة صار لها معايا 8 شهور تقريبا ،،، ولله الحمد لم اندم يوم على اقتنائها لانها ببساطه سيارة عائلية واسعة وشبابية وتعجبك في التغاريز الخفيفة وقوية على المطبات الغير طبيعية التي نعاني منها حاليا ، ورائعه جدا في المرتفعات والخطوط الطويلة راسية ماشاء الله تبارك الله ،،، لحد الان ماشية 13000 كيلو وقد سافرت عدة مرات للمدينة المنورة والطائف وينبع وفعلا خيار الاذكياء ،،،،،، ونصيحة لوجه تعالى ،، عبي بنزين 95 رغم ان الشركة تقول ان بنزينها 91 لانه سبب لي بعض الفروقات والملاحظات مثل صوت ماكينة عالي ويشبه صوت محرك ديزل وعزم اقل وصرفيه مو طبيعية في الخطوط السريعة للسفر ورائحه كريهه جدا مع الدعس الجامد على البنزين ،، لذلك حولت لبنزين 95 واختفت اغلب الملاحظات ،، وهذا كله مقابل 10 ريال زيادة لمن تعبي فل ،، بمعنى بدل ما تعبي 30 ريال للفل ،، راح تعبي ب 40 ريال ويمشيك تقريبا 550 كيلو !!! ،، هذا من واقع تجربة للسيارة وربنا يوفقنا ويوفقكم جميعا

انشاء الله

:bigggrin:

الله يوفقك ويكتب لك اللي فيه الخير.. ويعطيك خيرها ويكفيك شرها

وانشاء الله تكمل باقي المبلغ وتستلم السيارة وتعطينا انطباعك مع الموتر..

فيها حساسات خلفيه الموتر كامل مكمل والكمال لله
اللهم ايش مافيها دعاسات ولا شاشه ومن ناحية الـ يو اس بي و اي بود ما عندي خلفيه عنها هي موجوده ولا

الموتر بسعر الكاش 70 الف ومقدم 10 الاف (عربون) بعد شهر اعطيهم 60 الف بدون زياده
بس المشكله معاد ارجع العربون الي دفعته واذا تاخرت اكثر من الشهر معاد يرجع العربون

ومن ناحية الوكاله والله ما اذكر اسمها بس مافيه الا هي بالخميس عند اشارة المعارض

تقريباً...

شفت وشلون............................ هذا وهم مسوين عرض الشركة 5%
كانت 10%
اجل كم بتطلع..

اجل لو نطلع برادو 2010 اللي قيمة 198000 كم بتطلع الزيادة هههههههههه..

قيمة سيارتين سنانتافي..

الله المستعان..

يعطيك الف عافية

الزيادة تطلع تقريبا 57000:c0038:

المبلغ يمكن 155000 او 145000

لا تنسى حاسبين التأمين لمدة خمس سنوات كل سنة 2800 ريال.. حاسبينها بالحسبه.

ولو تبي التفاصيل عندي بالاوراق بالسيارة..

اما هاوي الرمال

السيارة اللي معي نفس مواصفاتك لكن الماكينة 2.7 عندي..

انت كم حسبوها لك ..

اللي معي حاسبينه قيمة الكاش 88 سعر الكاش.

الجناح فوق الشنطة الخلفية والدعاسات الجانبية ما تجي من الوكالة امس رحت ادور وكلمت الوكالة قالو ما عندنا..
الناغي يقول فيه عنده بس قيمتها قبل الخصم 1800 دعاسات جانبية.

والغرابي توليف 600 ريال..

وانا ناوي اركبها لانها بصراحة ضرورية جداً.

هل يوجد حساسات خلفية لانهم سبق وان جابولي سيارة ما فيها حساسات ولا فيها اشارات في المراية ورفضت استلامها..

وترى بعضها ما تجي مدخل يو اس بي و اي بود.
هذا اذا كان ما في شاشة..

انت من اي شركة ماخذ.؟

طيب مقدم في موتر نفس الي معاك بس ما اذكر فيه جناح او لا وقد قلتلك عنها
فيها ثلاجه

كمان المكينه 3.2
تخشيبه دركسون وطبلون
مكيف لمس
نسافات الي تجي ورى الكفرات
بس ما عندي دعاسات
المواصفات الي عندي نفس المواصفات الي عندك
هذا الي ابغا اعرفه واذا فيه اختلاف بالله تفيدني عنها


للمعلوميه دافع عربون 10 الاف لمدة شهر الموتر بيجلس بالوكاله عندهم بعد شهر اطقهم كاش

يعني تطلع ب 146400 ريال

معقولة حساباتي صح:c0214:

اللي معي 2009
2.7
2010 ما بعد وصل الوعلان وما ادري عن سعره لكن اتوقع فرق 8 وفوق لان فيه تغيرات في الماكينة 4 سلندر ومكيف يجي لمس ويجي عادي وفي نظام البصمة...
ومافيه ثلاجة في التكاية الجانبية على حد علمي.

والاختلافات بالشكل الوجه والشبك والجنوط

عادي يا الحبيب بالخدمة حتى لو تبي تجربه

2009 ولا 2010

والـ6 سلندر الي معاك 2.7 ولا 3.2


شكلنا زودناها معاك بالاسئله :bigggrin:

وعليكم السلام
بالنسبة للبانزين:

عبيت فل 30 ريال وكان فيه الربع..

مشاني لحد الربع تقريباً 500كلم.

وعبيته فل مرثه ثانية 25 ريال وكان فيه الربع مشاني 350 وباقي فيه النص..

يعني صرفيته مقعولة جداً بما انه 6 سلندر.. اشوفه زين لاحظ اني ما ادعس لاني في فترة التمرين..

اما السعر
اللي معي فل كامل
ابيض
مراية تتسفط اتوماتيك
اشارة مراية
جنوط 18
جلد داخلي بيج
اشارة مرايات
جناح

88 كاش وطلع علي الاقساط ما ادري بالضبط عندي بالاوراق لاني ناوي اسكر القسط بعد فترة بسيطة... بإذن الله.

الشركة (الوعلان)
اما الدفعة الاولى 7800 عن طريق مندوب شركة تأحير.
اخذو قسطين + 3600 مصاريف إدارية.

القسط الشهري 1950 ريال

دفعة أخيرة 18000
.

5 سنوات

واي استفسار انا جاهز.

السلام عليكم

ما انساك,,
ممكن بس تفيدنا بكم اخذتة ,, وكم القسط ,, وهل فيه دفعة اولى

انا سألت في الوكالة قالو
2010 فل كامل بشاشة
بـ 110000 كاش
نسيت اسأل عن الاقساط

والله يعطيك خيرة ويكفيك شره