عندي مشكله بالقراند مركيز أتوقع كمبيوتر تكفون ابي حل

[رائد قراند]

السلام عليكم ورحمة الله وبركآته

أخوآني انا عندي فورد قراند مركيز ماشي 320 ألف واليوم تو مطلعه من الورشه مسوي له توضيب الله لايعييده من توضيب

أتصل علي الهندي وقال عندي تهريب بصوفة القير وقلت غيرهآ المهم طلعت موتري اليوم إلا والطبلون كله يقول تشييك حق المكينه والقير طالعتلي الكتابه هذي بالأنقليزي

CHECK ENGINE << هالكلمه لونهآ بالأصفر وتكون مكانها فووق كلمة أرباق

OVERDRIVE OFF << هالكلمه هذي تكبس وتطلع اذا بدل الموتر لنمره الثانيه

ومووتري فل اوبشن شاشه الألكترونيه

تكفوون ياشباب لاحد يقولي يمكن من هذا

والله أني خسرت على هالموتر 5000 وفووق خلال أسبوعين

أنصحوني يآ أخواني وإلا قسم بالله لا أوديه المحررقه

[هوساوي صميم]

لا ياحبيبي لا محرقة ولا حاجة اركد بارك الله فيك...

انتظر المختصين ان شاء الله جايينك في الطريق...

وربنا يعوضك خير ان شاء الله...

[رائد قراند]

الله يجزاك خير أخوي هوساوي

بس يآخوك صلحت فيه صلحت فيه وآخر شي يوم باقي المكينه وانا أزينه ويطلعلي أنواع الخربآت

قسم بالله شي يقهر

[M~أمير بكلمتي~M]

بالنسبة للمبة الأولى تشيك انجن فحاول انك تفحصها كمبيوتر عشان تطلع العله

لانه ابسط الاسباب او اي عطل في الحساسات راح تولع اللمبة لذلك مادامك تقول موضب

واعتقد انك نزلة القير على اقل تقدير خله يشيك لك على جميع افياش الحساسات انها راكبه

اما بالنسبة للمبة الاوفر درايف هذا حساس في القير مختص بالاوفر درايف وهو اهم شئ

لازم تصلحه في اقرب وقت ممكن يحتاج فقط تنظيف وتثبيت او تغيير

أخوكـ

[رائد قراند]

والله يالغالي فكينآ الفيش اللي عند فلتر القير ونضفناهـ بالبنزين وركبناه مضبوط

وللحين العله فيه

أما المكينه فأنا بفحصها كمبيوتر والله يعيين على الخساير

بس يالغالي ماتعرف ورشه يفحصونها كمبيوتر ابي ناس فاهمه يالغالي

انا بالرياض


وشكراً لك

[M~أمير بكلمتي~M]

والله للأسف بالنسبة لأهل الرياض ماعندي علم

بالنسبه للحساس القير يوجد حساسين اثنين يكونوا عند فلتر القير بمعنى لازم تفك

كارتير القير ويشيك لك عليها طبعا افضل ورشه بنظري هم من يكون اختصاصهم

فقط في المشكله الي عندك فمصلا انت عندك القير روح لشركة ترايستار

عندهم اجهزه لفحص القير يقدر يطلع لك وش المشكله طبعا بعض الناس

تقول سعرهم غالي ولكن اقول انت وشطارتك لان ترايستار تخصصه فقط قير

وفيه اكثر من سياره مثل نوع سيارتك واجهتهم نفس المشكله وتم حلها

بعض الاحيان تلقى عندهم ميكانيكا خفيفه فممكن تضرب عصفورين بحجر

تفحص عندهم بس اهم شئ الضمان وتشرط عليهم انها تروح العله

ولا مافيه ولا قرش

أخوكـ

[رائد قراند]

الله يعطيك العافيه

بس الهندي يقول رجعها لي بيودي الموتر لواحد هندي صديقه

أنت وش رايك قلعه ترايستار وإلا ارجعه لبو هنود وجهه الفقمه << حاقد على الهندي

[M~أمير بكلمتي~M]

الله يعطيك العافيه

بس الهندي يقول رجعها لي بيودي الموتر لواحد هندي صديقه

أنت وش رايك قلعه ترايستار وإلا ارجعه لبو هنود وجهه الفقمه << حاقد على الهندي

هي حالتين
اما انه بيصلحه على نفقته لانه ممكن متسبب بالمشكله فالحمد لله

او انه يبي يفيد خويه واسفي اذا كان يتعلم فهي مصيبه تدفع فلوس عند مختص

افضل من ببلاش عند واحد يتعلم

بالنسبة للقير افدتك ان ترايستار اشوفهم مختصين بالقيور فقط

اما صديق الهندي ذا مالي علم فيه

أخوكـ