مارايكم درانجو 2004 بـ30000 - 100الف كم

وجدت ليمتد احلى من الـ اس ال تي
لكن يحتاج تصفية ماكينة
كم تكلفة التصفية

وشكرا على الردود

خذ الدورانجو ولاراح تتحسف موتر جبار ويتحمل وقطعه ارخص من الفورد واليوكون والتاهوبنسبة 30بالمية واللي يسبه هواللي ماجربه وعايش على السمعة القديمة للدوج وقيادته ممتعة وناعمة ولاهوعريض يتعبك بالقيادة واسال اللي معهم وشف وش يقول لك والله يوفقك

شكرا للجميع على الردود

الممشى طيب ياخوي وعلى حسب موديل السيارة

فيه ناس سياراتها 2008 ماشيين فوق المية
وتقولي خطوط وما خطوط والله استخدامهم عادي داخل المدينة

وانا الدودج حقي مستعمل وهذا الشهر الخامس معاي وماشاء الله تمام التمام
وبعدين اظن المعارض لها ضمان

وفي الأول والأخير الضامن الله سبحانه وتعالى لا المعرض ولا الوكالة

واذا المكينة هيمي خذه وتوكل
الدورانجو سيارة حلوة ومريحة وراح تعجبك

جارنا عنده وحدة ومبسووط منها موديلها 2006 وماشية فوق الـ 200 الف كيلو :xyxwave: ماشاء الله تبارك الله
يعني السيارة الي بتاخذها ممشاها ولا شي جنبها ماشاء الله
وبعدين فيه اكسسوارات حلوة وكثيرة لها
واولها تقدر تركب لها شاشة زي حقت الوكالة بـ 2300 فيها نفيقيشن وكاميرا خلفية وبلوتوث وكل المميزات الي بالشاشات حقت الوكالة

بعدين اذا 8 سلندر تراها اقوى سيارة SUV بعد الدينالي
يعني لا فوردات ولا جموس ولا هم يحزنون
الدينالي بس الي اقوى منها وبفرق بسيط كمان

اخووك

انا شايف انك متشجع وودي ما اهبطك ,,لكن السياره 120 الف ترى السياره ماشية واحتمالات انها تطلب بعدين وارد ,,لكن في الاخر الي تشوفه وما خاب من استخار

شكرا للجميع على ردودكم

السعر مناسب جدا اهم شي النظافة والفحص
لأن الدوج مهو مثل الفورد والشفر اذا مهو نظيف تورط فيه اسال مجرب شاري شروكي وكالة وتعبت من الوكالة
ولا تفكر تشتري بدون دبل ماينفع بريال ولو بغيت تبيعة تورط ماتلاقي احد يشتريه

شكرا اخي القمر المديني على ردودك

اليوم في المعارض وجدت درانجو لمتد دفع رباعي جلد فتحة ماشي اقل من 120الف
يبغى فيها 34000 ريال

اما الاكسبدشن كلها فوق الاربعين!!
مادري وش رايك اتوكل على الله واشتريها

والله نظيفة ماشالله

هو الحقيقه ليس بالسهوله تلاقي سياره عائليه نظيفه ب 30000 ريال ,,لكن مع الصبر شوي والبحث ممكن الجموس والاكسبدشن موديل 2003 ونازل تلاقيها في الثلاثينات,,موفق ان شاء الله

شكرا للجميع..

والواضح الغينا السيارة
لكن وش اشتري سيارة عائلية نظيفة بـ30الف

اذا مينة هيمي توكل على الله وخذها وانا عندي وحده وماشيه ولا احلى وما افكر ابيعها لاني مرتاح كل الراحه منها

من الاخر مره ,,,,من مجرب لسيارات دوج وكريزلر نصيحه لاتشتري,,,وكمان مستعمل ,,ترى اتوريك الي عمرك ما شفته ,,سيارات مريحه وناعمه واداء قوي نعم ,,جوده وقطع ووكيل واعتماديه لا ,, نصيحه انسى الموضوع ,,تبغى امريكي مستعمل,,جي ام وفورد ولاتفكر في غيرهم ,,والله يسخر لك الخير

شكرا جزيلا على المرور والرد

ياعالم ساعدووووني الله يخليكم اشتري ولا لاااا

اسعار الدورانجو دفع ثنائي نازله وكمان اتوقع ان المحرك ليس هيمي فأتوقع سعره مناسب جدا جدا

قصدي مو دفع رياعي

ارجو منكم المساعدة

اشتريها ولا وش رايكم يارجال

وكم تسوى بالسوق الان

شكرا على المرور والرد
على فكرة الرجال اشتراها من السعودية ولكن السيارة مو دفع امامي