استشارة بالكامري 2010

تعال عندنا في الرياض اوديك الغرابي كل شي فيه تكلف الشاشه مع الكميرا 3000 صافي وتقبل مروري

كامري ب 90 الف!!!!((تاكسي مطور))

نصيحة ..روح اخذ سوناتا فل كامل ب 75 الف ..مواصفات و جوووووودة...

واذا مالك بالكوري ...على الاقل اخذ مازدا 6 شكل ومواصفات وشبابية افضل من التاكسي المطور..

ياخوي مارتفعت بهالسعر الا عند المعارض + المحدوده للتقسيط لان اللون يبي له انتظار بس بالوكاله ماتوقع انه وصل 90 لاني سائل عنه قبل كم يوم ونفس السعر 87 الف وكسور حق التامين واللوحات الخ ولو انت بتدفع 90 الف يارجال ادفع بالمعارض على اي لون ثاني ب 84.500 الزيتوني والفضي او خذ بحري ماسي ب 86.200 من المعرض مو شرط تاخذ لؤلؤي والشاشه تتركب بدال المسجل حق بلدها للجي ال اكس فل بدون شاشه بمكان المسجل طبيعي وكثير يركبونها وبكميرا بعد خلفيه

نصيحه اذا مابعد خذيت السياره اسحب دراهمك خذ لك اوريون 2009 قراندي بدون شاشه بفتحه سقف افضل لك او اريون Glx فتحه بدون شاشه ب 90 اصرف لك و6 سلندر

حتى الاكورد ما فيها مواصفات عشان يندفع 10 الاف فيها !

يعطيكم العافيه ..

ماقصرتوا .. اللي سمعته اني ما اقدر اركبها الا فوق الطبلون عشان الفل كامل مالها مكان ..

انا باشوف اذا وصلت السياره ..


شاكر لكل اللي مروا ويعطيكم العافيه ..

السيارة كان سعرها زي ماتفضل اخوي 87000

الحين ارتفعت ل 90000

انا ما اخذتها كاش ياشباب .. كنت ادور لسيارة للتنازل

وحصلت هالكامري قد اخذها واحد وقدم .,. وبتجيه عشان اللون بعد فتره ..
قدم 10000 ودفع 3500 رسوم اداريه

وانا باعطيه 5000 واكملها يعني تطلع علي الفايده قليلة..20000

انا عطيته عربون .. وباجيه الاسبوع الجاي استلمها..

انا مستعد اتنازل عن العربون ..
لو احصل سياره مناسبه .. انا مستعجل .. عندي عمل ..وعندي اشغال ما اقدر أأجل السيارة اكثر..


بس معي فرصه لو احصل سياره غيرها للتنازل ..

بالنسبه للشاشه تقدر تشتريها برى اذا هي بدون شاشه بتكلفك 5 او 3 الاف لونها فضي مناسبه للديكور وبالوكاله 10 الاف للسوداء الخيار المتاح حقت الوكاله باللغه الانجليزيه والسوق معربه ويمدحون شاشه مهام الجزيرة سعرها تقريبا 3000 او اقل وتقدر تركب الكاميرا بحسبه اضافيه

بس عندي استفسار انت شريتها ب 90 الف بدون شاشه؟!!
اذا جوابك نعم باي منطقه شريتها لان سعرها 87 الف بالوكاله وبرى بالمعارض 86200

نسأل الله لك التوفيق والف مبروك

اخذ لك اكورد والله ابرك لك

90 الف على كامري !!!!!:a1120(82):

بصراحه اخوي لاتزعل من كلامي انت غلطان اخذت كامري والله مافيها لا مواصفات ولاامان ولا جوده بس ميزتها عند البيع ياخي عندك سيارات كثيره بديله عن الكامري
شوف الهوندا اكورد شوف الهونداي سوناتا سعر اقل وجوده افضل وافخم وقويه نيسان التيما

يعطيكم العافيه ..

بالنسبة للضمان .. اخسر الضمان جد؟

ماعندي فكره لو الشاشه تطيح الضمان باكنسلها

سعر الكامري ما يسوى 90 الف بصراحة..

المازدا 6 عندي سعرها 93 الف ومواصفاتها كثيرة دخول بصمة وتشغيل بضغطة زر وكراسي وحساسات ووو..

المهم اهم شي ترتاح مع السيارة..

في محل عندنا في البحرين يركبون هالشغلات بس للأسف نسيت اسمه !