السلام عليكم ورحمة الله وبركاته
كيف حالكم ياهلي وناسي ... والي بينقذوني من مشكلتي
اولا .. لي الشرف اني اكوون بينكم كــأخ وعضو في المنتدى
ثانيا .. يليت تسمعون مشكلتي وعنوتي ويا ( نيسان البابطين )
بسم الله الرحمن الرحيم
والصلاة والسلام على اشرف الانبياء والمرسيلين وعلى آله وصحبه اجمعين
قبل تقريبا ثلاث اسابيع استلمت سيارتي اكستيرا نيسان اووف رود قير عادي ( اذكروا ربكم)
الحمدلله السياره ممتازه فوق ما تتصوون .. وامشي واقول اللهم لك الحمد والشكر
طبعا باركولي الشعب الكريم اصدقائي وهلي والي يعز علي
واحس لما امشي فيها بالشارع الكل يخزني مادري انا الوحيد الي معي اكستيرا .. واذا شفت اي شخص يبارك لي وكانه اول مره يشووف سياره وبعضهم ما يذكرون ربهم
المهم السالفه بعد اسبوعين من استلام السياره ... قالوا لي ربعي بنرووح البر .. وتعال معنا .. بنطعس ونكشت ونفرفش
قتلهم السياره جديده ومابقى عليها الا 100 كيلو .. قالوا يابن الحلال لا تدلعها تراها بعدين تتدلع عليك بالخرابات
توكلت على الله وقريت دعاء ركوب السياره والا احنا الي ماشيين ... بعد وصولنا صفطت السياره وركبت معهم واشووف التطعيس
بعد ما غربت الشمس .. قالوا نبي نجرب سيارتك .. قتلهم السياره جديده وللحين ما طاحت مكينتها .. جاني واحد اظن انه اعليمي.. قالي انا بشتري لاند كروز قير عادي وبجرب القير عادي شلوونه
قتله انت اول تعرف تسوق قير عادي ... قالي افا عليك وترى بس بشوفها ماني دايس فيها ..المهم خذاها ولا هو مغرز الاثول .... يا انه بط جبدي ... انا شفته من بعيد وهو يحاول يطلع من التغريز
ولو انك تحط مكان الجيب اكسنت جان طلعت ... المهم قام يدووس فيها ويزور عليها بعدها رحتله بسرعه قبل لا يعدم لي المووتر ... خصوصا وهي للحين ما كملت 1500 كيلو
وصلت له ولا اشم ريحة عطبه ... اظن ريحة بلاكات مادري وايرات محرووقه .... انا هني انهبلت
قتله وشسويت قالي ابد ماسويت شي وانزله واروح احطها باول وانتعها واهي الي تطلع
قتله جان قتلي انك ما تعرف تسوق عادي ... قالي بلى اعرف.... الي يشووفه يقول مايعرف مكان الكلج من البريك
المهم انا ضاق خلقي حتى اعتذرت منهم ومشيت البيت
وكان يوم جمعه.. قلت بكرا السبت يبطلون الوكاله ادشش السياره افحصها عندهم واسوي السيرفس الاول وانشالله مافيها الا الخير ... عاد الرجال الي خربها يقوول مالك شغل ريحتها جديده لا تخااف
انا خفت من الصينيه والدسك
وصلت الوكاله من بكرا الي هو السبت قالولي سيارتك قير عادي قتلهم هيه ... قالوا هذا الدسك عندك راح:confused1:
انجنيت ... قتلهم وشلون يحترق واهي ما مشت 1500 .. قالولي ايه ينحرق اذا زورت عليها
الظاهر اخونا الحبيب ضاغط نص كلج ونايم بأم دوسة البانزين :mad1:
المهم وقالولي عاعلموم حنا نفحصها لك ونشوف شفيها
ومن بكرا يتصلون علي ويقولون لي الدسك والصينيه والفحمات كلهم محترقين احتمال الفريويل معهم :confused1::confused1: وكله الحساب يطلع 600 دينار كويتي عدا ونقدا .. يعني يما يقارب 8500 ريال
انا اغمى علي :smilie20::smilie20: والله بغيت ابجي
لعنت السياره والبر والساعه الي تعرفت على الولد
بعدها قتلهم لا تسوون ولا شي انا جايلكم
المهم وصلت ولا السياره صج رايح فيها الدسك والصينيه والفحمات ... قالو لي ما تشمل الكفاله
قتلهم وشلون سياره جديده دفعت فيها 7600 دينار غير التامين الشامل 370 دينار :a120(115): وتقولون لي ما تشملها الكفاله
واجيب الشايب من بكرا ويدخل على المدير وكلام وهواش ونجره المهم قالوا خلاص بنسويلك خصم 50 % ونبلش بتصليحها
انا انهبلت .. لو مو الفشله ولا كان رحت للولد وقتله يصلح السياره
المهم بعد ما خلصت ويروح لهم الشايب ويتفاهم معهم ويكاسر ويحاول مني مناك شوي ويدش على صاحب الشركه عبدالمحسن البابطين لووول
المهم ... اليوم اتصلوا علينا قالوا السياره خلصت .. رحت استلم السياره .. قالوا لي حاولنا بما فيه الكفايه وطيحنا عليكم سعر قطع الغيار الي هي 500 دينار
300 فريويل
100 صينيه
100 فحمات ودسك تقريبا
وعليك انت يافهد 108 دنانير اجره العاملين
----------------
بالاخير عشان ما اطولها :bigggrin: ادري طولتها بس اعذرووني :blue: ولا انه ضايق خلقي للحين :smilie20:
استلمت السياره واحس الريحه للحين موجوده كلمتهم توني قالوا تروح الريحه مع الاستعمال انطر عليها اسبوع تقريبا
صحيح هالكلام :confused1:
وانا والله مادري وش صابني عين ولا طفاقه مني يوم عطيته السياره
وابيكم تخففون عني وتشرحون صدري تراني ضايق خلقي وبس اصلي وادعي ربي انه ييسر امري ويشرح صدري
لانه احس صاكه فيني الدنيا بعد ما راحت السياره احس انه الريحه ماراح ترووح
يا اخوان ... وللخبرا هل صحيح الريحه تروح بعد الاستعمال
لان يقولون غيروا كل شي ووروني القطع القديمه ... بس مادري احس الريحه للحين موجوده ... اكيد بترووح ولا يلعبون علي
لان بدفع 108 دنانير اجور العاملين والوالد قالي لا تدفع الا لما تروح الريحه عشان تظمن سيارتك
وانتوا شرايكم ... ومثل ما قتلكم ابيكم تفرحووني مابيكم تضيقون خلقي
ولا انه الشيطان لعب بمخي ويقولي اعدم السياره وعليه تامين شامل ويعطونك جديده :c0038:
استغفر الله العلي العظيم
وسلام عليكم
