قطو مستقعد لسيارة ..

الجوهرةES350 @user_191181 · 24-10-2009

السلام عليكم ورحمة الله وبركاته

في البدايه سيارتي ES350
واللون عنابي غامق جدا دم الغزال

واستقعد قطو لسيارتي استقعاد غير طبيعي يحاول ينقز والبدي يزلقه ويمخش الرفرف بنهايته بقرب الشنطة 3 مخوش بجانب بعض بشكل عامودي والمخوش طويلة شوي

هل يمكن ازالتها؟ علم بان الخدوش سطحية اي ليست عميقه يعني االاظفر مايدخل فيها
جربت تلميعا بالتلميع الخشن الي بمحلات لزينه ولكن لافائدة تذكر

انا من النوع الموسوس الي من يوم ماشريت السيارة مااستمتعت بقيادتها بسبب الوسوسه الزايدة الي مال اومينها سنع

وصراحة انا افكر جديا ببيع السيارة بسبب الخدوش
واشتري لي سيارة ب 80 الف واخلي القطو يتمغط عليها لو يبي :bigggrin:

وفق لله الجميع ومانستغنى عن مساعدتكم يا خبراء السيارات

trc354 @user_200717 · 31-01-2010

هههههههههههههههههههههههههههههههه
وربي موتني ضحك

اتوقع واحد حاط عينه على السيارة وجاب القطو عشان يمتحنك وتبيعها عليه

حمود الشريف @user_208610 · 30-01-2010

اخوي اذا كانت الخدوش خفيفة جيب منديل او قطعة قماش
وحط فيها شوية زيت فرامل وامسح مكان الخدش بقوة راح تشوفة
صار اخف واحتمال يروح جرب وردلي خبر انشاء الله ماراح تندم
وتدعيلي اخوك حمود الشريف

أبو معاذ 2006 @user_68217 · 11-01-2010

يبن الحلال وسع صدرك دام نظامك كذا وسواس صدقني حياتك كلها بتصير نكد في نكد ولا راح تنبسط بشيء أما أبيع سيارتي عشان كم مشخ وإلا أرشها بويه ههههه وش تحس به فلها وربك يحلها الوضع عاااادي ولين شفت القطو امسكه وجيب الموس ومشخه زي ما مشخ سيارتك وحده بوحده

مودي بيل @user_173829 · 05-01-2010

مالك لا البصل

ادهنه على السياره

هههههههههههههههههههههههههههههههههههه

الله يعينك ان شاء الله

هوساوي صميم @user_132618 · 04-01-2010

وش حقه اخوي ؟؟؟

خل الخمشه وانساها ومشي حالك بالسيارة، ايش دعوى تشتري سيارة جديدة
عشان خمشة بسيطة ؟؟

فالك التوفيق اخوي...

آوتآر صمت @user_159685 · 04-01-2010

انا مشكلتي مع القطو اذا غسلتها ولمعتها بحصلها من بكره متمغط على الزجاج والماء والطين اللي فالشارع على التنده قسم بالله انه سبب لي عقده صرت ماعاد اغسلها

g80 @user_178086 · 30-12-2009

القطو يوصخ السياره هذه مقدور عليها، لأن راس مالها غسيل مره ثانيه ادري انها متعبه لكن وصخ ولا مخوش، الشغله الثانيه القطو اذا شفته لا تنهبل عليه وتلحقه يعني حاول تهشه بكل أدب واحترام بتقول ليش؟ القطو اذا خاف ولا انخرع يطلع اظافره وهنا المشكله بعدين يصير البدي حفله مو مخوش، بإختصار اذا شفت قطو فوق السياره سواء الكبوت ولا التنده، سلم عليه وقول له شلونك طال عمرك واعرض عليه تقهويه، وحاول تهشه بشويش

CAPRICE2008LTZ @user_144353 · 26-12-2009

ههههههههههههههههههه ام المسكه الغبيه مع القطو مالقى الا سيارتك عاد
تدري اصبغها اصفر وريح نفسك

ابوخالد$ @user_160587 · 26-12-2009

s

sx2999

طيب وش رايكم بالي يلف ربع ساعة يدورظله يوقف سيارته فيها ويلاقي شجرة صغيرووونه ولا ويبغاله يمشي 30 متر عشان يرجع البيت (رياضة) ويقول احسن من لا شيء.

والمفاجئة........

يطلع الصبح يلاقي تيس طاب فوق سيارته وياكل من الشجرة؟؟؟؟؟ :a1120(82):

لك ان تتخيل اخي القارئ اشكال المطارده لا وحافي بعد ما طار النعال وانتو بكرامه وفي ديره كلها شوك....

(الي يشوف مصيبة غيره تهون عليه مصيبته) اتمنى اكون هونت مصيبتك...

ههههههههههههههههههه حلووووه اضحكتني اضحك الله سنك, صراحه بعد كل هالمطارده اكيد انك أدبته وبالنسبه للقطاوه كنت اعاني منها خاصه اذا كانت السياره مغسوله ولونها أسود او داكن.

نوافي2004 @user_21590 · 23-12-2009

طيب يمكن القطو مآ آعجبهـ لون السيآره خخخخخخ

الحمد لله عندي كلب وخآرش القطآوهـ كلهم

<<<< سآكن في مزرعهـ :a1120(86):

وهذآ الكلب تبعي لو تبغى اعطيك اياهـ كم اسبوع هههه

أبو دانه @user_193365 ..:: TAHOE//YUKON GRP. MEMBER ::.. · 21-12-2009

مشاري //
كلام جميل وسويته مع قطو
كان حاشرنا في البيت وغثنا
وأخيرا ًأخذته ووديته من بيتنا
الى جامعة الملك سعود
مسافة بعيدة جدا ً .
>> ياشيخ أفلقني إذا رجع :bigggrin:

Mashari @user_53720 · 21-12-2009

كل ما شفت القطو هذا حاول تمسكه، خل معك قطعة لحم واستدرجه <<< متعوب عليها
واذا مسكته روح لحي بعيد جدا عن حيكم وانطل القطو هناك وافلقني اذا دل حارتكم مرة ثانية.

أبو دانه @user_193365 ..:: TAHOE//YUKON GRP. MEMBER ::.. · 21-12-2009

أنا مشكلة القطو عندي بعد غسيل السيارة
تلقاه يناقز عليها وقبل يومها
وسخه ما أشوف خشته .:bigggrin:
>> بس لا تفكر كثير بالأمور
هذي والله تتعب من جد .:blue:

5 0 5 @user_200630 · 17-12-2009

اقول السيارة ما عاد تصلح الحين تبي السيارة ب5000 ريال اقصاد كل شهر 500 ريال ها ايش قلت يبغالها بويه السيارة وموقف خاص واشياء كثيرة طبعا اخذها بدون فحص

ها اش قلت
انا منتظر ردك>>>>>>>>>>>>>>>>>> واحد مصدق انه يسوم:smilie16::tongue:

أبوســعدون @user_195232 · 15-12-2009

s

sx2999

طيب وش رايكم بالي يلف ربع ساعة يدورظله يوقف سيارته فيها ويلاقي شجرة صغيرووونه ولا ويبغاله يمشي 30 متر عشان يرجع البيت (رياضة) ويقول احسن من لا شيء.

والمفاجئة........

يطلع الصبح يلاقي تيس طاب فوق سيارته وياكل من الشجرة؟؟؟؟؟ :a1120(82):

لك ان تتخيل اخي القارئ اشكال المطارده لا وحافي بعد ما طار النعال وانتو بكرامه وفي ديره كلها شوك....

(الي يشوف مصيبة غيره تهون عليه مصيبته) اتمنى اكون هونت مصيبتك...

اوما تيس هههههههههه

وين ساكن انت ؟؟ اكيد في قرية صغيرة وقريب لمكم حوش غنم :)

وبلنسبة للقطوة انصح صاحب السيارة يجلدها بتجيلدة مانعة للخدوش مادري وش اسمها بلضبط لاكن عليها ظمان لمدة سنة وهي غير واضحة يعني ماتدري ان السيارة مغطاة بطبقة شفافة + تعطي لمعة :)

azera 6885 @user_171351 · 10-12-2009

الله يعينك مع القطاوه

sx2999 @user_199859 · 09-12-2009

طيب وش رايكم بالي يلف ربع ساعة يدورظله يوقف سيارته فيها ويلاقي شجرة صغيرووونه ولا ويبغاله يمشي 30 متر عشان يرجع البيت (رياضة) ويقول احسن من لا شيء.

والمفاجئة........

يطلع الصبح يلاقي تيس طاب فوق سيارته وياكل من الشجرة؟؟؟؟؟ :a1120(82):

لك ان تتخيل اخي القارئ اشكال المطارده لا وحافي بعد ما طار النعال وانتو بكرامه وفي ديره كلها شوك....

(الي يشوف مصيبة غيره تهون عليه مصيبته) اتمنى اكون هونت مصيبتك...

B.K.S @user_197021 · 21-11-2009

حط موية على السيارة ما رح يجي يعني كب موية

الجوهرةES350 @user_191181 صاحب الموضوع · 19-11-2009

حياك الله يالغالي

والله ونا اخوك شرق الرياض مااطبه

لكن مع الاسف شمال الرياض ولاخارج الرياض في كل الحالتين معاناة