الفورد وما ادراك ما الفورد

[راؤول]

السلام عليكم
في يوم السبت الاسبوع الماضي اصابني حادث في الدمام
خليت السياره في نص الشارع وطفيته وانتظرنا المرور
جا المرور عمل الاجراءات ورحنا المركز وقطونا في الحجز
يقولوا لازم واحد يعترف من قطع الاشاره او تتنازلوا
مني مناك تنازلنا اثنينا
المهم مو هذي سالفتنا
السالفه ومافيها ان الجسم مال الفورد طلع مثل الكابرس
صدمت كرسيدا
الصدمه لسيارتي صارت من جهه اليسار الزاوية الاماميه
المهم سيارتي اتعور الصدام من الزاوية بس ما طاح والرفر وانكسر زجاج الاسطاب مال الاشاره
شفت الكرسيدا اشوف الواجهيه راحت والرديتر ينسم ويهرب المهم راحت فيها

في شيئين مستغرب منه

اول شي يقولوا جسم الفورد ورق
بس اشوفه انا حديد ومثل الكابرس مع مبالغه طبعا
الشي الثاني ليش ما طلع الايرباق ؟
هل لان الصدمه جت جانبيه في الزاوية؟

انتظر تعليقاتكم

[Feras_Yahoo]

الفورد 2006 وفوق ما فيها ايرباق جانبي الا عند السائق

يعني الي من الجهة الثانية بياكل تبن
وطبعا تحت 2006 مافي الا ايرباق امامي

وطبعا مافي ورا ايرباق

عشان كذا السيارة هذي صايرة خطرة
واخطر شي ممكن تتعرض له هو الإصطدام الجانبي

اما الامامي والخلفى فالبودي قوي جداً
لكن من الجنب مهما كانت القوة لازم يكون فيه ايرباق عشان الحديد لا يقتل الركاب

اخووك

[راؤول]

اها
نسيت ما قلت لكم ان السياره موديلها 2002

بس مثل ما قلت لك يا فراس انا الصدمه صارت زاوية
يعني لا هي امامية ولا هي جانبيه
بس انا مستغرب من كلامك انه مافي ايرباقات جانبيه في الفووووورد من 2006 ونازل؟؟؟؟؟؟؟؟؟

[Feras_Yahoo]

والله جد اتكلم
شوف في سيارتك اذا فيه ايرباق جانبي
تلقى استكر مكتوب خياطة على المقعد Air Bag
كل السيارات لينكون وفورد وميركوري
فيها ايرباقات جانبية وامامية كامل السيارة
ماعدا الكراون فكتوريا
اما الماركيز ماادري اذا فيه او لا

وهذا غباااااااء وكسل ومايدل الا على فشل الشركة للأسف
عموما هم مو مهتمين فيك لانو الكراون فكتوريا ما يصدر الا للسعودية ودول الخليج عشان كذا طبعا هم ما يهتمو فينا

وعلى عام 2002 ماكان فيه هالتقنيات الحالية وكانت تعتبر سيارة متوسطة في الأمان بسبب صلابة البودي

مثال بسيط
شوف المونديو
يصدر فقط لأوروبا
شوف مميزات الثبات والأنظمة الي فيه
بس عشانه اوروبي وكمان لو تلاحظ هو لحاله طبلونه 260 زي الشيلبي
الموستنق جي تي بكبرها طبلونها 240

وباقي سيارات الفورد كلها عالية في الامان والسلامة

ماعدا اهم سيارة عندهم مهملينها وماطوروها
فسحقاً لهم >>> متحمس مرة

اخووك

[راؤول]

ههههههههههههههههههههههههههههههه حلوة دي متحمس

على العموم احنا من زمان لاعبين علينا
انا شكلي اذا صار عندي مشكله انسانيه بروح لحقوق الحيوان هناك يجيبون حقي بسرعه
الله المستعان

[راعي الكامري 04]

بالنسبه لعدم خروج الايرباق بسبب ان الصدمه زاويه وماجت على حساس الايرباق

ومادام ان الصدمه زاويه فما يحتاج يطلع الايرباق وترى الايرباق مايطلع الا على

الحودث القويه لان طلعته على اي حادث بسيط مكلف ماديا وغير كذا يسبب مشكله

على الوجه وغير كذا من المفترض نلبس حزام الامان عشان مانلصق بالدركسون

والايرباق يطلع بوجه السائق ويصفقه بقوه ويحرق وجه احيانا


ابرجع للاخ فراس من 2006 فيه ايرباق جانبي حتى في الاستندر وبأتاكد مره ثانيه

من عدة سيارات

و ابصور لك صورتين جانبيتين للسائق والراكب وابحطها هنا سوا فيها ولا مافيها عشان خاطر عيونك

[راعي الكامري 04]

عموما هم مو مهتمين فيك لانو الكراون فكتوريا ما يصدر الا للسعودية ودول الخليج عشان كذا طبعا هم ما يهتمو فينا


اخووك

الغريب يااخ فراس ان البوليس الامريكي اغلبه فكتوريا والتكاسي فكتوريا

الى هذه الدرجه رجال الشرطه والتكاسي عندهم رخيصين ولا يهتموا فيهم

ولاتنسى بعد ان الفكتوريا موجوده بامريكا ولا تم ايقافها حتى الان وتباع ولكن بشكل اقل

من السابق خلال السنتين 2007 و 2008

[dhooomi]

شكرا لكم يا شباب

اخوي فراس هل كلمة اير باق النوجوده على طرف المقعد تدل انه فيه ايرباق جانبي؟؟

انا سيارتي كراون فيكتوريا موديل 2004 سعودي و توجد بها هذه الكلمه