مشروع تجهيز ربع تويوتا القديم ... FJ40

اخوي انا اقول المكينه حقت الربع القديم 12 بلف وافضل لك انك تاخذ مكينه 24بلف لانها مكينة تايوتا وبتركب وتمشي معاك والله يوفقك

ماشاء الله فكره جدا رائعه ولكن تحتاج إلى سيوله وكذلك الخبره , وانت لها
والاخوان ماراح يقصرون معاك
بالتوفيق يالغالي
:)

فكرة رائعة أخوي المهنا واختيار رائع للسيارة. أنا كنت أفكر في نفس السيارة، الصراحة إذا صارت مجهزة تكون في غاية الروعة. أنا شايف واحدة في حراج الدمام بها مكينة في إكس آر ثمان سلندر الحقيقة كانت قمة الروعة.

بالنسبة للمحرك أتفق مع أبو هذال 8100 ليست خيار جيد. عليك بالـ LS1 أو مكينة لكزس LS400.

من رأيي يبغالك ميزانية أقل شيء خمسين ألف.

بارك الله فيك اخوي ... ترى موذاك الاصرار و التصميم وانا اخوك . لكن بتشجيعكم يجي ان شاء الله


هلا والله بالجار الحبيب .. الله يجيب الي فيه الخير .. وابو رنا اكيد بنستفيد منه كثير .. اعتمدنا الميزانيه وجاري البحث عن السياره.. بس عاد مابنقدر نوصل لمواصيل الخل الوفي



ياسلام عليك اخوي ابو هذال .. المحرك هذا نصحني به اكثر من خبير في منتديات عربيه .. وشفته الاكثر استعمالا عليه حتى في المنتديات الاجنبيه. مانستغنى عن ملاحظاتك وخبراتك اخوي



هلا بك اخوي ... كلكم خير وبركه وابو رنا ما يقصر مع احد . خاصه واني حولت على التويوتا (ههههه)

الحقيقه السياره هذي انا اعشقها... وحاليا افكر اشتري لي وحده واجهزها تجهيز كامل للبر.

التجهيزات الي في بالي :
- ترفيع السياره وتركيب كفرات كبيره (افكر في ال 37.5 .. ولو انها بتضطرني اغير في الهوبات)
- تجهيزها باقفال دفرنسات كامله (خلفي و امامي - واذا ممكن وسطي)
- صدامات و ونش (خلفي و امامي مع تعليق للستبنه وراء ... طبعا صدامات ARB)
- تجهيز الداخليه (تركيب ثلاجه قدام - شاشة معلومات مع كميرات - مقاعد رياضيه )
- تركيب بطاريات ومنفاخ هواء (او اكثر)
- تغيير المحرك والقير (محرك الجمس 8100 مع قير عادي او احد محركات المرسيدس الديزل)
- ابغاها سياره شكل وقدرات خارقه

طبعا للآن ماشريت السياره. رغم انها متوفره وبكثره ... انا شفت اهل جده يبدعون في تجهيزها صراحه

الي عنده خبره او توجيه في الموضوع يتفضل مشكورا ... ومنكم نستفيد

أخبرك يوم تقلي بطلعة المنتدى ان ودك بواحد نظيف تعدل عليه..
من رأيي يا أبو أسامة أنك تجري تعديلاتك على سيارتك الحالية الباجيرو..
ترفيع+كفرات كبار+اقفال دفرنس اذا فيه له لو تطلبها من برى + صدام arb + ونش كهرب+ منافيخ كفر + ترهيم خفيف في المكينة اذا فيه امكيانية او تغيرها بالكامل بمكينة امريكيه
سيارتك الحالية ممتازة وما يعيبها شيء..وبتعديلك لها بتكون اول هاوي يعدل على باجيرو تعديل جامد بالسعودية..

اكثر من يفيدك بالمشروع هذا هو أخونا أبو رنا..عنده خبرة وبيفيدك كثير..

الف تحية..وعقبال اكتمال الفكرة والمشروع..ونروح به لطعس بدر اللي ما يطلعه الا المرهمات ونشوف شغلك معاه..

بالتوفيق..

كفو عليك والله اخوي المهنا

يعجبني الشخص اللي مثلك لديه اصرار وتصميم لأنجاح اي مشروع يفكر فيه :xyxthumbs:


هذا والله يوفقك ويسهل امورك ...:ch19:

.
مقدّم على خير يابو عاآآبد ,,, وان شاء الله تلقى السيارة وتبدأ المشروع في اقرب وقت

مجرد تفكيرك بـ الربع ,, وترهيمه وتجهيز الافكار // يعني انك ناويها ناويها !!! :bigggrin:

ماشاء الله تبارك الله,,,, نشوفك قريب ان شاء الله وخلينا نتابع مشروعك وحدة وحدة زي مشروع الخل الوفي ,, ونستمتع بـ ترهيم الربع المهناوي :bigggrin:

موفق باذن الله وبأفيدك باللي اعرف


الـ8100 ثقيل و غويلي و يشتغل على كمبيوتر و راح يشغلك ظفيرة وكهربا والموتر من كلامك انك تبيه اوف رود اوف رود اضف الى انه بيحرق الكلتش و دايم تصير مع اللي يركبونه

لكن عندك الافضل منه محرك الـ350 كربريتر بسيط و قوي (بشرط يكون نظيف او تجدده تجديد كامل) و حتى لو عندك خاطر تلغمه قطعه رخيصة و سهله

موفق

مالك الا الخل الوفي تشاور معه

- تغيير المحرك والقير (محرك الجمس 8100 مع قير عادي او احد محركات المرسيدس الديزل)