مشكلة انوار فورد ماركيز

spider001 @user_179811 · 13-10-2009

السلام عليكم
سيارتي فورد ماركيز 97
مشكلتي في الانوار الامامية ضعيفه جدا
كنت مركب زنون وما كنت اشتكي من الضعف ولما شلته وركبت الانوار العادية الصفراء عانيت من الضعف وبعدها قررت اغير اللمبات الى لمبات زرقاء
ولكن ما زالت المشكلة وخاصة النور الواطئ اما العالي فيعتبر جيد نوعا ما بالرغم ان النور الامامي جديد ولا يوجد به وسخ
سؤالي:
هل من طريقة حلوه ومناسبة لتقوية الانوار بشرط ما يكون لها تأثير على كهرباء السياره

وشكراً

العميد 9 @user_154753 · 20-10-2009

انا رحت محل زينه في الدمام اسمه الشراع وهذا المحل في شارع الملك سعود امام الحياة بلازا وشريت من عنده كتاوت وفي عنده كهربائي بعد وركبهم لي بـ 40 ريال وشريت بعد لمبات جدد قوتهم 80-100وركبتهم والحين ما شاء الله النور ماعليه كلام

mustang1994 @user_191086 · 20-10-2009

الفورد فيه مشكله من المصنع في الشمعات نفس العاكس ضعيف اذا تبي تنهي المشكله فيه في الغرابي شمعات تجاريه يكون الواطي عدسه والعالي عادي ركبها على انوار عاديه بدون زينون او انوار زرقا وحاول تاخذ نفس المبه الداخليه ماركه فلبس الالمانيه قوه من 55 الى 80 وريح راسك

GLX 2700 @user_175555 · 18-10-2009

ركب شمعة غازية فيليبس ألماني لون أصفر ب 15 ريال للشمعة

و خل الكتاوت على وضعها

النور الابيض على الاسفلت ضعيف جداً الاصفر اقوى منه وهذا شيء معروف

أبو شوق @user_83062 · 18-10-2009

أخوي الأنوار مكتوب عليها قوتها وهي تختلف باختلاف ما هو مكتوب عليها، مثل مال البيوت تلاقي أبو 60 وأبو 100 وأبو 200 وتلاقي أبو 500 بعد، إنت خذ أقوى شي وركبه واهم شي تعاير الإنارة يعني وقفها في مكان ظلام أو قدام طوف وعدل من توجيه الإنارة وخله للأسفل

spider001 @user_179811 صاحب الموضوع · 14-10-2009

ع

عاشق الكلاسك

الأصفر الأصلي أقوى من الأبيض إلي راكب عندك :xyxwave:

مشكور اخي الكريم

انا مركب اللي يجي لون الزجاج الخارجي ازرق ولونه على الخط مايل للزراق شوي لكن ضعيف
على حسب كلامك اخي العزيز ان الازرق ما ينفع

اركب الاصفر العادي؟

وشكراً

CLASSIC ¬» @user_101613 · 14-10-2009

وين المشكلة؟
وهل تنصحونني بنوع معين من الانوار البيض ولا كلها زي بعض
وبعدين اذا ركبت الانوار القديمه الصفراء هل راح يكون هناك فرق مع الكتاوت

وشكراً

الأصفر الأصلي أقوى من الأبيض إلي راكب عندك :xyxwave:

بج بج باجيرو @user_188599 · 14-10-2009

عموما اخي الكريم انوار الفورد ضعيفه اصلا
تبي شغل تمام في الدمام روح القطيف وهناك شباب يسوولك اللي تبي في السياره

spider001 @user_179811 صاحب الموضوع · 14-10-2009

يا شباب ركبت كتاوت واحد للنورين للزنون على العالي والواطي عادي انوار بيض
لكن ما فيه اختلاف على الواطي الابيض نفس الضعف
وين المشكلة؟
وهل تنصحونني بنوع معين من الانوار البيض ولا كلها زي بعض
وبعدين اذا ركبت الانوار القديمه الصفراء هل راح يكون هناك فرق مع الكتاوت

وشكراً

GLX 2700 @user_175555 · 13-10-2009

اي محل يركب لك كتاوت سهلة جداً

spider001 @user_179811 صاحب الموضوع · 13-10-2009

الله يعطيكم العافيه
من ناحية النور فهو جديد
وغيرت الانوار الى بيض
لكن هل ممكن احد يدلني على محل معين في الدمام وشغلهم حلو عشان اركب كتاوت

وشكراً

kmn @user_4210 · 13-10-2009

اهم شي يكون النور جديد يبي يفرق معك كثير .

أبو شوق @user_83062 · 13-10-2009

ركب أنوار بيض و كتاوت، في موضوع بالمنتدى ياريتك بحثت عنه قبل ما تطرح أسئلتك.
أبحث عن الموضوع وستجد الجواب إنشالله.