ابي مشورتكم لاهنتو

[conan-]

السلام عليكم ورحمة الله وبركاته
صباحكم ومسائكم خير وصحه
ياخوان ابي مشورتكم في مواتر احترت فيها
والي ينصحني في موتر طيب ومجربه او له علم به يفيدنا
لو بالقليل المهم لا يبخل علينا الله يعطيكم العافيه
انا ياخوان معي مايقارب 35 إلى 40 ألف ريال
وأبي لي موتر بفأة الكامري والسوناتا والاكورد والي حولها
بصراحه انا مانيب راعي خطوط وقليل امسك خطوط
ابي شي للمدينه ويجلس معي مده ومايأكلني بالخرابات
يعني شي يمشيني لأكثر من خمس سنوات
إلين ماتتحسن ظروفي
وبصراحه عجبوني موترين والي ينصحني بشي ثاني
لا يقصر معي وماله الا الدعاء
اهم شي يكون موتر يستحمل
ويكون سعره فيه حتى في قطع الغيار مايهم المهم تكون مناسبه
اعجبتني السوناتا من موديل 2005 إلى 2007
والاكورد من 2003 إلى 2005
والكزس es 300 من موديل 2001 إلى 2003
يعني هذي الي شفتها مناسبه للي معي
مع اني مادري كم الحين قيمة المواتر الي ذكرتها
الي يشوف شي زين وبيصبر علي اكثر من خمس سنوات
يدلني عليه وياليت يحط لي القيمه والممشى
لأن مالي بالمواتر ويعلمني وش المطلوب مني قبل ماادخل المعارض والمناسب لي
ويوضح لي الايجابيات والسلبيات اذا ماعليه كلافه
والله يعطيكم العافيه كل من دخل الموضوع
ويرحم والديكم

[Wissam]

طيب اساعدك بالي اقدر عليه المبلغ الي معك يجيبلك سيارة حلوة بس قبل لا تفوت المعارض لازم تآخذ وياك شخص عنده خبرة بالسيارات لأن معظم السيارات الي بالمعارض تكون مدعومة دعمات قوية ومصلحة وبعد دور بالجريدة وبالمواقع والمنتديات ( ومن ضمنها هذا المنتدى http://www.assayyarat.com/forums/forumdisplay.php?f=164 ) مرات تحصل سيارات نظيفة نجي للسيارة الاكورد ما جربتها ... فما عندي علم عنها نفس الشي السوناتا ... الموديل القديم ما اعرف عنه ... وانت مشتري مستعمل ... ماكو داعي للمجازفة لكن عن نفسي من المستعمل دائماً احب تيوتا لأنها عملية وتكرف وتمسك سعرها وتصليحها سهل وخراباتها قليلة ( اللكزس نفس الشي) النيسان ابعد عنه ... وذلك عن تجربتي للماكسيما ... لأن هالموديلات من نيسان فيها كثير عطلات ومشاكل السعر الي انت حاطه يجيبلك كامري 2004 جراندي 6 سلندر فل اوبشن ( تصرف بانزين داخل المدينة ... بس مريحة بالخطوط ومراتبها جلد مريحة ومواصفاتها حلوة ) او كامري 2006 ... 4 سلندر فل ( صرفيه احسن من ال6 سلندر داخل المدينة ) أو لكزس Es ... ( صرفيته مثل الكامري ال6 سلندر و قطع غياره اغلى من الكامري بس مواصفاته حلوة ) وعندك الافالون حلوة بس الموديل الي قبل 2005 شكله مو حلو ... الكامري كشكل احلى بس كمواصفات وراحة الافلون احسن وانا عن نفسي احب السيارة الي فيها مواصفات ... فما انصحك بغير السيارة الفل اوبشن تحياتي وآسف على التقصير

[B.L]

الله يوفقك ودي اساعدك بس ماعندي معلومات كافيه


بس مايقصرون معك الشباب

[conan-]

Wissam اخوي

الله يعطيك العافيه ماقصرت
بس بالنسبة للكامري كأشكل داخلي مافيها زود
لكن مادري هل يوجد فيها نظام مانع الانغلاق (ABS)
لأن سمعت ان الكامري الفرامل مايقارن
بالأكورد والسوناتا هل هو صحيح ؟
وسمعت أن بعد 100.000 الف كيلو يبدأ يطلع اصوات مثل الصرصره والطقطقه
من وراء خاصةاذا مشيت فوق 140 هل هو صحيح ؟
وكالسعر قطع غيار هل هي غاليه وكم الفرق بينها وبين اللكزس
مثل في الفحمات والقماشات والمقصات والاذرعه .... ؟
وسمعت ان الكامري مدة قطع الغيار تستهلك بسرعه بسبب عدم الجودة الكافيه
غير عن اللكزس والاكورد هل هو صحيح ؟
B.L اخوي

الله يجزاك خير ردك على الموضوع يكفي جعلك تسلم

ياأخوان الي عنده اي اضافه ياليت يزودنا بها والله لايحرمكم من الاجر ....

[Wissam]

انا جربت كامري امريكي مدة سنة موديل 99 قبل ما يتكنسل
والحين عندي كامري خليجي 2003 6 سلندر صارله حوالي سنة معاي
والوالد عنده كامري امريكي 2003 4 سلندر
>> عشاق الكامري

ما احتاجت عندي غير تغيير الفحمات والزيت وهذا الي يخليني كل مرة اشتري كامري
بريك الكامري الخليجي اقوى من بريك الكامري الامريكي بالنسبة لل4 سلندر
بالنسبة لل6 سلندر بريك الكامري الخليجي قوي وحلو
ال4 سلندر بريكها اضعف ...بس عادي تتعود عليه
ايظاً ال6 سلندر ثباتها احسن من ال4
لكن السيارتين بصورة عامة مريحات بالسياقة

بالنسبة للداخليه حلوة
ولنظام ال ABS ييجي بال6 سلندر
بس ما ادري اذا ييجي بال4 سلندر الفل الخليجي او لا
الكامري 99 الامريكي كانت 4 سلندر فل وكان موجود فيها abs
فأتوقعه بالخليجي ايظاً موجود

وسمعت أن بعد 100.000 الف كيلو يبدأ يطلع اصوات مثل الصرصره والطقطقه
من وراء خاصةاذا مشيت فوق 140 هل هو صحيح ؟

سيارة والدي 2003 ماشية 300 الف كيلو
مافيها اي صوت من طقطقة او صرصرة

العزل الصوتي فوق ال140 مو ذاك الزود ... بس ما جربت الاكورد واللكزس
فما اقدر اقارن

قطع الغيار اسعارها طبيعية جداً
فحمات اشتريتها قبل فترة الواحد ب 6 ريالات اصلي وكالة
والاقمشة على ما اتذكر الامامية ب 145 ريال

اللكزس بحكم انها فئة افخم اكيد اغلى بس ماعندي فكرة عن اسعارها
وعن استهلاك القطع ... قلتلك الكامري ما تحتاج غير القطع الاستهلاكية ( رخيصة ) و تغيير الزيت ...
من اشتريت سيارتي قبل حوالي سنة سويتلها صيانه وغيرت الفحمات والقماشات ...إلخ
وما غيرت شي بعدها

اسمع الناس تقول الاكورد قطعها اسعارها اغلى وادوم اكثر ... ما ادري عنها... بس الكامري مو قاصرة ابد

ويفيدوك الشباب عن الاكورد اكثر

اللكزس ما جربتها ... ما ادري عن قطع غيارها ...بس بحكم انها فئة اعلى فربما تكون احسن

تقبل مروري

[L Y O]

40 -35
تجيب لك موتر جديد بقراطيسه !!!؟

الخيارات المتاحيه للسيارات الجديد (زيرو)
هونداي النترا
نيسان تيدا
نيسان صني
هيونداي اكسنت
تويوتا ياريس
وكلها ممكن تأخذها اتوماتيك وقزاز كهرب وتمشيك اكثر من خمس سنوات ولا تصرف بنزين واجد
مافي مثل الجديد المضمون ...التوفير في كل شي الوقت و لا ورش ووجع الراس وقطع غيار وتشاليح ...وقلق
اشتر من حلالك الراحه لا تصير مثل اللي يشتري من حلاله عله

التيدا أول مانزلت السعوديه 2006 شريتها جديده مامشت الا (7) كيلو فقط قير عادي قزاز عادي بـ33 الف ريال
وبعتها وهي ماشيه 7000 بـــ27 الف ريال (كانت لسه جديده نازله ومحد يعرفها وقتها)

بالتوفيق

[أبي]

راي المتواضع يمكنم ألا يقدم ولا يأخر بس لو أنا بمحلك آخذ اليارس

[لكزس LS 2009]

اذا اسعار السيارات مناسبة

فالاكورد افضل

او السوناتا