السلام عليكم ورحمة الله وبركاته
اولا اخواني انا عجبتني السيارات موديل السبعينات ، ونويت اني اشتري واحدة "طبقا للشكل" لكن خايف يكون فيها اي خلل او صعوبة في الاستخدام وفي الاخير اندم على شراء السيارة "خاصة انها ما تتواجد غير في الانترنت وفي امريكا" فموضوع الشحن مخوفني بصراحة .
عالعموم من السيارات اللي عجبتني هذي :
[ صفحة السيارة ]
وهي Chevrolet Corvette 1970 ، شيفروليه كورفيت 1970 .
ماشية 50,601 "ميل"
كوبيه "بابين" ، 390 حصان ، 8 سليندر ، اوتوماتيك .
الموقع Ebay.com طبعا نظامه مزايدة ، والسيارة باقيلها من تاريخ كتابتي للموضوع 4 ايام.
ووصل سعر السيارة "بدون الشحن" الى 10 الاف دولار ، تقريبا 35 الف ريال .
وهذي صور للسيارة .
والسيارة قابلة للكشف :
طبعا من النظرة الاولى اول شي افكر فيه هو تنظيف للشمعات الخلفية ، وتنجيد من الداخل ، لان الجلد متقطع .
فسؤالي :
ايش الصعوبات التقنية والميكانيكية اللي راح اواجهها في السيارة ؟ ايش حيكون صعب علي ؟
هل يمديني اغير المكينة ؟ ولا الافضل اني ابقي المكينة الاصلية واصلحها ؟
قطع الغيار تتوقعوا بتكون متواجدة بسهولة ؟ واتمنى الجواب الشافي منكم . والسلام