أولا هذه القصة حدثت معي شخصيا وليست منقولة والله على ما أقول شهيد:
سيارتي فورد- فكتوريا والسيارة ولله الحمد لم تكن تعاني من أي مشاكل ميكانيكية وعندما ذهبت لتغيير زيت الماكينة نصحني البنشري بزيت كاسترول (الكل يلاحظ عند سؤال البنشري، ماهو أفضل زيت؟ على طول يجاوب كاسترول، تعرفوا ليش؟؟؟ لأنه شركة كاسترول تعطيهم هدايا وسبائك ذهب على عدد مبيعات كراتين الزيت) المهم اخذت بنصيحته وغيرت كاسترول.
بعد فترة 3000 كلم شغلت السيارة صباحا وأفاجأ بظهور لمبة الزيت لأول مرة!! قمت بفحص الزيت فوجدته ناقص علبة!! قمت بزيادته وتجاهلت الأمر.
وبعد تغيير الزيت للمرة الثانية وبعد 3 أيام فقط عادت اللمبة للظهور وتستمر لمدة عشر دقائق ثم تختفي، عند ذلك ذهبت لورشة متخصص بالميكانيكا فأخبرت المهندس عن مشكلتي، تدرون ماذا سألني أول سؤال؟
قال لي انت تستخدم زيت كاسترول؟ انا استغربت من سؤاله وقلت له نعم.
قالي تعال شوف هذه السيارات. وشفت عنده 3 سيارات جمس 2007 ويوكون 2007 وكابريس 2006
جميع مكائن السيارات الثلاث داخلها ترسبات سوداء محروقة، الجمس ماكينته الله يعوض على راعيها واليوكون سبائك الماكينة روحت والكابريس صفايات البساتيم مقفلة بسبب الترسبات!!!!! وكلهم استخدموا زيت كاسترول.
سألته ايش السبب قالي فيه كمية كبيرة من زيت كاسترول منتشرة في البناشر معاد تصنيعها (اصلها زيوت مخلوطة زيت مكائن على جيربوكس على فرامل كوكتيل يعني) ثم يضاف لها صبغة وتصير كانها جديدة ويمكن يضيفوا ريحة زيت جايز برضوا.
المهم ذهبت فورا لاقرب بنشر وغيرت شل سوبر بلس واختفت اللمبة ولكن اكيد الماكينة تضررت لذا الله يستر وحسبنا الله ونعم الوكيل على اللي يبيعونه وهم يعلمون بضرره عديمي الضمير ربنا لا يوفقهم.
وهذه قصة أخرى:
احذرواا زيت كاسترول يااخوان
السلام عليكم ورحمة الله وبركاته
يااخوان اتعهد امام الله ان ماقوله في ذمتي
يااخوان زيوت كاسترول (تم تجربه كافة انواع اللزوجه ) سبب في تخبيط سيارتين في البيت و3 سيارات لاصحابي وكلها سيارات حديثه 2005 الى 2007 يستخدمون زيوت كاسترول من فترات طويله
يااخوان زيوت كاسترول يتبخر وينقص منه كثير فصاحب السياره كل مره يغير زيت كاسترول وكل مره بعد المشي ينقص معه وكل مره ينقص على كل تغييره وبعد فتره السبايك الصبابات عمود الكرنك يسبب تخبيط بالمكينه لكثره نقصان الزيت في السياره
واذا حبيتو تتاكدو غير زيت كاسترول وشيك كل فتره تجد الزيت ينقص دائما
يااخوان احذروا هذا الزيت احذروه لااريد من اخواني يقعون في هذا المكروه
حسبي الله ونعم الوكيل من كان السبب في استمرار وجود هذي البضاعه الفاسده.....
اخواني هذي الصور اخذتها من مواقع للتاكد من صحة العبوة
ياخوان انا مانقلتة الا بسبب
طلعت عندي لمبة زيت بعد 2500 كيلو ؟؟؟؟
وانا لي 4 سنين اغير الزيت كاسترول ماشاء الله كل شئ اوكية
بس الحين طلعت عندي لمبة الزيت ؟؟
اشك انة مغشوش شيكت على الموتر مافية نقص الزيت ؟!
ما اقول حسبي الله على العمالة النصابين
منقوووووووووووووووووول
