سلمت يمينك أبويوسف .. تقرير رائع وجهد واضح
ومن قال يسلم...كل شيء لعيونك يهون يابومحمد :smile:
صراحة ماتوقعت السورينتو بهذه القدرة صراحة هي البطلة في هذه المنافسة لكن الاند كروزر واضح كما ذكرت الكفرات ماساعدته و الشيروكي لاتعليق
شكراً لك ولهم في انتظار المزيد من التجارب
وش قصدك الشيروكي لا تعليق؟
والعفو حياك الله
والقادم قريب
طلعه رااائعه والاروع هذا التقرير .... الله يعطيك العافيه .,,,,
الله يسلمك ويعافيك ياراعي الالنترا..
حياك الله
تجربة حلوة
وكل عام وإنتم بألف خير
وإنت بخير وسلامة
ماشاء الله كل موتر يقول الزين عندي
مشكور يابو يوسف وتحيه للمشاركين
العفو ياهب الريح وحياك الله
ماشاء الله تجربه موفقه ..
بس اكثر شي عجبني الاندكروزر على انه ثقيييييييييييل و230 حصان تقريباً بس تحسه يرقى بدون اي صعوبات واعتقد ان البركه في السواق
اهنيك ياولد وايل على القياده ماشاء الله
في مثل هذي التجارب تحتاج إلى التورك أكثر من الأحصنة...
وأكيد سواقة أبو منصور ماعليها كلام ماشاء الله
ماشاءالله على الكيا
بالفعل تناغم ما بين قوة المحرك مع وزن السياره مع حجم السياره
ثبات قوه عزم بحق عنكبوت ماهي سيارة
لايفوتني اشكر صاحب ا لموضوع وكل المشاركين في التجربه واقولهم
العفو وكل عام وانت طيب...
تجربة رائعة و أشكر جميع من قام عليها ..
و الصراحة السورينتو ماشاء الله بيض الوجة ..
أما الاند .. ما يحتاج نتكلم ..
أما الشيروكي فراحت علييييه
هههههههههه أمزح ترى
لا بصراحه أشهد انه موتر يشدبه الظهر و لي تجربة سابقة معه
الله يحفظكم جميعاً من كل سوء و مكروه
و كل عام و انتم بخير ..
آمين وكل عام وانت طيب...
شرفني تعقيبك يابو يحيى
وشكرا ايضا على التقييم
وقسم بالله خيانه .. ما مسكت معكم ذي الطلعات الا وانا مانيب فيه ؟؟
شغلك عندي يبو منصور .. انت كبيرهم الذي علمهم السحر ...
بس ملاحظ ان السورينتو له انتل ايكوم ولا انا غلطان ؟؟
كلام كبير يبو محمد
يعني ماتبينا نطلع وانت مسافر...؟
وترا الانتل حق السورينتو بدون آيكوم...:a1120(86):
حياك الله يابو سعد ولا تتعودها مره ثانية :smilie16:
ماشاء الله تبارك الله
التجربة والمشاركه رائعه
و10/10 للكيا.
ولم أكن أتوقع أن نتيجة الشيروكي تصل لهذا الحد..!!!!
حسيت ان الشيروكي ماقدر يطلع !
ترا انا اول من طلع عشان اصورهم ورحت مع جادة سهلة...
لكن يوم الشباب يصوروني رحت مع جرة صعبة وما احد طلع معها لا السورنتو ولا الاند..
مع ذلك قدرت اطلع والكلتشات ما اشتغلت..!
حياك الله ياجذاب
الله يعطيك العافية على هالتوثيق
واللاند على وزنه ماشاء الله الا انه سوى الي عليه واكثر
والسورينتو ابهرني بادائه ماكنت اتوقعه كذا
يعطيك العافية
الله يعافيك يابو تركي...
وشرفني تعقيبك يالغالي
[ ح ــياة التــم ــيز ][..;1937996']ماشاء الله التجربة رائعة
ومستوى الكيا أبداع
واللاند كروزر اعطيه 8 \ 10
والشيروكي 7,5 \ 10
تحياتي
أنت الاروع والله ياحياة التميز...
مشكور على تعليقك
ياجماعه وشو الدفلوك
شكله زين للمراقي
< وده يرد وهو فاهم
تيب والسوبربان اللي معي به دف لوك ؟
ولاهنت يابعدددي
وكل عام والكل بخير يارب
الدف لوك يقفل الدفرنس ويخلي الكفرات تمشي مع بعض في نفس الوقت...
اما المراقى فماله ذيك الفائدة...لكن يفيد اذا ثولثت والا تعلق احد الكفرات
وفي طلوع الصخور ومثل المناطق اللي تم فيها التجربة
السوبربان اللي عندك والله مالي علم فيه...يمكن ابو هذال والا احد الشباب يفيدك
ومن قال لا هان
وكل عام وانت طيب
لاهنت يابو يوسف الله يعافيك على هالمجهود
تمنيت انه على موتري كفرات الوكاله كان علوم
بس يستاهلها السورنتو بكل جدارة واستحقاق
بالنسبه للدف لوك ترا اللاندكروزر فيه دفلوك وسطي وخلفي للتصحيح
بس سؤال لابو محمد صحيح وزن السورنتو 1950
ومن قال لا هان...الله يسلمك
بس البالون نظرته حلوة على الاند خصوصا انه عريض ماشاء الله
حياك الله يابو منصور
الـDifflock على السريع << يبي يلحق العيد ..
عبارة عن تقنية (ميكانيكية - كهربائية - كلتشات)
تقوم بقفل الدفرنس (أمامي أو/و وسطي أو/و خلفي) حسب السيارة
القفل يتم بشكل شبه كامل بحيث يدور الكفر اليمين مع اليسار بالضبط
كيف قفل شبه كامل؟ :smile:
يادفرنس مفتوح والا مقفول...
بالفعل أتفق معك أن التراكشن كنترول في السورنتو يتأخر في الاستجابة من تجرتي له، لكنه يؤدي العمل وأفضل بمراحل من التراكشن في شقيقه الموهافي، الذي كان مخيب للآمال جداً.
مبروك أبو محمد الفوز هذه المرة
حياك الله يابو رنا...
وزين اني اتفق معك :smilie16:
ماشاء الله تبارك الله ...حمستوني اشتري سيارة بدبل
كل سنة وانتم طيبين
وانت بخير وسلامة يا ياسير
صراحه التراكشن كنترول هاذا طلع الفور ويل درايف ولا شئ بدونه
شف الشيروكي لما توهق صارت الكفر الامامي الايمن يدور بوش وينثر تراب على الكبوت
عنيف هاذا التراكشون ولكن هل هو مستمر الكفاءه
او هل هو معقد بحيث تصعب صيانته واستمراريته
هل يعمل على كمبيوتر او بشكل آلي اتوماتيك
ايضا لا نلغي قوة المكينه وايصالها للعزم كاملا للكفرات الاربعه
يارجل ماشاءالله تبارك الله ....الكفرات تلعب لعب كانها في مويه
التراكشن يعتمد على الفرامل ...اذا كان احد الكفرات يدور بوش يوقفه بالفرامل وبالتالي تلقائيا ينتقل العزم للكفر الآخر..
اما بالنسبة ان الدفع الرباعي ولا شيء بدون التراكشن..
انا اشوف ان الدف لوك هو اللي بدونه الدبل ولا شيء...
مستوى جدارائع من جميع السيارات
لكن اداء سياره الاخ مايكرو جدا مميز
الف شكر لك
حياك الله ياحمزة
والعفو منك..وشكرا ايضا على التقييم
بعد إذن أبومنصور
حسب ما أعرف
أن القفل الوسطي هو ما يسمى بالدفع الرباعي (الموجود في الكروس أوفر)
على هذا الأساس .. فأن القفل الوسطي يكون شغال على طول ما ينفصل
اغلب الكروس اوفر اللي اشوفها يكون فيها القفل الوسطي بزر...
وليس هو الدفع الرباعي الموجود في الكروس اوفر
ما شاء الله
مشكورين شباب على هذه التجربه
والتصوير الواضح
بس ياريتكم كثرتوا بالفيديو
امتعتونا
والله يخلي هذه الصحبه الطيبه
العفو يادحام
آمين يارب
حياك الله
هناك إختلاف بين قفل الدفرنس الوسطي وأقفال الدفرنس الأمامي والخلفي
حيث أن القفل الوسطي لا يحكم الإغلاق على الأربع كفرات بل يوزع حسب
ظروف الطريق غالباً يكون الأمامي 30% خلفي 70% وإذا كان هناك ضغط
على الأمامي يدور الخلفي فقط وكذلك الحال مع الخلفي إذا كان عليه ضغط
يدور الأمامي فقط .. بينما قفل الدفرنس الخلفي أو الأمامي متماسك اكثر
انت عكستها...
الدفع الرباعي على حسب السيارة يكون فيها توزيع العزم...
بعضها متغير اوتوماتيكيا ..وبعضها تتحكم يدويا في نسبة العزم لكل محور مثل الباجيرو والسوبارو
وبعضها ثابت
والقفل الوسطي يقوم بتوزيع العزم بالتساوي على الامام والخلف 50% لكل محور
من اسمه قفل اي نسبة ثابتة وليس متغيره كما تفضلت يابو محمد
كل عام والجميع بخير،،،
ماشاء الله عليكم وعلى مواتركم يعني فايقين على هالحرارة والصوم لأن الشمس بالرياض من يوم تشرق تصك ال45 ،،، ولا كان واصلتوا على صلبوخ ههههههههه
عموماُ موفقين وواضح ان ولد وايل يحن على موتره...
وانت بخير ياناصر...
والله كأنك معنا في المعاناة...شمس وحر وعطش...:bigggrin:
آمين الله يجزاك خير
والله ما شاء الله
ما توقعت الكيا بذي القوه ما شاء الله
العتب على الشروكي والله
اللاند ما يساعده وزنه لا تجي مسرع يعطيك في الطعس
تقبلو مروري
silvar snaka
الشيروكي بالعكس سوى اللي عليه وزياده...
لا يغرك انه الاقل وزن...فهو الاقل عزما ايضا...
والاقل تجهيزا ...
فالاند فيه دف لوك وهي التقنية الافضل
والسورينتو فيه التراكشن وهو ايضا يؤدي عمله على اكمل وجه
لكن الشيروكي مافيه الا كلتشات خلفية...وطلعت مع جادة صعبة ...بدون ان تشبك الكلتشات!
حياك الله
طلعة روعة بصراحة فاتتني لكن مو مشكلة
حقيقة يبهرني دائما أبويوسف بأبداعه في التصوير
ويعجبك قدرات اللاندكروزر في التحديات حاس في بعض التحديات بعد ما تجاوزها أبومنصور قال كعادته عادية ماشاء الله عليك
لكن حقيقة أهني أبومحمد على أداء سورينتو حقيقة قدرات بطلة ماشاء الله تبارك الله
وأحلى تقييم
أبـــــــــــــــــــــــوأســـــــــــــــــــــد
شكرا على اطرائك يابو أسد
وكأنك معنا ماشاء الله عليك...ابو منصور بعد التجربة الاولى قال : عادية :bigggrin:
وشكرا على التقييم
تقرير جميل جدا جدا ومتعوب علية اتمنى انها كانت رحلة رائعة ومشكووور على التقرير
Mohammed-HMS
الحمد لله كانت رائعة
شكرا على تعقيبك يامحمد
السلام عليكم ورحمة الله وبركاته
وكل عــــــــــــــــام وانتـــــــــــــــــــــــم بخـــــــــــــــــــــــــير
تقرير رااااااااائع واكثر من رائع .. مشاءالله ..
ونفس اليوم الساعه 12 منتصف الليل كنت في العمارية وكان عندي شك كبير انكم رحتوا
خخخخخخخخ
لان الجره رايحه فيها وصايره رمل اخر الطلعه .. وجرة كفر ابويوسف مميزه وعرفت
انه كان موجود ..... ؛؛<<<< يصلح محقق
السورينتو موتر ولقا سواق مشاءالله ... واللاند وزن ومحرك عادي بس تعليق مميز
وسواق مميز ... والشيروكي ماقصر ...
اخوكم/ ابوخزيم
وانت بخير يابو خزيم...
والجرة كل ماروح لها القى معالمها تغيرت...الظاهر كل المنتدى جرب فيها
والشيروكي ماقصر انا اشهد
حياك الله يامحمد
أبوسعد .. بأشرحها لك على السريع
الجيوب 3 أنواع
١. بدون قفل دفرنس وسطي ( سيارتي )
٢. قفل دفرنس وسطي إختياري .. ممكن تكون سيارتك منهم.؟!
( مثلاً الباجيرو 2007 ممكن تخلي الدفع خلفي فقط وممكن دفع رباعي مثل البرادو)
٣. قفل دفرنس وسطي إجباري .. بحيث لا يمكن فصله مثل البرادو وجيب أبومنصور
* يعني جيب أبومنصور شغال عنده قفل الدفرنس الوسطي على طول ..
ولا زالت الخلاطة عندك شغالة...خلطت ام المعلومات خلط:smilie16:
الاند كروزر والبرادو القفل الوسطي فيها بزر وليست على طول...
ولو كانت على طول صارت كروس اوفر على تعريفك في ردودك السابقة..!!!
اللي اعتقد انك تقصده وخانك التعبير هو الدفع الرباعي المستمر في البرادو والكروزر والفورتشنر...
اما القفل الوسطي فتستطيع تشغليه وايقافه بضغطة زر...
وانا لم ارى سيارة دفع رباعي شغال فيها القفل الوسطي على طول...
اذا كنت تعرف علمنا يابو محمد
مشالله
انا حولة بالبرادو ولم استطع الطلوع وجربت بالدبل الخفيف والثقيل ونفس المشكله يتعلق
يعتي لازم تركيب دف لوك
اما الكلتشات فبين انها غير ناجحها
اتمنا ان تتوفر ورشه لتركيب الدف لوك علي السيارات الي غير متوفر فيها
وللجميع تحياتي
الطلوع فيه اماكن صعبة او شديدة الوعورة ولا يطلع منها إلا سيارة دفع رباعي رفييييعة ومجهزة بدف لوك او تراكشن...
اقصد فيها يمين الطلعة...فهو صعب جدا...حتى الفكسار ماقدر يطلع من اليمين..
لكن من اليسار او الوسط تستطيع ان تطلع منها بإذن الله
اما الكلتشات فبالتأكيد انها اقل كفاءة من الدف لوك لكن لا نستطيع ان نحكم عليها بالفشل كليا
فوجودها افضل من عدمها بكل تأكيد...وفادتني في الشيروكي في مواقف غير هذه التجربة
حياك الله وشكرا لتعقيبك وطرح تجربتك وهذا ما انتظره من الاعضاء بارك الله فيك
