استفسار عن دينالي 2008 للوالد

ياخذ له تاهو جديد ازين بالقيمة اللي معة

من قالك ان الفل كامل التاهو واليوكون ما يجي كاميره خلفيه


يجي كاميره بنفس شاشه الملاحي زي الدينالي بالضبط


اذا الوالد مهوب راعي بر الموتر مناسب له


بس ترا صرفه اكثر من اليوكون

وغالبيه اللي سالتهم يقولون مافيه مشاكل

الدينالي ممتاز والسياره تعتبر جديده مامشت واجد الأعطال فهي قد تكون لاتذكر واهم ماعندك المتحركات الرئيسيه اللون الأسود ممتاز على الدينالي وكذلك الأبيض لكن المراتب اللون الأسود انا عن نفسي ما افضلها ابداً لو كانت سكري اللي يميل للأبيض هذا افضل بكثير لأن اللون الأسودا من الداخل الحقيقه احس انه قاتم ولا يشرح السدر بعكس الألوان الفاتحه

بالتوفيق

مشكور اخوي
لكن السياره للاستخدام داخل الديره وليس البر لكن هل فيه عيوب زي ماسمعنا كهربا ونحوه اولا؟
بالنسبه لليوكن الفل ابشن ينقصه كاميرا وقوة مكينه ومواصفات قد تكون غير متوفره باليوكن فمأرآيك هل السياره بها اعطال او لاتعتقد؟
وشكرا

انا حايس لي فتره ومحتار


مافيه وكاله لشفر والا لجي ام سي الا مريتها


الدينالي حلو ورائع بس فيه كم نقطه

1- السعر غالي ومبالغ فيه بالنسبه لسياره امريكيه
2- ماكينته كبيره 6000 قويه صحيح بس صرف البانزين اكثر
3- دفع رباعي مستمر يعني لا بغيت البر مهوب مناسب الا لطلعات خفيفه جدا مثل الشواطئ


بصراحه انا بعد التفكير شفت ان اليوكون او التاهو الفل كامل افضل

طبعا كل المواصفات اللي موجوده بالدينالي موجوده فيها مثل
1- شاشه ملاحه
2 - مراتب جلد مع تدفئه مراتب وتخزين المراتب للسائق
3- شاشه دي في دي خلفيه
4 - المرتبه الثانيه تنصفط كهرب على حركتين
5- الشنطه كهرب


يعني الفروقات بالضبط بينها وبين الدينالي
1- تخشيب الدركسون في الدينالي وبعض واختلاف لون التخشيب الداخلي
2- قوه المكينه
3- الجنوط
4- الوطيات كهرب بالنسبه للدينالي اللي من بالبيد والجميح


بصراحه انصحك بجديد تاهو او يوكن دبل

الان عند التوكيلات فل كامل يوكون دبل ب164000

مع العلم ان الدينالي عند التوكيلات ب179000 يختلف عن حق الجميح الوطيات ولا انصحك بالوطايات كهرب لانها كثيره الاعطال
انا ما شريته لانه ماخش مزاجي خاش مزاجي التاهو ولا عندهم الوان

ابصبر كم شهر لين الفين وعشره


اسف للاطاله وان شاء الله افدتك