السلام عليكم
قررت اشتري اوبريس 2009
لكن اولا هل تنصحونني بها
ثانيا هل تنصحونني بالفل اوبشن اسبيشل والا الفئه اللي اقل منها
واخيرا اذا ممكن احد يفيدني وينزل مميزات السيارة كامله هنا واكون مشكور له لأني بحاجه ماسه لها
وشكراً
السلام عليكم
قررت اشتري اوبريس 2009
لكن اولا هل تنصحونني بها
ثانيا هل تنصحونني بالفل اوبشن اسبيشل والا الفئه اللي اقل منها
واخيرا اذا ممكن احد يفيدني وينزل مميزات السيارة كامله هنا واكون مشكور له لأني بحاجه ماسه لها
وشكراً
الله يوفقك ويسهل عليك أخوي للأسف ما عندي معلومات تفيدك
حبيت بس أدعيلك بالتوفيق
الله يوفقك ويسهل عليك أخوي للأسف ما عندي معلومات تفيدك
حبيت بس أدعيلك بالتوفيق
مبروووك مقدما
بالنسبي لي أنا توني مطلع اوبيروس 2009 تقريبا نص فل
اللي يختلف فيها عن العاديه ( فتحه سقف- مراتب جلد- مثبت سرعه- حساسات خلفيه واماميه )
أما المميزات الموجوده في كل الانواع كثيره ( USB -mp3...........) هذا اللي يحضرني
بالنسبه لي أنصحك بالنص فل
والله ولي التوفيق
حياك الله أخوي
طبعا لو تقدر على الفل أوبشنز سبيشل أفضل وأحسن لك
بارك الله فيكم
أبو عبدالعزيز
يأخذ اللي أقل ويوفر 27 ألف ريال في جيبه
كل هالمميزات ما يحتاجها
فتحة سقف / جونا يا حر يا رطوبة يا برد يا غبار وكلها صعب تفتح فيها الفتحة لا تفكر جونا طول السنة خياااال
مراتب جلد / لو ما عندك بايكة ( مظلة ) بتسلخ ظهرك سلخ ومع الوقت ممكن يجي فيها تمزق
مثبت سرعة / في النهاية أنت بتمشي بالسرعة اللي تبيها يعني إدعس رجلك على قد ما تبي
حساسات / حياتك كلها بدون حساسات ولا تصدم ولا هم يحزنون جات الحين لو ما تركب حساسات بتصدم وحالتك حالة
يا رجال وفر 27 ألف في جيبك
وأنا مواعديني الوكالة الأسبوع الجاي تكون سيارتي الأوبيروس 2009 في يدي بغيت آخذ نص فل وقلبتها يمين وشمال ما جات معي إلا أخوي ونفس المندوب قالوا نفس كلامي وأيدوني قلت يلا أوفر 27 ألف ريال
الافضل اختيار سيارة غير الاوبيروس
السبب : ان الاجزاء الميكانيكية في السيارة سريعة الاعطال و عدم التحمل .
صحيح : السيارة ممتازة في الرساوة و المميزات خصوصا الداخلية للفل اوبشن و لكن للاسف التركيب للاجزاء الميكانيكية للسيارة جدا ردئ و لا يقارن بالسيارت الاخرى مثل أفالون تويوتا او كراون فيكتوريا فورد .
الشكل الداخلي : ممتاز في التصميم و المميزات .
الشكل الخارجي : خصوصا الخلفية و ابعاد السيارة غير مناسبة و غبية في التصميم .
السعر اذا كنت مهتم به :
من المعروف ان سعر الاوبيروس في سوق المستعمل عند البيع يكون نزول السعر جدا كثير و يبخسون سعر السيارة لانها كيا و صناعة كورية . و يمكن ما تلقى زبون للسيارة بسرعة ,, يعني الاوبيروس ليست شيك في جيبك مثل بعض السيارات الاخرى .
نصيحة من واحد معه أوبيروس فل أوبشن ,, لا تشتري الاوبيروس و اخذ سيارة اخرى مثل الكراون فيكتوريا او أفالون .
الاوبيروس كذبة ,, و انا شخصيا صدقتها و ما هي الا كذبة !!
الله يعطيكم العافية جميعاً وجزاكم الله خير
اخي نايف
هذي مشكتنا العرب الكوري لا يزال متدني عند نظرة البعض بالرغم من تطور الصناعة الكوريه
ومشكلتنا ايضا ان لسا متمسكين في عادتنا القديمه وكل ما سألت احد قال انحاش من الكوري واذا سألته طيب جربت الصناعه الكوريه المتطوره الان قال لا - طيب كيف حكمت على السيارة وفي الاخير يتضح لي ان نظرتهم القديمه لا زالت موجوده لديهم لحد الان
وانا اقول وبصراحه الصناعه الكورية تطورت كثيراً ونافست الكثير
حبيت اقول لكم بس في البداية فكرت في كامري 2010 لكن بعد ما شفت السيارة وداخليتها حسيت ان سعرها مبالغ فيه جداً ولا تستحق سعرها الحالي
الزبون ما يبي سيارة مكينة وقير وبس - ايضا مظهر السيارة الخارجي وقبله الداخلي مهم جداً
عشان كذا الكامري اشوف انهم مهملين مظهرها الداخلي كثيييييييييييييير
طيب شوف مظهر واناقة الاوبتيما وتطورها الملفت
وفي الاخير انا انسان راح استخدم ولا فكرت في البيع في الوقت القريب ابدددددددداً
ولا يزعلون مني هواة الكامري - هذي وجهة نظري
وشكراً لكم جميعاً