^^^^^^^^^^^^^^^^^^^^^^^^^^^^^^
اكيد مستحيل أقتنع ان الكوري افضل من الياباني
لامن حيث الجودة ولا الاعتمادية ولاشي
الكوري مجرد تقليد * تقليد بسنبة 88% اذا ماكان 90%
وجهة نظرك الخاصه لا تُلزم بها غيرك
مافي غير زرف تصاميم الياباني والالماني ولامريكي ولاعندهم نص ابداع الياباني
الابروس واجة مرسيدس E وخلفية لنكون تاون كار
الكيا مافي غير سرقة واجهات المرسيدس والمتسوبيتشي
والله بالنسبه للأوبيروس ولا يزعلون مني اصحابها اوافقك الرأي في ان تصميمها مأخوذ من اللنكولن والجاقوار اس تايب
بعدين احنا مجربين فا مافي داعي الروابط :smilie16: تعبت نفسك
انا شخصيا سيارتي عمرها 18 سنه والحمدلله
ياخوي ترى ابلشتنا بكلمه حنا مجربين
ترى حتى حنا مجربين ولا كل هالاعضاء مو مالين عينك
وبعدين انت حكمت على الازيرا من مواضيع ويوم جبت لك مواضيع عن الياباني بمشاكل اتحداك ثم اتحداك ثم اتحداك تجيب نفس حجمها بالهيونداي قمت تصرف وتقول حنا مجربين
دامك ما تقتنع الا بتجربتك الخاصه ولا يهمك كلام الناس وتجارب الآخرين الله لا يهينك لا تفتي بالكوري الا لين تجربه
كان من اولها ما حكمت على الازيرا بكلام في منتديات ( بالرغم من انها مشاكل لا تذكر ابداً وعقبت لك عليها وحده وحده :rolleyes1: )
وياليتك ما تتهرب من الروابط اللي ارقفتها وتتمعن بالمشاكل, قلبها فوق وتحت وشوف لها تصريفه دامها ياباني ولا لا
لا تقول الناس حساسين من الكوري هذا ضد الحقيقه أنا اشوف الحساسية عندك
عشان معك كوري موعيب بس العيب الحساسية الزايدة ترى
هذي مو حساسيه وانما ردة فعل
اعتقد ردك كان واضح وصريح ومافيه تلميحات عشان تقول حساسيه
الحساسيه اللي عندك يوم كبرت سالفة رجة الكفرات اللي بالازيرا واللي راس مالها ترصيص وتجاهلت البلاوي اللي ارفقتها لك بردي السابق وتجاهلتها بطريقه مستهلكه ( هذه بالضبط حساسية البعض ضد الكوري اللي تكلمت عنها انا )
يعني هل معقول ان ترصيص كفرات مشكله كبيره عندك وفي المقابل تخبيط قيور , قربعة ديكورات , اصوات صفير وذبانات شغلات عاديه بالنسبه لك
صدقني بعض الناس
الحياديه يمكن يمشون هالمشاكل على الكوري نظراً لأنه تو متحسنه جودته اما الياباني قويه وين التاريخ العريق ووين الخرابيط واخرتها موديلات 2009 و2008 يصير فيها كذا
الكوري ممتاز وحلو لكن بما يميزه سيارة معقوله وسعرها معقول
لكن لا نبالغ ونحطه راس براس مع الياباني معليش
الثقه ماتجي بسنه سنتين ثلاث الياباني تاريخ اثبت نفسه بكل العالم
لاتجي انت وتقول الكوري تفوق من كم سنه ترى والله انت واهم
حتى الان الكوري بعيد جداً جداً
سابقاً نعم انا اشهد للياباني ولعلمك كانت عندي كامري
اما حالياً خصوصاً من 2007 وفوق تراه ماهو على خبرك حسب تجارب اخوياي وحسب متابعتي المستمره لمنتديات السيارات
ياخوي دام الياباني وهو 2008 يخبط قيره وش يمنع الكوري من ان يكون بمستواه من دون مبالغه
وانا ولله الحمد من عام 2002 بدأ مشواري مع الكوري هيونداي فقط ولله الحمد والمنه مرتاح كثيراً
الكورين الا يومك يعتمدون على التقنيات من خارج كوريا والمكائن تصاميم شركات اخرى
اليك بعض المعلومات
البي ام والمرسيدس انظمة الثبات والامان اللي فيها كلها من تصنيع شركة بوش
هيونداي ايضاً تستخدم انظمة بوش العالميه
تويوتا قيورها من شركة ايسين اليابانيه ولا تصنعها بنفسها
كذلك الهيونداي قيورها السابقه من شركة ايسين والقيور الجديده من شركة ZF الالمانيه
وايضاً البي ام والمرسيدس قيورها من شركة ZF الالمانيه
محركات هيونداي تصنع تحت تحالف 3 شركات ( هيونداي وميتسوبيشي وكرايسلر ) وكلاً منهم يستخدم نفس المحركات في سياراتهم
وقيس على بقية الشركات
ما اردت توضيحه هو ان هذه سياسة جميع الشركات وليست هيونداي فقط
------------------------
وعلى فكره اخوي لاحظت في ردودك كلها استرسال في الكلام دون ادله وبراهين جليه
وتتجاهل التعقيبات بكلمات مستهلكه واسترسال آخر
على كذا صدقني ماراح نوصل لنتيجه ولا اتوقع ان النقاش سوف يتطور اكثر من كذا وانما تكرير لوجهات نظرك السابقه بصياغه اخرى
انا قلت اللي عندي واللي مو مقتنع ما راح يقتنع لا بكره ولا بعده ( مرو علينا كثير نفس الحاله )
وبالاخير انا بنصحك نصيحه اخويه وصدقني طالعه من اعماق قلبي وانسى الكلام اللي فوق
دام ان هذا رأيك بالياباني وعندك عدم قناعه بالكوري
ليش ماتاخذ لك سياره يابانيه عشان ترتاح وصدقني بالسعر اللي بتشتري فيه ازيرا مثلا تقدر تاخذ لك اوريون او اكورد وكاله وسيارات يابانيه مشهود لها
يعني انت ليش تبلش نفسك في مسأله فيها شكوك ومغامره بالنسبه لك
هذا ما لدي والسلام خير ختام
