احتاج رايكم في " كيا أوبيروس " لا حرمكم الله الاجر

لاتعليق
انا من مستخدمين الفورد من الدرجه الاولى والان معي كيا اوبروس ومع العلم لما تقول قير الاول يطق ؟ رجل عن رجل تفرق
انا مستعد افجر قير كامري في نص ساعه بس مو سنه
صيانه جيده واستخدام ممتاز واشوف السوق عليه طلب
تحياتي

نصيحة اخ

ابتعد عن الكيا بشكل عام

لان الضمان مايشمل القطع الاستهلاكيه

ولا القير ولا المكينه ولا الدفرنس

ولا حتى المكيف

واكثر شئ يخرب هالاشياء

المهم اثنين من الربع

معهم اوبيروسات 2008

طلعوها ومبتزين بها

وحالتهم صعبه ومانشتكي وماني عارف ايش

ويمدحون بالسياره

ماتمت سنه إلى الاول قيره خرب
صار يغير بالنمره الثانيه ويطق

والثاني كل يوم عند وكيلهم الله يكون بعونهم

وانت انسان مقبل لى زواج

واعليك بالسيارات الزينه

عندك الكابرس فخم وحلو وقوي

وبنفس السعر

عندك الافلون

تقريبآ فيه فرق قريب

وعندك فايف هاندرد من شركة فورد

بصراحه مركب ورساوه وشكل وفخامه

وقوه ولا بعد دفع رباعي ازيدك من الشعر بيت

وقيمتها 85 الف ريال

ولا احلى منها

السلام عليكم ورحمة الله وبركاته .......
والله أنا شفت عروض الجبر وأعجبني التأجير المنتهي بالتمليك وحجزت وحده أوبيروس اللي أقل من الفل كامل بدرجة وهي اللي تنقص فتحة وشاشة ولي الحين تقريبا عشرة أيام وأنا انتظرهم يا اما انهم يوافقون أو لا واليوم كلمتهم يقولون النظام عطلان وما أدري عن صحة كلامهم؟؟ ووالله مدري عن استعمالها وقطع غيارها .......
لكن ويش رايكم؟؟؟
اللي عنده معلومات يفيدنا ويجزيه الله خير...

صحيح الله يحفظك ومن استشار ما خاب ، تخبر تجربة السياره في السوق قصيره للحكم عليها وماهنا خبره الا بالسؤال لعدم انتشار الموتر بشكل كبير .
انا بصراحه عاجبني واله يكتب اللي فيه الخير وشكرا لاضافتك يا غالي وانتظر المزيد من الاراء والافاده من الاخوان سلمك وسلمهم ربي.

كلام جميل يا غالي ومثل ما تفضلت عرض مغري بس تخبر ماودي اتدبس بمصاريف انا في غنى عنها .
اذا سمحت لك الفرصه يا غالي تفيدنا بخصوص صيانتها وقطع غيارها واي معلومه تفيد ربي يحفظك وشكرا لاثرائك.

اشاركك الراي اخوي سبورتاج
فعلا مميزه وانا عاجبتني بس تخبر سمعه كيا
اساء لها وكيلها السابق الحاج
فاشوشوني الناس حتى سالت واحد من الشباب شريطي
نصحني بالبعد عنها ولكن ما فيه احد يفيدك الا المجرب
وهذا من تجربة شحصيه لجيب السانق يونق الكوري ماشالله موتر طيب ان الجميه يذمه
شاكر اضافتك يا غالي وفقك ربي

السيارة كل من ملكها يمدحها

و في مواضيع كثيرة هنا لأصحابها و هم يتغنون فيها

و كان احد الاعضاء عارض وحده للبيع موديل 2004 و باعها بالمعارض بسعر 34 ألف ريال هذا بخصوص اعادة البيع و ترى ما اخذت الا نصف ساعة و انباعت

و يوجد بعد عليها ضمان الشراء للسيارة من قبل الوكالة ما اذكر كم سنه يمكن بعد خمس سنوات

السيارة عليها ضمان 5 سنوات غير محدد الكيلومترات


حط في بالك إنك يمكن بتضطر تغيرها بعد 6 أو 7 سنوات.. و سعر إعادة البيع منخفض.



السيارة مواصفات + شكل رايق


و سعرها ممتاز