السلام عليكم
هذا تنبيه عاجل ومهم لأصحاب المورانو،، أحببت نشره حتى ما أحد يصير له اللي صار لي.
وهي مشكلة بالجير بوكس..
أولا سيارتي مورانو 2006 اشتريتها بعد بحث وسؤال طويلين وعن قناعة.. والسيارة قيادتها جداً رائعة..
القصة باختصار طلعت بسيارتي مشوار، كالعادة ووقفت، خلصت شغلي ورجعت لها وشغلتها بس عيت تشتغل، لاحظت الأنوار ضعيفة فطرا لي إن البطارية منتهية، حاولت مرة واثنين وثلاثة مافيه فايدة..
فكيت الكبوت، وشفت البطارية (إلكترونية) ACDelco لاحظت القزازة اللي عليها وكان لونها أسود..
يعني فاضية محتاجة شحن،، قلت بطارية جديدة أزين، واشتريت بطارية جديدة Acazux أو حاجة زي كذا، والموديل اللي عليها كان مطابق للمورانو حسب الكتالوج حق الشركة.
اشتغلت السيارة، لكن لاحظت عدم ظهور الـ (P) و (N) حقت وضعية التعشيق اللي تطلع بالشاشة الصغيرة، قلت نشوف لها بكرة، مشيت بالسيارة حرارتها ارتفعت وسمعت القير يحن!!!!!!!!!!!!
ايش السالفة؟!؟
طلع الجيربوكس ما يعشق الرابع !@#%^&*
حاولت يمين شمال مافيه فايدة، اليوم الثاني أخذتها للوكالة، وفحصوها بجهاز نيسان CONSULT II وطلعوا لي تقرير يحتوي على رمز: P1778 وهذا الكود أو الرمز – حسب دليل الخدمة والصيانة – يعني يجب تغيير الجيربوكس كامل واللي يكلف حسب شركة الجبر بالدمام 25000 ريال وعليها، بالإضافة إلى 1500 ريال تقريبا أجرة التركيب.
اللهم صلي عليك يا محمد،، ايش صار يا جماعة؟؟!؟! الله أعلم، والحمد لله على كل شيء، قضاء وقدر..
أنا طبعاً من قبل شاري دليل الخدمة والصيانة للمورانو ودورت على الرمز وهذا وطلع فعلاً مشكلة عويصة لازم يتغير الجيربوكس كامل، المشكلة يا إخوان ما كان فيه أي مقدمات أو أي شيء من هذا القبيل على السيارة وخصوصاً الجيربوكس.
أنا إلى الحين غير مقتنع بأن المشكلة (ميكانيكية) بل هي (كهربائية)، لأني أتوقع صار فيه التماس كهربائية يوم جيت أغير البطارية. دقيت على الحمراني بجدة والرياض لكن ما طلعت منهم بنتيجة لأن أبو هنود المروحين هم اللي يردون ويحاولون يصرفوني و و و . ولا أنكر اجتهادات بعض الأشخاص العرب واللي حاولوا بأمانة مساعدتي عبر التلفون لكن برضوا مافيه فايدة.
بعد دورت بالنت وفي موقع خاص بالمورانو: http://www.nissanmurano.org
وعدة مواقع إخرى لكن دون جدوى.
والغريب بعد أن أحد الفنيين الكبار بالشركة وهو اللي أشرف على صيانة السيارة قال 3 حالات فقط اللي مرت عليه يخرب فيها جير المورانو.. بعكس الألتيما. واقترح تغيير البطارية بأخرى، وفعلا غيرنا البطارية بوحدة ثانية وسقنا السيارة وكشف بالجهاز، الكود الأول 1778 اختفى وظهر كود جديد: 0744. واللي زاد حيرتنا. وجرب فصل البطارية لمدة لا تقل عن 12 ساعة لكن بدون فايدة.
قال بالإمكان شراء جير مستخدم وتركيبه بالوكالة قلت زين، لقيت واحد بعد طلعت الروح، لأن السيارة غير منتشرة بقيمة 10000 ريال وإن شاء الله رايح أبدله عندهم وعلى الله.
نصيحتي لكم بحكم اطلاعي على السيارة ودليل الصيانة تبعها وبعض المواقع الأجنبية لا تودي سيارتك للوكالة إلا في شيء ضروري والأشياء الكبيرة سوها عندهم لأن ماتدرون قد ايش أنظمة وأجهزة المورانو مترابطة ببعض. واستخدام جهاز الكشف Consult II مهم وضروري.
لكن إلى الحين ماني متصور تغيير البطارية أدى إلى خراب الجيربوكس.... وإذا فيه جديد راح أعلمكم. ودمتم بخير..
