قصتي أني شريت جيب لاند كروزر من الأمارات بسعر حلو لكن المصيبة ان الجيب طلع مقلوب وما أخذ فتره معاي إلا والدبل مسلم عليكم مع القير حتى صرت أسب واللعن السيارات الأماراتية لأن مو أول مره تصير وما ادري ليه هالسيارت بمجرد خروجها من الحدود تخرب وكأنهم موقتين لها !
المهم حلفت أني ما أشتري أي سيارة أماراتية غير أني قمت أحذر منها للأصدقاء ولكل من أعرف لوجود مافيا سيارات هناك يعملون على تبديل القطع الأصلية بقطع تجارية خصوصا المحركات المخفية عن العين مثل محركات القيرمحركات الزاجاج وحتى محرك الأنتل !
المهم قلت خلاص أبي اشتري من صالة محترمه وبلاش حركات " المطامر " رحت لصالة العلقم بالقطيف وشريت سيارة كرايسلر 2007 مستوردة من كندا على حد قولهم ! المهم وبعد ما تمت البيعة وفي اليوم الثاني فتحت درج السيارة وكانت المفاجأة أني وجدت قطعة نقود أماراتية كانت واحد درهم !:a1120(82):
بصراحة كاد يغمى علي لأني أعرف السيارات الأماراتية وأعرف مشاكلهم لكن الفاس طاح بالراس المهم وبعد أربع ساعات فقط ولعت لمبة المحرك على الطبلون قلت يالله خير
المهم ولأن السيارة على الضمان وديتها لهم وقالوا القير يحتاج توضيب قلت طالما السيارة تحت الضمان وماني دافع شيء وضبوا القير المهم وبعد 20 يوم من المرمطة قالوا ان كهربة السيارة فيها ظفيره ومش عارف ايه قلت الله يعين !
سؤالي يا شباب هل لي الحق في أستبدال السيارة خصوصاً وأنها أتمت شهر في الورشة وراح من عمر الضمان شهر !
السؤال الثاني هل مشاكل الكرايسلر كثيرة لأني أخاف من المستقبل ؟
السؤال الثالث هو صلب الموضوع القير ما يعشق صح وما قدرت حتى أوصل ل100 كيلو لانه ما كان يلقم وتم توضيبه وطلعت مشكلة الظفيرة هل بالامكان تصليحها ولا راح تكون السيارة في الورش !
هل هناك فني جيد لسيارات الكرايسلر
المهم انا عارف يا شباب أن أفكاري متلخبطة وأسئلتي متوزعه لكن والله من الغبنة أفيدوني :blue:
