يوم الأحد موعد تسليم السيارة بإذن الله "نصائحكم"

وش دعوة احنا موجودين بالخدمة

[CENTER]السلام عليكم ورحمة الله وبركاتة
أخواني يوم الأحد إن شاء الرحمن موعد التسليم وهذا بفضل الله سبحانة علي ..
اللهم أعطيني من خيرها وأكفني شرها ..
إذا تكرمتم أبي نصائحكم :
1- التشيك
حافظ على الصيانة الدورية في الوكالة كل 10000 كيلو..للمحافظة على الضمان وتغيير القطع الاستهلاكية والتشييك الكامل..


2- الإكسسوارات إللي تجي مع السيارة (دينالي)
اول ما تطلعه ظلله تضليل عازل اصلي من في كوول او زيبارت للمحافظه على الأجزاء الداخلية من الشمس ومن الأشعة فوق البنفسجية اللي تشقق عليك الطبلون ..


3- المكيف ( رأسي يابس أنا أقول معصي أشغلة قبل الـ 1000كم) والعالم
يضحكون علي يقولون ما يضرها , أبي تأكيد تكفون ..
اختلفوا فيه..ناس قالوا شغله حتى يتأقلم سير المكيف والمكينة وناس يقولون لا تشغله حتى ما تشحن المكينة وهي جديدة..انا أفضل تخليه بعد الألف..


4- بالنسبة لتمرين السيارة لو مرنتها في 4 ولا 5 ايام عادي ولا أخليها على
أقل من مهلها ..
على كيفك..لكن لا تشحنها وتكرفها من اول يوم..ابدأ بالتدريج..3 ايام للتمرين كويسة مرة..خلالها لا تتجاو 120 ولا تشحنها مرة في القومة..


5- والكفرات لو فيها تحبيل ولا متشققه من الشمس ما أستلم السيارة ولا شلون ..؟
انتبه لمسألة الكفرات..لأن العادة انها تجي بكفرات تخزين..ومطالبة الوكالة من الشركة الأم بتغييرها قبل تسليم السيارة للعميل...انتبه للمسألة هذي ولا يضحكون عليك فيها..


6- تلبيسة الأرضية نصائحكم ولو إني آميل إني ما البسها لتفادي المشاكل أحاول
البس الأرضية من دون فك المقاعد ولو ماتكون مضبوطة 100%.
لا تلبسها..اشتر مكنسة صغيرة حقت سيارة تلقاها بمحلات الزينة ونضفها كل اسبوعين مرة..التلبيسة تتشقق وتتفكك مع الوقت وتمسك الوساخة تحتها..


7- بالنسبة للمقاعد الخلفية تجي منفصلة ومتصلة وأنا أخذت متصلة كثير يقولون
أفضل وأحلى من المنفصلة مع إني كنت أبي منفصلة ( هل وفقت في أختياري؟) ..
بالفعل..المتصلة افضل..توفير مساحة للركاب..

والله داري" قرقت" كثير بس والله في المنتدى كثيرين من لهم خبرة سواء عضو ولا
مسؤل ماشاء الله تبارك الرحمن وصدورهم رحبة (هذا إللي شجعني ) .
دمتم بود .

الف مبروك والله..الله يعطيك خيرها ويكفيك شرها وبالتوفيق..