تم وبحمد الله وتوفيقه شراء يوكن 2009 دبل وذلك بعد شد وجذب وجدال طويل وفي الاخير تم الاختيار والله يعطينا خيره ويكفينا شره
واليوم وصل للبيت بعد ان امضى يومين في المعرض لاستكمال اجراءاته
على العموم انا جديد العهد على فئة اليوكن على مر عصوره وفي جميع موديلاته
اكيد راح يكون عندي كم استفسار عن بعض الامور اللي تجهلني كثيرا وبما اني ظمن هذه الكوكبه المشهود لها بالخبره والمعرفه وقبل ذلك بالخير وحب المساعده فانا توجهت لكم بعد الله لطرح اسئله وكلي امل ان اجد اجابات عليها
وفي نفس الوقت اتمنى ان الموضوع يكون باب معرفه للجميع واللي ما يعرف تكون فرصه له عشان يعرف ما يجهله
على العموم انا صورت بعض الازرار اللي تجلهني وقبل اعرضها عندي سؤال صغير
السياره طلعتها وهي مغبره وقراطيس الوكاله عليها وودي اغلسها وما ادري وش تنصحوني فيه من ناحيه التغسيل ؟ لاني شايل هم قراطيس الوكاله اخاف يبقى منها شي بعد الغسيل
واذا فيه مغسله تنصحوني فيها اسدحوها هنا
نجي للصور وان شاءالله اجد اجابات على اللي فيها
ودي اعرف كل الازرار اللي الاربعه وش تكون بالترتيب من فوق لتحت
واتمنى التصوير يكون واضح
فيه الازرار الثلاثه اللي تحت وبعضها من الصوره واضح وش له بس مادري كيف ومتى استخدمه ؟
ولا تنسون اللي فوق وخاصه امور المكيف لان المكيف حساس
هذي ازرار كثيره ويدوخ فيها الواحد بس ان شاءالله احصل منكم اجابه على بعضها
وهذي في الدركسون من يمين
وهذي من يسار
وهذا الدبل والنور والسؤال هنا وخاصه على الدبل طريقه استخدامه لاني تعود على جيوب ونعشق القير وما تعودنا على دبل نفره فر
اخر صوره وادري اني ثقلت عليكم
هذي صوره للمرايا اللي داخل السياره وتعكس على ورى
مادري وش الازرار اللي فيها وهل فيها بوصله اولا ؟
واسف على الصور اذا كانت كبيره لاني ما اعرف اصغير واذا يقدر يصغرها
ياليت يقوم بالشي هذا واكون شاكر وممنون له
على العموم هذي تساؤلاتي اللي واجهتني الى اللحظه وهذي ولكن اتمنى الموضوع يكون عام عشان تعم الفائده للجميع
كل عضو عنده اي معلومه سواء سئلت عنها او لم اسئل ياليت يدلي بها عشان نستفيد جميعا
وبالله التوفيق
