المكسيما والحراره المرتفعه عندي الحل :)

السلام عليكم مره ثانيه ..
عسى ماشر اخوي ابووسيم مارديت على استفساري لاهنت..؟
وبعدين ياليت إذا تواجدة تقولنا كيف حرارة السياره معاك من ركبت الراديتر ليومك هذا ..؟
وياليت تفيدني بالحصول عليهم لالالاهنت
وبكون شاكر لك يالغالي :ch19:

الله يعطيك العافيه اخوي ابووسيم
بصراحه انا دورت نفس هذا الراديتر لكن للاسف
ماحصلته كله صناعه وطنيه رصاص مدري نحاس
واللي يجي نفس الوكاله يجي رصه وحده مو رصتين يعني عين وحده
وبصراحه انا حالين بسعوديه بحفر الباطن
وودي اشتريه كيف الطريقه لاهنت ابيك تساعدني
واللي طمعني براديتر اللي مركبه انت.. إنه نفس حق الوكاله جنه يجي ألمنيوم
ورصتين يعني عينيين صح .......؟
فضلا لا امرا ابيك تساعدني بالحصول على هذا الراديتر
السياره ماكسيما 2003
سويت كل شي وشيكت على كل شي باقيلي الخيار هذا لان اكثر من واحد يقولي البلا براديتر ....؟
حتى الوكاله رحت لها قالولي لازم تغير الراديتر كل 3 او 4 سنوات
إذا تجمعة فيه الاتربه وامتلا املاح
حتى تنظيفه يكون صعب ومايكون بشكل المطلوب يعني لازم تغييييير

ملاحظه
الثيرمستات هي نفسها بلف الحراره الرجاء التوضيح لاهنتم

والله انا واجهت نفس المشكلة قبل تقريبا ثلاث او اربع سنوات على نيسان باثفايندر 2003 غيرت بلف الحرارة ركبت بلف فولفو ومن يومها السيارة معاي الحرارة ما توصل النص لمدة ما يقارب 8 اشهر وبعت السيارة

السلام عليكم
هلا اخوي بلو والله كلامك البسيط مقنع :) اسحب كلامي :)

اخوي سواحل شنو سيارتك مكسيما,لان الراديترعند ملك الراديترات بس للمكسيما أشوه:smilie16:
أول شي تأكد من المراوح ومن سرعتهم عند كهربائي فهمان :)(كهربائي ابو بهاء هذا شاطر برأيي) وإذا ما فيهم شي , روح عند ملك الراديترات وخل يفتح الراديتر يشوف اذا يتشيش ولا وصخ ونصيحتي اذا وصخ بدل الراديتر وريح بالك واذا اوكي الحمدالله وبعدين شوف اذا تحتاج تبدل الثورمستات الامامي والخلفي اذا ما بدلتهم من زمان بدل مره وحده افضل

مالك لواء يعني غلطان بلهجه الزقرتيه

لاتعمم على الكل الالتيما اعبيها فل تمشي داخل المدينه مابين 450 الى 550 وخارج المدينه 600 كيلو وانا مجربها

الحرارة عندي وقت الظهر توصل النص وفوق والمكيف يصير حار ......... بالراديتر القديم حقي كانت توصل فوق النص بس المكيف يظل بارد ...............مدري شسوي ما امداني افرح :(

وفقك الله ....................

هلا فيك اخو يابو العز عساك بخير
اقصد وايد تصرف المكسيما بانزين(بترول) والاصح عموم النيسان ياكلوا بانزين :)
:confused1: او في حل , ما أظن :)

هلا والله بو وسم الف شكر على الصور تعبناك الصراحة

ما شاء الله الحرارة افضل من اوكيه خصوصا بجو الكويت الله يعينكم بس

اشكرك لكن ما فهمت قصدك بانزين نيسان مزعج

السلام عليكم
هلا فيك اخوي بلو شخبارك ما بغيت ألقى واحد متواجد :) والله ما جربت الألتيما بيني وبينك بانزين النيسان مزعج الصراحه :confused1:

فرق بين الحراره في الالتيما والماكسيما

الالتيما اذا حالتها من جميع النواحي اوكيه الحراره تكون على اول خط من الربع ثابت ماتتحرك حتى لو دعست

مادري الفرق في الثرموستات ولا المراوح

فرق بين الحراره في الالتيما والماكسيما

الالتيما اذا حالتها من جميع النواحي اوكيه الحراره تكون على اول خط من الربع ثابت ماتتحرك حتى لو دعست

مادري الفرق في الثرموستات ولا المراوح

السلام عليكم واخيرا قدرت بموقع حقيقه ممتاز www.tinypic.com ويرسل الصور على الايميل اذا تبون

http://tinypic.com/view.php?pic=2zg4ygh&s=3ا
الراديتر القديم شوفوا شلون ضعيييييف فرق عن الجديد :)

http://tinypic.com/view.php?pic=2ui993q&s=3
الراديتر الجديد هيفي ديوتي بعد التركيب



http://tinypic.com/view.php?pic=34yb51t&s=3
الراديتر الجديد من فوق



http://tinypic.com/view.php?pic=2drbgxh&s=3
الراديتر الجديد من جنب



http://tinypic.com/view.php?pic=15mmve8&s=3
الحراره عند الساعه 2 ظهرا تقريبا

http://tinypic.com/view.php?pic=2h3u64k&s=3
الحراره عند الساعه 2:36 وشوفوا الصوره الثانيه بعد عشرة دقائق توقف

http://tinypic.com/view.php?pic=20sj8w&s=3
شوفوا الحراره بعد عشرة دقائق توقف طبعا تعرفون حر الكويت :)

http://tinypic.com/view.php?pic=1zmguwl&s=3
الحراره عند سرعة 120كم



http://tinypic.com/view.php?pic=iwsxnn&s=3
الحراره عند سرعة 140كم

أضحك الله سنك ابووسم ههههههههههههههههههه انا بالطريق كل شوي اطالع الحرارة والقاها ربع او ثلث وخاصة لما اوقف على الاشارة اركز على الحرارة وما ترتفع احس ان سيارتي توها طالعة من الوكالة وفجاة وبينما الهدوء يعم المكان وانا فرحان وانا اتابع عداد الحرارة وهو ثابت عالربع او الثلث فجاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااة
فجاة
فجاة
فاجاة

>>
تبي تعرف المفاجاة شنو انزل تحت هههههههه

فاجاة فاجاة فاجاة فاجاة


>>

<<

>>

<<

>>

انزل بعد ما تبي المفاجاة شنو هي

فاجاة

فاجاة

>>

<<


>>

<<

فاجاااااااااااااااااااااااااااااااة وانا مركز على عداد الحرارة

ديد ديد طوط طوط طاط طود ديد ديد طاط

الاشارة شبت خضرا وانا مدري والناس اللي وراي حرقوني بالهرنات

ههههههههههههههههههههههههههههههههههههااي

السلام عليكم
والله فرحتني يا سواحل الحمدالله وهدفي من هذا ابي الناس تستفيد , وبالعافيه عليك السعر هذا :) والله كنت افكر ابيع السياره لاني اكره السياره اذا صار فيها حراره ولا عرفة الحل من الوناسه كل اشوي فاتح الكبوت خخخخ
واخي ابوالعز مشكور على المعلومه وسويت تعليماتك ولما اضغط رفع يطلع لي خطأ ما ادري ليش , بس ما راح ارتاح إلا لما احط الصور :)

نسيت اقولك بووسم لما رحت للمحل لقيت هندي قلت له ابي تركب لي راديتر هيفي ديوتي قالي ثلاثين دينار بابا ..... قلت له واخر شي قال 28 دينار .... قلت له لا نزل نزل .. رفض ينزل ..... قلت له وين مدير .... قال المدير بابو مو موجود .... قلت اتصل عليه وفعلا اتصل عليه وكلمته قلت له بابو انا بيركب راديتر هيفي ديوتي 25 دينار رفض .. وجان انشب له ما خليته فنزل لي دينار وصار 27 دينار هههههههههههههههههههههههااي يعني غلبتك بدينار يا بو وسم ههههههههههههااااي

بيض الله وجهك يا بووسم وبميزان اعمالك ان شاء الله ...... انا رحت للمحل وركبت الراديتر هيفي ديوتي والحرارة اختفت نهائيا ... حرارة سيارتي صارت ربع وفي الظهرية ثلث ........ وناسسسسسسسسسسسسسسة تسلم والله احبك احبك احبك عز الله انك ما قصرت ... بالنهاية بقولك روح الله يوفقكك دنيا واخرة على مساعدتك اخوانك يعني انت منت مستفيد شي من هذا الموضوع الا انك تساعد اخوانك المسلمين ....... بيض الله وجهك

ملاحظة للاخوان : سبب سحر راديتر هيفي ديوتي انه اعرض من راديتر الوكالة مرتين فبالتالي تدفق الماء للماكينة يكون اكبر فيبردها ويقضي على الحرارة

المشكلة كانت موجودة في سيارة مرسيدس 230E موديل 1990

كانت الحرارة ترتفع وتصل الى حوالي 95 بدون المكيف وتصل الى 110 عند تشغيل المكيف !!!

سألت احد المحلات فقال تحتاج تشييش للرديتر وقمت بذلك ولكن لا فائدة الحرارة لازالت عالية مع وجود سائل التبريد الأزرق !

ذهبت لأحد محلات متخصصي المرسيدس فقال تحتاج تغيير الريديتر بواحد آخر ووافقت وقام بتغييره ويا للعجب الحرارة لا تتعدى 85 مع تشغيل المكيف !!

خلاصة القول ان الريديتر بعد فترة لا يقوم بالتبريد الجيد للسيارة وتحتاج تغيير !

هلا اخوي بو وسم

طريقة تنزيل الصور
1- ارسل الصور من جوالك الى جهازك الكمبيوتر
2- ادخل على هالرابط
http://up.qatarw.com/

3- اذا دخلت على هالرابط راح تلقى 15 مستطيل ابيض وبجنب كل مستطيل كلمة استعراض اضغط على اول كلمة استعراض راح يطلعلك مربع فوق يمين فيه كل الملفات والصور اللي بجهازك شف وين انت حافظ الصور بأي ملف اضغط على الصورة وبعدين اضغط على فتح بنفس المربع الصغير

4- اعمل هالخطوة اللي قبل بالصور الثانية والثالثة ...إلخ (على حسب عدد الصور)
5- اذا حطيت كل الصور اللي تبيها اضغط على رفع الملفات
6-بعدين راح تتحمل الصور بنفس الموقع وتكون بصور مصغرة وكل صورة بجنبها 4 روابط انت ما عليك الا انك تنسخ الرابط الرابع من كل صورة

يعني تنسخ الرابط الرابع للصورة الاولى وتلصقه بالرد
وترجع وتنسخ الرابط الرابع للصورة الثانية وتلصقه بالراد
وكذا على حسب عدد الصور اللي بتنزلها

وانتهى

ادري الطريقه بالكتابة كذا صعبه عليك لكن صدقني اذا سويتها راح تتسهلها كثير