مشورتكم يالربع ايش اللي يخلي عزم السياره يكتم ؟!! النترا 2005

[MusTanG V8]

صبحتم/مسيتم بالخير يالغالييين


عندي مشكله في سيارتي العزيزه ويا ريت تفيدوني بشوركم

السياره النترا 2005
مكينه 1.6
جير اتوماتيك



المشكله يا طويلين العمر
ان السياره عزمها رايح وما ادري من ايش المشكله


يعني تضغطلها بنزين السياره تمشي مل تقول شي

لكن تلاحظ ان قومتها بطيئه (مقارنه بالقومه الطبيعيه)

وغير كذا الضغط يكون مرتفع نسبيا (يعني يوصل للـ3 والسياراه ماشيه 60)

وتحس ان في كتمه في السياره

يعني المكينه تحن لكن ما في عزم


فياريت تفيدوني وش الاشياء اللي ممكن اسويها تفك تكتيمه السياره


مع العلم اني مغير بواجي واسلاك و فلتر من شهر


تحياتي للجميع
ومشكور مقدماً

[camry4]

شيك على صفاية البنزين وفلتر الهواء يمكن يصير مليان غبار فيأثر على العزم

[MusTanG V8]

شيك على صفاية البنزين وفلتر الهواء يمكن يصير مليان غبار فيأثر على العزم

شريت فلتر بنزين بس ما ركبته للحين

طبعا فلتر البنزين في الالنترا يكون داخل التانكي وتركيبه مو سهل

(على كلام راعي قطع الغيار يقول ان قبل موديل2004 كان في فلترين داخلي وخارجي ومن بعد ال 2004 لغوا الخارجي وصار داخلي بس)

فما ادري وش الحل
على العموم نورتنا بمرورك

[MusTanG V8]

والله عيب يا شباب

معقول 40 واحد دخلوا الموضوع وولا واحد عارف و المشكله

ما ادري بديت احس اني حاط مشكلتي في قسم الجوالات مو السيارات

همتكم معنا يالغاليين

[bilany2003]

يا اخي انا اقول لك



هذه لها اسباب كثيرة


انا كانت سيفيك حقت اخوي كذا مافيها عزم وما احد عرف السبب


بس لها اسبابها


1- ممكن الكويلات

2-القير نفسه اذا كان فيه اهتراء في الكلتشات او كانت البطيخة خربانة

3-ايضا حساسات منظم البخاخ وهذا الارجح عندك لانه لازم يتنظف كل سنة


بس هذه اللي تاثر على العزم

[MusTanG V8]

يا اخي انا اقول لك



هذه لها اسباب كثيرة


انا كانت سيفيك حقت اخوي كذا مافيها عزم وما احد عرف السبب


بس لها اسبابها


1- ممكن الكويلات

2-القير نفسه اذا كان فيه اهتراء في الكلتشات او كانت البطيخة خربانة

3-ايضا حساسات منظم البخاخ وهذا الارجح عندك لانه لازم يتنظف كل سنة


بس هذه اللي تاثر على العزم

الصراحه ردك اثلج صدري

أولا

موضوع الكويلات اول مره اسمع عنه
ولكن باروح اشيك موب خسران شي


ثانيا
موضوع الكلتشات وهذا هو اللي انا احس فيه
لكن مثل منت خابر ورش القيور الاتماتيك اذا بيفتح الجير ما يعترف بشي اسمه كلتشات وبس بيقولك ان الجير يبغاله توضيب كامل وبيشقط عليك 4000 ريال (هذا ان كان يخاف ربه)


ثالثاً
صادق في موضوع الحساس لاني فحصتها كمبيوتر وعطاني ايرور على حساسين بدلتهم اثنينهم
الوضع تحسن لكن الى الان مو طبيعي



مقدر لك مرورك
ولك مني احلى تحيه

[bilany2003]

وصفك للمشكلة يبين ان فيه مشكلة عندك في القير لان المكينة تحن وماشية بسرعة خفيفة


اذا تبي تعرف ان المشكلة في القير سوي الخطوات التالية:


1- غير الزيت والفلتر

2-في حال تغييره ركز على نقلات الغيار في القير هل هي ناعمة ام خشنة وفيها نقزة قوية طبعا في حال اهتراء كراسي المكينة راح تلاحظ نفس الاحساس علشان كذا تاكد اذا كانت من الكراسي ام انه القير نفسه


3-في حال انك شكيت وتبي تتاكد اكثر وقف السيارة وحط الغيار على الـ (D ) واضغط فرامل بالكامل واضغط البنزين وشوف الضغط على يوقف على كم

المفروض عداد الضغط يوقف بعد 2 ونص ار بي ام وما يزيد عنه

كذا تتاكد من القير انه ما يفوت

[يوسف القصيمي]

والله ياخوي عندي نفس مشكلتك بالضبط

والله اعاني من عزمها مره مره

فلتر قير وغير
وبواجي واسلاك غيرت

ومازالت مشكلة العزم والتغييرات مستمره

وعندي مشكله زياده
واللي هي

وانا ماشي اشوف العداد يرتفع ويدفع نفسه بقوه..ودعسة الموتر تزيد

ياليت الاخوان يشوفون لنا حل

بارك الله فيكمـ