أرغب في شراء جيب (( داخل مزاجي )) وصار لي فترة أحوم في المنتديات أشوف الصور وأحوس في وكالة التويوتا واجنرال موتور والنيسان أدور لي على جيب حلو !
وبصراحة ساحرني جيب اللكزس Rx الفئة الثانية اللي تجي فيها كاميرا ونظام خرائط " نافيقيتر "
لكن بصراحة غااااالي نااااار .. 197 ألف ريال أتصور غالية جدا ً ، خصوصا ً أحس بغصه لو بشتريه ، وفي المقابل هناك الـهمر H3 قيمته 133 ألف موديل 2008 ، ولو بشتريه مستخدم أتصور سعره راح يكون أقل من 100 ألف .
لكن ما أحس إن الهمر لشخص رزه ، أحسه لشباب يحب الدلع والحركات !! والشي الثاني كبير وضخم وتحسه كرتون يتمشى في الشارع .
الإستفسارات كالتالي :
1) بما أني مبتدئ على الجيوب ، هل أشتري لكزس Rx جديد أقساط ، وإلا أشتري همر H3 2008 مستخدم (( بحكم إني ودي أجرب الجيب )) ؟
2) هل صحيح إن بعد رمضان راح تنزل أسعار تويوتا ؟ وكم تتوقعون يوصل سعر الكزس الفئة الثانية Rx ?
3) هل يوجد لدى تويوتا لكزس Rx موديل 2008 ؟ وكم تتوقعون سعرها ؟
3) لو ماتنصحني باللكزس ولا بالهمر ، أيش الجيب الفخم جلد فيه مواصفات حلوة جدا ً من داخل مثل الشاشة والكاميرا ونظام تسخين المقاعد الامامية مثلا ً ويكون سعره معقول أقل من 100 ألف ، ويكون عملي ، قطع غياره معقولة ومايخرب بسرعة ، ويكون مميز ورزه مثل رزة وهيبة الأفالون.
علما ً بانني أبي جيب مو كبير جدا ً ، فأنا أعزب وماعندي عائلة .. ما أحتاج ثمان ركاب
أدري إني طولت عليكم ...
مشكورين
