قناة السيارات
السلام عليكم
أحببت ان انقل لكم تجربتي في اصلاح سيارتي الفورد كراون فكتوريا 2004
قبل ايام توقفت السياره فجأه وما قدرت اشغلها وكان كلما دقيت سلف ، المكينة ما تدور نهائيا تعجبت وش المشكلة ؟ قلت يمكن يا ولد البطاريه لاني شفت علامة استبدل البطاريه واضحه ، واروح واشري بطاريه جديدة بـ 280 ريال طبعا اصليه . وركبت البطاريه ولكن نفس المشكلة لا زالت . واروح واجيب كهربائي لحد السياره ( طبعا السياره واقفه عند البيت ) ويشيك على الكهرباء والسلف وقال كلها شغاله يعني مشكلتك في المكينه . واقوله اذكر ربك يعني انتهت المكينه السياره 2004 على يديى من الوكاله لالالالا ماني مصدق ، يقول : هذا اللي انا شايفه
والله ويجى ذاك الهم اعوذ بالله منه . وقلت ابد مافيها الا اني اسحبها لأفضل ورشه سيارات عندنا بالمدينه ولا ابا اروح الوكاله ابد لانهم اول ما تجيهم السياره بها الحاله يقولك فك المكينه ؟؟؟!!!!
ويوم وصلت للمهندس (حسن) والله واللى يقول الظاهر انها المكينة انتهت. قلت :اذكر ربك شف يمكن فيه حل ثاني ؟؟
والله وانتظر شوي وقام يسالني بعض الاسئله
- سمعت صوت قرقعه عند التشغيل ؟ قلت له ايه خصوصا في الصباح
- الزيت ينقص ؟ قلت له لا
- دقت السياره من تحت او طاحت بحفره ؟ قلت له ما اعتقد
* قال راح نفك صدر المكينة ونتقابل بكره ؟
المهم رجعت البيت واقول يترى وش المشكلة ؟
على طول دخلت النت وقرايت في المنتدى هذا الجميل بعض اراء الناس والصراحه استفدت كثير
ودخلت على مواقع امريكيه ونقلت لهم المشكله وردو على في نفس الوقت اكثر من 70 رد
وهذا موقعهم للفايده http://www.fixya.com/
عموما ما اطول عليكم رجعت للمهندس حسن وقال لي بسيطة طلع عندك جنزير المكينة منكسر
ورحت اخذت قطع الغيار عبارة عن
2 جنزير
4 تكيات للجنزير
2 شدادات للجنزير
1 صوفه
1 وجه للصدر المكينه
وتم تركيبها وانتهت المشكلة
التكاليف
شغل يد 600 ريال واعتقد انه غالي مقارنة بالسوق بس الشكوى لله
اجور القطع 1340 ريال من الوكاله يعني اصليه
حبيت اني انقل هذى التجربه يمكن يستفيد احد منها ولا ابي منكم الا الدعا
ودمتم سالمين
ابومشعل
رد مع اقتباس
المشاركة الأصلية كتبت بواسطة مشعل ابو مشعل
