السلام عليكم
أخواني أنا كنت بمكة وكنت راكب جراند ماركيز امريكي م99 ,وكنت مشغل المكيف والمسجل (توني مركبة ماركة سوني ,في نفس اليوم) عاد وطحت في حفرة وطلعت منها بسلام لكن مشيت شوي الا الاحظ اشارات ما تدق في البدايه تدق شوي شوي ثمن تختفي وهالحين ما تدق خير شر .
هذا من جهة ومن جهة أخرى في نفس الوقت طفا المكيف (لمس) ولا عاد يشتغل حاولت اشغله وما نفع .
ويوم وصلت البيت جيت برجع ريوس والاحظ ما في لمبات ريوس مدري انا متوهم ولا فعلا صحيح.
الشاهد بالموضوع وقفت عند بنشري قلت له افصل لي واحد من لااصابع حقات البطاريه وفصل لي وحده , تركتها حول 10 دقايق وركبتها وشغلت السيارة ومشيت وكل شي رجع لحاله المكيف والاشارات والريوس ., ما كملت دقيقة الا ويفصل كل شي مرة ثانيه والمنظر كان مؤلم "^^ المكيف يطفي ويشتغل لين طفى مرة وحدة . والاشارات نفس الحكاية.
سؤالي : وش هالأعراض ؟؟ هل لها علاج .؟ يبيلها وزنية كهرب؟ ولا وش السالفه ؟
