جيب ريكستون من سانق يونق فل كامل موديل 2009 بـ 69 الف ريال وش رايكم ؟!!

حبر @user_20470 · 22-06-2009

السلام عليكم ,,,

لقيت ريكستون موديل 2009 فل كامل بـ 69 الف ريال ماشيء 6000 كيلو فقط ( ستة الاف كيلو فقط ) .

وش رايكم ؟!!

علما بأنة يقول ان مكينة وقير من مرسيدس وهي نفس مكينة الشبح القديم 320

وش رايكم , السيارة فل , هل هي تتحمل مشاوير داخل الرياض متوسطة المشاوير .!
علما بأن فيها دبل مثل ازرة المكيف على يسار المقود .!

ابي رايكم يا اخوان .

The king OPIRUS @user_152518 · 29-06-2009

ما ادري ليش السيارة اذا اشوفهة ارتاح لهة

بس شكلهة المشكلة في السبير بارت

وعلى الشباب كلة يقولون غير منتشرة

على فكرة احنة عدنة في البحرين
الهونداي والكيا مو منتشرين بشكل كبير يعني قليل تحصل لك
!!!!!

راقي طعس @user_154969 · 29-06-2009

وش هي السانق يونغ ؟؟

سيارة ولا مودمي ؟

fiqar @user_160152 · 27-06-2009

سيارة غير منشرة

الانتشار مو مقياس اساسي للحكم على السياة
عموما..
السيالرة جميلة ومحرك مرسيدس وسعرها رخيص

انصحك فيها

(شرشبيل) @user_4391 · 27-06-2009

حرام ادفع 69 في سياره غير معروفه
بعدين شكلها قبيح جدا
وسعرها في السوق دمار

ما انصحك
خذ سنتافيه سياحي ب 74 الف وموصفاته حلوه ولا تاخذ موتر تدفع مثل قيمته لو صار لك حادث بسيط لا قدر الله

Microsoft @user_17932 · 27-06-2009

أكبر مشكلة هو الوكيل .. الزاهد والمشكلة أنه أنسحب فهذي بحد ذاتها مشكلة

Slide @user_51212 · 27-06-2009

في اخبار بان الزاهد وكيل فولفو ورينو والسانق يونق راحت منه جميع وكالات السيارات ،، يمكن قاعد يصفي اغلب السيارات تميدا لنقل الوكالات لغيره !!!

للاسف : تشتري سيارة وبعد 4 اشهر يقولولك الوكيل تغير رح شف فلان وعلان

راعي الآزيرا @user_121068 · 27-06-2009

ما انصحك فيها أخوي

سيارة غير منشرة .. وقطع غيارها غير منتشرة و الصيانة كذلك

وبقيمتها تقدر تشتري سيارة جديدة

الآزير 2009 مكينة 2.7 + قير تيبترونك + فتحة .. بـ 65 ألف تقريباً

معي النترا @user_94136 · 27-06-2009

الشيء الوحيد اللي اعرفه ان التقنيات اللي فيها المانيه من مرسيدس ..
والسياره ما اقول عنها شيء الا انها غير منتشره ..
عني انا شفتها كم مره وباين انها متماسكه و من الداخل شكلها جميل ..

بالتوفيق

,,,

KING_V6 @user_10599 · 26-06-2009

أخوي ، أنا أعرف واحد من أصدقائي عنده هذه السيارة لكنها محرك ( ديزل ) ،
وماشالله ماشية معاه من 3 سنوات بدون مشاكل ..

الله يوفقك

حبر @user_20470 صاحب الموضوع · 26-06-2009

للرفع يا اخوان ,,,,

هل من مزيد من الاراء حول السانغ يونغ ؟!!!!!!

وحول الريكستون خاصة ؟!!!

اارفع .,,

بوغاتي فيرون @user_144364 · 22-06-2009

السيارة ماهي واسعه الإنتشار
وإذا كانت غير واسعه الإنتشار هذا يعني أنها غير مرغوبة أصلا
وبعدبن الفل 69.000
يعني فيها رخص بالسعر

والله هذا رأيي الشخصي وتقبل مروري

تحياتي لك