كم مطب تاكل يوميا وانت رايح لدوامك ؟

انا ما عندي عمل بس الازم كل يوم 6 مطبات فما فوق سوى الرياض او بريدة
بس انت تقصد الاكل المطب بقوه او عادي براحه
........................................................................................
ثم شعب غريب حتى المطبات بيسوون عليه قضيه لحول بس انا مع المطبات ذا الكثيره و الله ما اجي ل عضلات الكابرس الا كل اربع سنين و نص

صورة بدون تحية

لكل مسئول في وزارة الكهرباء والمياه

لكل مسئول في وزارة النقل

لكل مسئول في الأمانة ومشاريع تصريف السيول ...

والله مالقاها إلا الوكالات ومحلات قطع الغيار ومراكز الصيانة

حسبنى الله ونعم الوكيل على كل من ضيع وخان الأمانة

تقريبا 25 مطب و حفره....ب 10 كيلو متر...طبعا غير الحفر الجانبيه على طول الطريق..

بالنسبة لي خطوطي كلها سريعة او بالاصح عالدائري

اللهم آكل اول مطبين عند البيت والمطبين اللي داخل الجامعة :bigggrin:

بس والله مشكلة هالمطبات وصراحة إنا اللي في الرياض ارحم واااجد من اهل الجنوب بشكل عام

الله لايوريكم تاكلك حصاة مو مطب !!

بدون مبالغة اكثر من 30 من مطبات وحُفر والمسافة 10 كم

يارجل غير السؤال وقول كم مره مشيت بدون حفر ومطبات وبيارات ومشاريع في اليوم الواحد.
موضوعك ذكي لكن مين المسئول القوي اللي يقول انا السبب؟؟؟ البلديه الكهرباء الهاتف المواصلات الصرف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الحمد لله الطااائف خاليه من المطبات في يعني

يمكن 1000000 او اكثر بشوي

بين كل مطب ومطب حفرة

صبحكم الله بالخير ,,

تبي الجد اعجبني اسم الموضوع :xyxthumbs:


بس بيني وبينك المفروض تغير اسم الموضوع من مطبات الى تحويلات !! بحكم اني ساكن بالدمام

وهالتحويله صرت احلم فيها يوميا من كثر ماشوفها بكل مكان


يعني تخيل امشي على هالشارع الفلاني الساعه 9 في الليل ويكون طبيعي ومفتوح
بكرا الساعه 6 الصباح احصله مقفل !! ارحموووونا يرحمكم الله


بالنسبه للمطبات بصراحه طفشت وانا اكل ,, يعني لاتعد ولاتحصى مع اني حافظها بس الواحد يزهق والسياره تتعب :)


يعطيك العافيه ياصاحب الموضوع

ههههههههه والله أنك بطل ياراعي الموضوع..صراحه موضوعك روووعه.تسلم
آآآآآآآآآآه بس المطبات وما أدراك مالمطبات..الحمدلله أن سيارتي هايلكس
..المطبات..عندنا ببريده كل مابغى واحد حط مطب قدام بيته...
قسم بالله ما أتسذب عليكم ياشباب مرة من المرات.أكلت مطب..قسم بالله أنكسر
المساعد؟؟.تخيلو هايلكس اللي مخصصة للأمور هذي وتتحمل وارفع من السيدان
لكن أنكسر علي مسااعد..انا شف المطبات اللي أعرفه ما أكله.لكن اذا صرت مستعجل
وش أسوي اكلهم ..والله معانااااااااة مع المطبات..لكن وربي تهون مقارنة مع الحفر.
يعني والله حرام تشري سياره فخمه وبالاخير مصيره للمطبات والحفر..
..عندنا مايمشي الموتر السيدان.خذ لك دفع رباعي وعسى يصبر
الرمل أزين من الزفلته التعبانه هذي..مانبيهم يزفلوت
مادام شوارعهم زي وجيههم

بالنسبة لسؤالك.وأنا رايح للدوام 6
وانا راجع 6
بس طبعاً أعرفهم.يعني أمشي فيهم شوي شوي ما أكلهم
بس مع ذلك أنا مع المطبات...فيه تقاطع عندنا خطييير مره
مابه مطبات..وربي ماحطوا المطبات إلا بعد وفاة قريب لي..رحمه الله
كان بيروح يصلي التراويح يوم وصل التقاطع..مافيه أحد..مشى ومادري
إلا جاء واحد من يمينه يمشي 140 ويقتله.قتله الله..
بعدها حطوا مطبات.يعني لها فوائد كبيييييره رغم أنه لها أضرار

يارجال عد واغلط حفريات ومطبات وترقيع شوارع وحالتنا حاله

امم :c0214: والله ممكن 50 مطب (وحفرة) :a1120(121): طبعاا حنا في عاصمة الحفر جــــــدة (العروس)
صارت فيني حالة نفسية:a1120(82): ........................

والله حدث ولا حرج ..
المسافه ماتجي 2 كيلو
والمطبات حوالي 20 مطب بدون مبالغه

يارجال
انا عن نفسي عد واغلط من المطبات
حسبي الله بس
:(

بالنسبة لي الكلية اللي ادرس فيها قريبة من البيت .. 5 دقايق

فيها 6 مطبات أو أقل

أنا من سكان مدينة الرياض وعملي يبعد عن المنزل قرابة 30 ك.م

حقيقة أنا لا أكل مطبات بمعنى مطبات وأنا في طريقي للعمل لأنني أصبحت أعرفها واحدا ً واحدا ً

لذلك اصبحت اتسلقها بحذر ورفق كل يوم !

لكنني آكل أنواع وأحجام مختلفة من الحفر والتعرجات من أول الطريق إلى نهايته تقريبا ً !

طبعا ً المساعدات تشتكي وعضلات السيارة تأن وتبكي وديكور السيارة الداخلي أيضا ً يشتكي والكفرات تشتكي

وشكوانا إلى الله عزو وجل

شكرا ً لك

الله لايوريك تخيل شارع طوله كيلو بس فيه 8 مطبات بس مو اي مطبة :a120(115):خليني اوصفهم لك :rolleyes1: المطب الواحد ارتفاعه فوق 60 سم وعرضه متر والي يزيد الطين بلة ان قمته حادة يعني حكة قوية :a1120(82):واذا بغيت تعبرها بسيارة نزيلة مثل الومينا لازم تاخد نصف المطبة مايل عشان بس لاتحك او تعبرها بسرعة واحد كيلو مع كثرة ضغط البريك عشان لاتحك وماتنفع هدي الطريقة الا اذا كنت وحيد في السيارة والا بعورك قلبك ..... اما الحفر حدث ولاحرج مرة طبت المراية ومرة خرب علي الراديتر ومرة تكسرت علي طرمبة الماي >>> باختصار اكل عادة 17 مطب في مشاوير قصيرة بس وهدا شوف اذا مشاوير طويلة الله يعين السيارة بس :a120(55):

6 وانا رايح

11 وانا راجع

يعني كل يوم 17 مطب لان المنطقة اللي اعدي منها سكنية وفيها مدارس كثير

ورغم كثرة المطبات الا اني اايدها بقوة خصوصا في الاحياء وعند المدارس عشان التفحيط والسرعة من بعض الصغار اللي معاهم سيارات