السلام عليكم
رحت اليوم الوكالة قسم الصيانة وقسم المبيعات (للاحتياط) وقلت لهم وش سالفة الخبر المنشور في جريدة الرياض؟
استغربوا وقالوا اي خبر!
قلت لهم كذا وكذا وكذا ... طبعا استغرب اللي في الصيانة وقال ماعندنا اي خبر اطلاقا ولو كان فيه خبر رسمي اكيد حنا اول ناس نعرف علشان نستقبل العملاء وليس الجريدة!
وكذلك لو فيه خبر رسمي كان ابلغنا العملاء بالهاتف او باي طرق اتصال اخرى خصوصا اللي عندهم الموديلات الجديدة الل مثلك!
ورحت للمبيعات وقالي ماعندنا اي خبر نهائيا والرجال مايعرف الموضوع ايش اساسا!
المهم ...
اتصلت على فرع الاحساء من باب الاحتياط لاني اعرف موظف هناك ... وقالي نفس كلام فرع الدمام بالضبط.
الختام ...
في اخر محادثة لي مع موظف الصيانة قلت له طيب هل مطلوب مني شي؟
قالي هل عندك اساسا مشكلة في سيارتك؟ قلت له: لا الحمدلله
قال: طيب اخوي لا تغلق واترك عنك كلام النت الا اذا فيه كلام رسمي على عيني وراسي
وحنا هنا كوكالة ايش خسرانين اذا فيه استدعاء رسمي من شركة جنرال موتورز بالعكس راح نستقبل العملاء حسب القرار لكن صدقني مافيه شي
=== انتهى ===
طيب يا اخوان هذي تجربتي ... والاخوان هنا يقولون فيه اعلان رسمي في الجريدة وش الحل؟
مشورتكم الله يخليكم (من باب الوقاية خير من العلاج)
اخوكم
