استفسار وطلب : اكسبديشن من الشارقة !!!!!!! انقذوني

امين يارب .. تسلم الله يعافيك من كل شر
:smile:

والله ياهو خبر يسوى مليون ربيه :bigggrin: ==>> ما يقدر يتكلم بالمليون ريال صعب :bigggrin:

الف مبروك على السيارة والله يعطيك خيرها ويكفيك شرها
مع اني ماحب شي اسمه لاند كروزر لكن علشانك بديت اقتنع فيه :bigggrin:

شفت .. علشان كذا اقول لك الفرق تقريبا 20 الف والله موب هينه بصراحة

وهذا الي خلاني اطلب هالطلب من الشارقه

ياطويل العمر انا اليوم كلمت واحد في دبي وقال لاقي لي اكسبديشن 2003 بس ماحب يكلمني لأن السيارة طلعت ( مدعومه ) خابرين القطو الي يندعم موب السيارة :bigggrin:

المهم الله يسلمك اذا عندك ارقامهم عزالله انك بتنفعني في هالموضوع بدل ماسافر وادق مشوار يمكن ينجح ويمكن يفشل اصير اتصل عليهم من هنا واشوف وش الوضع عندهم
وسمعت اليوم واحد يقول انه كان يشتري سيارات ويبيعها عندنا هنا عن طريق 3 بنات من دبي .. وانهم يجيبون له سيارتين للحدود باسم جاهزه .. ويقول انهم يجيبون سيارات خياليه من ناحية النظافه والممشى والاكسسوارات

عاد طلبته رقمهم بس اخر المطاف غير كلامه يقول موب انا الي اعرفهم .. واحد من ربعهم شريطي
مدري صحة كلامه من عدمه ..
ولا يهمني هالحكي اعتبره كلام جرايد .. قصدي كلام شريطيه
لكن المهم في الموضوع اني الاقي ناس اتواصل معهم في معارض الشارقة ويدلوني على الشي الي مضبوط

انا بنتضر رسالتك .. عطني ارقامهم وبجرب حضي قبل لا اتهور واخذ اجازة
:xyxthumbs:

والله مدري وانا اخوك :confused1: بس هذا الي سمعته من الناس ومن المعارض يقولون مافيه امل تخش موديلات اقل من 2005
أتمنى يكون كلامك صحيح يارب
بدل ما ادفع زيادة واخسر .. على الاقل استفيد من باقي المبلغ في امور ثانيه

بس تكفا ياغالي اذا تقدر تتأكد لي من هالموضوع أتمنى والله

الله يكون في عونك اخوي ويفرج همنا وهمك
انا كنت قبل شهر في الشارقه والحمدلله وفقني الله وشريت جيب لكزس امريكي وارخص من هنا تقريبا ب20000 الف ريال,,لأنني لفيت معارض الرياض قبل لأروح هناك وعرفت الاسعار,,وعندهم العرض كبير جدا وفعلا الأسعار في الغالب افضل من هنا ,,
واذا ترغب زودتك ببعض ارقام المعارض اللي هناك وممكن تحصل طلبك عندهم او يدلونك

وموفق اخوي

ما عليك من النظام
هذا النظام مطبق للمؤسسات و الشركات
مش للأفراد
يعني طالما انت تبي سيارهـ شخصيه لك
تنكتب بأسمك مباشرهـ وتدخل الجمارك بأسمك مباشرهـ
مسموح
ان شالله تجيب موديل 80 ما عندك اي مشكله
والله اعلم كلامي صحيح بس هذا اللي انا اعرفه

هههههه

حيالله ابو عبد العزيز

ياخي لا تلومني
كل ما طبيت بشغله انحاست معي

الحين ابي اروح اشتري من دبي لأن الي عرفتها هاليومين ان فرق السعر 20 الف ريال للسيارة الي ابيها مابين دبي والسعودية
ويوم اني نويت وعرفت السعر صار مافيه وقت .. النظام الصارم نوى يردني ورا .. باقي اسبوعين تعريبا ولا يمديني اخذ اجازة علشان اسافر ولا فيه امكانية مادية الا مع الشهر الجاي .. خلها على الله بس

والحمدلله على كل حال

لا إله الا الله
صل على النبي وأكثر من الدعاء لله

وهذا أنت وش حلاتك الله معطيك صحه وعائلة تحبك ويحبونك
من وين جات قشارت الحظ .......

الله يوفقك ويسهل لك أمرك

:c0038: لا
يقولون اخر موعد بتاريخ 15 - 6 - 1430
يعني الشهر اجاي

واتمنى ما يطبقونه .. ماجت الا على حضي

<<== من يومه حضه اقشر سبحان الله :smilie20:

:smilie20: هذا الي جوازه بجيبه يسافر بحريته بأي وقت موب مثل الي مربوط برجليه ما يسافر الا باجازة خارجية :smilie20:
انا لو ابي خميس وجمعه اسافر فيها ممنوع لازم ما يقل عن 10 ايام وتحسب من اجازتي السنووية .. يعني يبقى لي 20 يوم لباقي السنه
خلها على ربك
:confused1:

ومشكور على ردك ما قصرت ..
وانا مو مشكله بتسغني عن 10 ايام باخذ منها 5 ايام او اقل تكفيني ولكن اتمنى فعلا اني الاقي طلبي بسعر رهيب
الي كنت اتمناه ان احد يقول لي سعر الاكسبديشن 2003 و 2004 بمبلغ كذا ...
وبعد جيب لنكن ( نفجيتور ) 2003 و 2004 اسعارهم بكذا ..
لأني لو وصلت للسعر كذا اقدر اروح وانا مكمئن ان المبلغ راح يكفيني موب اتوهق يوم اوصل هناك الاقي اسعارها بعد الجمرك وكل شي غاليه

هذا القصد ياغالي
تسلم لي :xyxthumbs:

تنبيه بسيط ترى أعتقد هذا الشهر طبقو نظام عدم أستيراد السيارة الي تزيد عمرها عن 5 سنوات! من موديل السيارة

ينقل لقسم الدفع الرباعي