السلام عليكم
أحبابي أعضاء المنتدى عامة ، وأعضاء هذه القسم خاصة أحييكم بتحية الإسلام ، السلام عليكم ورحمة الله وبركاته ، أنا ضيف عندكم من المدينة المنورة ، وإن شاء الله أني ما أكثر أسئلتي وطلباتي عليكم ، يا أحبابي بالمختصر السريع ، وحتى ما أخذ الكثير من وقتكم الثمين ، أنا ناوي أشتري هايلكس2003 ، وسئلت واحد عنده خبرة بالسيارات ، وقال لي أن عبداللطيف جميل يغير في الهايلكس والصراحة خفت من هالكلام وقلت مالي غير أحبابي يجاوبوني على اللي عندي من اسئلة، المهم يا أحبابي عندي كم سؤال :
سمعت أن عبداللطيف جميل يغير البوري والشريط والمسجل والمكيف وغيرها في الهايلكس ، فهل هذا صحيح .؟
ثانيا : احنا عندنا بالمدينة المنورة مافيه وانيتات من الخليج - مثل ما يقول صاحبي - لكن ابي أعرف وش أقرب منطقة عندهم .؟ ( القصيم ولا مكة ولا جدة أو الطائف ..؟ ) ..........؟
ثالثا : لو قدر الله واشتريت هايلكس خليجي هل بإمكاني أدخله لوكالة عبداللطيف جميل ...؟؟
رابعا : هل ألقى هايلكس بدون شريط ، لأني أكره الشريط اللي على الوانيتات كلها من وسط قلبي ، فهل ألقى هايلكسGLX2003 بدون شريط . وإذا يحتاج طلبية في كم يوصل ....؟ وهل فيه ألوان متعددة في الهايلوكس .؟ ( زيتي - رصاصي - عنابي )؟
خامسا وأخيرا : كم سعر الخليجي كاش .؟ وكم سعره بدون شريط .؟
في الأخير يا اخوان ، أنا أعرف ومتيقن إني أزعجتكم وثقلت عليكم ، لكن يعلم الله أني ما كتبت هالكلام إلا لثقتي الكاملة - بإذن الله - إنكم تخدموني وتجيبوني على اللي عندي ، وأنا أعتذر عن الإطالة والتقصير مقدما ، وأتمنى أنكم تخدموني ولو بجزئية وحدة ، ولكم كل الشكر والتقدير ،
تقبلوا تحياتي من طيبة الطيبة .
