رسالة service vehicle soon

انا سيارتي لومينا 2006 ال اس وهذي العلامه (service vehicle soon) طلعت لي قبل 4 اشهر
واذكر اني عبيت بنزين 91 قبلها لاني ماحصلت عند المحطه 95 وكان التانكي فاضي فاضطريت اعبي 91

واتوقع انه هو السبب ..... لكن في الأو ل كانت تجي وتروح بعدين صارت مستمره تجي من أول ماتدق سلف ولا تروح الا اذا ضغطت زر mood اللى على الطبلون

اذا واحد عنده حل لهذي الرساله يقولنا تكفون لانها مزعجه مره ................

وليش ماتقول لنا شسويت علشان نستفيد ؟؟

ولا طريقتك الخاصة سرية نفس خلطة كنتاكي :smilie16:

اليوم عملت اختبارات للسيارة على طريقتي الخاصة ض1
الحمد لله ما رجع التنبية
شكرا لكم

الله يعطيك العافية اخوي نمر وهذا اللي حاولت اوضحه لك








وهذا اخونا إس إس 325 وضح لنا الامور اكثر

ومثل ما تفضل المشكلة اما من العادم ولا من الجير والحمدلله الجير عندي سليم

ولكن الرسالة طلعتلي مباشرة بعد ما سويت سستم اقزوز والغالب انها من السنسر

وللعلم انا جيكت على السنسر ولقيت واحد راكب غلط حاولت افتحه علشان اركبه

صح لقيت البرغي خربان يعني تبطل بس مارضى يركب وبروح باجر ان شاء الله

اشتري سنسر يديد واركب صامولة يديدة بعد واشوف شيصير معاي وارد لكم خبر

ان شاء الله وكل الشكر لكم ولي رجعة باذن الله

شكلنا فهمنا غلط من البداية

اذا انت لم تضي عندك لمبة .......؟

فقط رسالة في شاشة المعلومات ......... وهي service vehicle soon

الموضوع مختلف شوي :c0214:

ارجع لكاتلوج السيارة و شوف معنى رساله المعلومات هذي


اما لمبة فحص المحرك الى نتكلم عنها فهي مختلفة
لما تدور السويتش الى الوضع on بدون تشغل المفروض تكون مضيئة مع بقية المبات
ممكن تكون شكل محرك او service engine او check engine لكن لازم تكون موجودة

والمعذرة لخبطنا الموضوع و تسرعنا كثير :blue:

تحياتي

اخوي نمر الله يعطيك العافية على متابعتك للموضوع وبالمناسبة انا دورت على القطعة اللي قلت عنها

مالقيتها لقيت وصلات مجزءة مثل ماذكرت سابقا وشريتهم ولله الحمد انهم ماركبوا المهم ياطويل العمر

انا ماعرف شلون اطلع الكود وبعدين انا ما اضاءت عندي لمبة عندي الشاشة اهي اللي طلعت فيها الرسالة

ومادري اذا كان في لمبة تشب اذا صار شي الله اعلم المهم ان الرسالة تطلعلي على الشاشة بس

بعدين الرسالة مثل ما قلت بردودي السابقة تقول service vehicle soon وانا سمعت من بعض

الشباب ان الرسالة هذي غير عن الرسالة اللي تقول Check engine soon وعلى العموم

انا ان شاء الله راح اجيك باجر على السنسر ولي رجعة باذن الله

اخوي طالما سيارتك فيها حساس واحد على كل شكمان
فهو الحساس الرئيسي ولا ينبغي ان تركب له القطعة المذكور و لو ركبتها له لتاثر الاداء سلبا

و يبدو ان سيارتك مواصفات خليجية فطبيعي ان ما فيها غير حساس و احد
فانسي كل الكلام السابق ويبدو اننا تسرعنا في الردود قبل اخذ الصورة الكامل للموضوع

لان افكار التحايل الى ذكرت نقصد استعماله مع السيارات المستوردة بمواصفات امريكية و فيها دبة تلوث و فيها حساسين و كل الكلام على الحساس الثاني الى بعد الدبة

فموضوعك يختلف تماما
لا تغير و لا شي في الحساس
تاكد من توصيلات الحساس اتها تمام

افحص السيارة و قول لنا ايس كود الخل الى سبب اضاءة اللمبة .....



بالتوفيق

الله يعطيك العافية اخوي صج الرسالة هذي مؤذية كل شوي تقرقع على مخي الحين بعد تغيرت صارت اول ما اشغل تطلع وتختفي بسرعة وبعد ما امشي بشويه ترد تطلع وماتروح ليمه اطفي الموتر ..
طبعا اخوي نمر والشباب ماقصروا بس عيزت ادور القطعة اللي قالوا عنها يعني حصلتها مجزءة بحاول اركبهم على بعض واجربهم على الموتر وان شاء الله الاقي حل وابلغكم بالنتيجة اللي تسر الخاطر وعلشان يستفيدون الشباب بعد.

كلها واحد ماتفرق خصوصا بسيارات جنرال موتورز
فقط بعض الموديلات يظهر ذلك والبعض لا...
وأنا موتري تريل بليزر 2006 تظهر فقط علامة المكينة بديلة عن الكتابة وفي الموديلات الأقدم تظهر الرسالة

شباب الرسالة اللي تطلعلي service vehicle soon

مو Check engine soon ولا service engine soon

فعلا يبدوا ان كلامك صحيح واشكرك على التنبيه بالامس كتيت ردي ثم بحثت عن المعلومات وماقلت عنه في مواقع اجنبيه لتاكد اكثر مما قلته وتبين ان تعطي اشاره لخلل بشكل عام وتحتاج الى اعادة فحص


هي التي اعرفها بضبط وافهمها

طيب ايش الفرق بين


Check engine soon
او service engine soon


Check engine soon
للفحص العادي الدوري المبرمج كماهو الحال في المرسيدس ؟؟

service engine soon
وهذا يدل على صيانة لوجود شئ في حساس ما في المحرك
؟؟
هذا الي فهمته منك
بختصار

والاكيد ان علامة
Check engine فقط او علامة مع ظهور صورة للماكينه هي فيه خلل كبير يجب معرفته بسرعة مثل نقص زيت او ارتفاع حرارة
وفي الفورد غالبا يظهر لاي خلل بشكل عام

شباب دورت spark plug non-fouler (الوصلة اللي تتركب بالسنسر) بكل مكان ما لقيتها اذا

احد عنده خبر وين احصلها اكون شاكر له

ما شاء الله عليك اخوي نمر كفيت ووفيت بس احب اضيف ان سيارتي كابرس 2006

فيها حساس واحد بس واهو اللي مددتله واير وركبته بعد الهدرز وان شاء الله بعد ما

اجرب ال spark plug non-fouler اقولكم عن النتيجة علشان تعم الفائدة للجميع

للتوضيح و حتى لا يلتبس الامر على الاخوان

لمبة فحص المحرك Check engine soon او service engine soon تسمى مؤشر الخلل الوظيفي Malfunction Indector Lamb ويختصرونها MIL

و هي تضي بواسطة كمبيوتر السيارة عند وجود خلل في المحرك او العادم او القير او نظم المحافظة على نسبة التلوث بالعموم

و في اغلب السيارات اليوم والتي تتوافق و مقياس OBDII هناك قائمة طويلة بالمشاكل التى يفحصها النظام و يضي المؤشر اذا وجد اي خلل وهذا نظام قياسي في كل السيارات

و من استخدم اجهزة السكنر العادية يعلم ان اول ما يعرض الجهاز كملخص للنتيجة
هل مؤشر MIL مضي او لا 0 حتى لو المبة مفصولة او محروقة لانه يقراء من الكمبيوتر
ثم يعرض عدد الاكواد المخزنة و و و و

خلاصة الموضوع انها لا علاقة لها اطلاقا بمواعيد الصيانة الدورية في جميع السيارات ولا تضي الا بوجود خلل فني
ولو رجعنا لدليل استخدم اي سيارة لوجدنا ذلك مذكور بوضوح

اضف الى ذلك ان نسبة كبيرة من السيارت ليس فيها نظام للتذكير بمواعيد الصيانة

و التى فيها و لناخذ مثال سيارتي المرسيدس E 2001 يتم التذكير بمواعيد الصيانة (A او B ) عن طريقة شاشة المعلومات و يمكن تصفير العداد بنفسك حتى لو لم تقم بالصيانة و اغلب السيارة الي فيها عداد للصيانة تتبع نفس الطريقة

اتمنى تكون الصورة واضحة


اخوي Boss احب اكد ان الحساس الاول الي قبل دبة التلوث يجب ان يركب دون اي تعديل و هو مهم لضبط اداء المحرك
تمديد اسلاك ما يفرق الي اقصد نفس الحساس يركب بحيث يكون معرض للعادم مباشرة مثل ما كان


كل اللعب في الحساس الثاني المخصص فقط للتاكد من عمل دبة التلوث وما له تاثير في اداء المحرك لكنه يسبب ان تلع لمبة الفحص لعدم وجودة دبة حاليا و خروج العادم كما هو

وتحياتي للجميع

اشكرك جزيل الشكر اخي على مرورك واحب اضيف ان الرسالة تطلع بعد ما امشي ب 5 دقايق

تقريبا او اقل شوي او اكثر واذا طلعت ماتروح ليمه اطفي السيارة وارد اشغلها مره ثانية وترد

تطلع بعد فترة مثل ما قلت

اعتقد هذه الرساله جاءت مصادفة ولا لها علاقة بالي عملته او ان الحساس السنسر عطاك قراءة خطاء لانك عبثت في الموتر وهذا احتمال ضعيف
و الاشارة عاديه تقريبا و هي ان حان وقت موعد الصيانة

بعض السيارات يسهل ازالة هذه العلامة و البعض تحتاج الى الذهاب الى الوكاله الازاله

ولا اعرف الكيفية بضبط لنوع سيارتك للاسف ان شاء الله الاخوان يفيدونك

الله يعطيك العافية اخوي نمر قول وفعل

وعلى العموم انا راح اجرب ال spark plug non-fouler ولي رجعة ان شاء الله

وقواكم الله ومشكورين على مروركم جميعا

هذا رابط الموضوع الي تناقشنا فيه عن حساسات الشكمان
اتمنى تلقى فيه الفائدة

http://www.assayyarat.com/forums/showthread.php?t=141426

تحياتي