السلام عليكم اعزائي الكرام
قبل يومين صارت الهايلوكس عندي مديل 2002 بنزين بخاخ تولع فيها لمبة الزيت وتطفي , المهم وديتها للكهربائيين حسبي الله عليهم وقالو من الحساس وغيرته , المهم اللمبة مازالت تولع وفجأة وانا امشي خمدت محلها ولا عاد تحركت , وديتها للمكانيكي وطلع المكينه خبطت بسبب ان طرمبة الزيت ماترقي الزيت ولا عاد فيها شيئ صاحي الا عامود الكرنك ويبيله بعد خرط,
الحين مالي الا اشتري مكينة مستعملة وقالو لي مالي الا :
1 - التشاليح وبشرط تكون في سيارة منقلبة لضمان سلامة المكينة
2- الصناعية القديمة ويبيعون فيها مكائن مستوردينها من الامارات
3- الاستيراد من الامارات
وش رايكم وهل فيه احد ثقة يبيع هالمكائن تنصحوني اروح له, وكم السعر اللي تتوقعونه
