سلام عليكم
بصراحة انا محتار وش اشتري
كنت ناوي اشتري فورتشنر بحكم انها تويوتا وسعرها جيد وحجمها ممتاز وتتحمل الكد خصوصا ان عملي يتطلب طلعات بالسياره كثير
لكن شار علي احد الزملاء بجيب الهوندا البايلوت وبصراحه يوم رحت شفتها قلب راسي لان السياراتين تفرق عن بعض فرق السما عن الارض من حيث القوة والمتانه والرفاهيه والحجم بس المشكله ان البايلوت ما احد يدري عنه ولا احد يقدر يشور عليك
السعر قريب من بعض الفورتشنر الفل سته سلندر 116الف والبايلوت الفئة الثانية 123 الف
ابي سيارة تكد وتتحمل المشاوير في الصيف مع العلم اني موب راعي بر ولا سفريات بالسيارة وعائلتي حجمها صغير ابوين وطفلين لكن شغلي عليها داخل المدينة كثير
علما باني غاسل يدي من الامريكي لانها ما تتحمل الكد داخل المدينه ومكيفها موب بالحيل
شوروا علي يا اهل المشورة جزاكم الله خير
أخوي، يكون في علمك أن البايلوت شكل فقط، وإلا فتحت القشرة ليست إلا سيارة كروس أوفر لا تقارن بالفورتشنر، بل ممكن تقارنها بالمازدا سي إكس 9. يعني لو تبغى سيارة كد وكرف ما أنصحك فيه أبداً.
ثم أنه قد يكون من ناحية القوة الحصانية أعلى من الفورتشنر، لكن ما تحصل عليه إلا على دوران عالي جداً للمحرك، لأن المحرك محرك هوندا أكورد محرك سيارات سيدان. الفورتشنر محرك عزم جبار تحصل عليه من دوران منخفض جداً وتشعر بالعزم حتى وأنت تمشي بكل هدوء في المناطق الرملية، بخلاف محركات السيدان التي لابد أن تكون داعس على البنزين بقوة للمحافظة على العزم. يكفيك أنه 4 لتر وعزم الدوران فيه 380 نيوتن متر تحصل عليه عند 3700 دورة في الدقيقة ويستمر معك إلى 6000 دورة في الدقيقة.
الهوندا بايلوت يصلح لمن يبغى شكل جيب لكن ما يبغى يطلع فيه بر ويدور على الراحة واستهلاك البنزين. أما إذا تبغى بر، شف لك غيره.
الفورشينر للبر اوف رود ودبل ثقيل وخفيف
البايلوت مكينه بلعرض ودفع رباعي حسب الحاجه يرسل للكفرات الخلفيه
الفورشنر شاصي ثقيل البايلوت شاصي عادي
البايلوت أصلاً بدون شاصيه، كلها كبس (جسم أحادي)، أما الفورتشنر فشاص صلب.
