اسعار قطع الغيار

كلام عدل اخ شهاب

والمشكلة هذي دايم تحصل ليي قبل فترة اختربت طرمبة البانزين حق سيارتي الكمارو ورحت اشتري زيها قال واحد من الشباب لا تقول ليهم كمارو قول طرمبة كابرس وفعلا اخذت القديمة ويايي وقلت ليهم كابرس وسعرها يابلاش وركبت وللحين تشتغل زي الحلاوه

وانا دايم اقول اذا ماتفهم في الشي هذا موعيب بس الاستمرار على عدم الفهم هو العيب بذاته
وهالمنتديات لازم نستفيد منها وياكثرهم الشباب اللي يجابوك على اسئلتك وما يقصرو

تحاتي لك اخوي والله انا مجرب هذا كله ولله الحمد ارتحت من الوكالات لاكن المشكله لماتجي راع المحل بنقالي تقوله عندك هذي القطعه يقولك وش السياره ومايبي يكلف نفسه يدور ولما يكون سعودي
يدور ويبحث والله يريحك واحنا نعرف ان اكثر القطع تتراكب مع اختلاف السيارات
المشكله الي مايعرفون والا الي يعرف وما يبي يتعب نفسه

والل يا اخ فراس انك جي تي

وعجبني موضوعك وفعلا اكثر الشباب اللي عندنا وهم مثقفين يعتمدو على كلام الوكاله اذا قالت الوكاله غير على طول يعطي امر للوكالة بالتبديل
وخد النكتة واحد من الشباب راح يبدل كلتش بالوكالو وقالوا له القطعة قيمتها ب 400 ريال قال باشتريها وباجيبها ليكم قالو لا لازم احنا نشتري القطعة والا شيل سيارتك وديها مكان ثاني حتى لو القطعة بيجيبها من نفس الوكيل

والله حرام وغش لابعد حد

وباقول شي اخر يا ناس يا عالم انتو ما عندكم حماية المستهلك فلازم كل واحد يحمي نفسة بنفسة من جشع هالتجار

أخوي لي موضوع في منتدى آخر عن قطع الغيار لك ان تقرأه:

اما عن قطع الغيار فتحتاج مجلدات واليكم مقدمة بسيطة مهمة لفهم الموضوع طبعا لا توجد شركة سيارات في العالم تصنع جميع او حتي نصف او ربع قطع السيارة هذا مستحيل اقتصاديا وبالتالي تؤمن احتياجاتها بمواصفات مقننة محددة من منتجين اخرين ضمن منظومة صناعية كبري تسمي بالصناعات المساندة تقوم فيها المصانع المساندة كل في مجاله بتوريد المنتجات الي الشركة وتقوم الشركة صاحبة العلامة التجارية بتركيب وتجميع القطع لتنتج في النهاية سيارة تحتوي علي الاقل علي تسعون الف قطعة مختلفة !!!
اغلب شركات الصناعات المساندة تكون متخصصة جدا وتورد منتجها لاكثر من شركة وعلامة تجارية بل والاكثر من هذا ان بعض القطع يمكن ان تكون بديلا للاخري !!!
مثال: شركة تنتج قماشات الفرامل وصحن الكلتش والدسك تورد انتاجها لعدة شركات سيارات فك قماش فرامل سيارتك وخذه الي اكثر من محل قطع غيار قل له اريد مثله يركب عليه ولا تذكر النوع صمم علي طلبك اعدك انك ستفاجا مثلا ان قماش النيسان القديمة يركب علي الرولز لويس القديم !!!!مع اختلااااااااااااف السعر وان قماش جيب هونداي سنتافي اصلي ب140 ريال يركب بالتمام علي جيب موسو ركستون ب 470 ريال!!!!
وغيررررررررها كثير .
جلدة العكس لسيات توليدو ب85 ريال هي نفسها جلدة كامري ب 40 !! و 30 !!و 25 ريال !!!!
طرمبة بنزين ليجانزا تركب مكانها طرمبة لانوس بثلث السعر !!!
سير دينامو فورد ويندستار ب 125 ريال يركب محله سير اصلي امريكي من شفر ب 45 ريال !!!
وعن البواجي ورمان البلي حدث ولاااا حرج وخاصة رمان البلي ويسمونه البيرنج هذا النصب فيه علني وانصح دائما باخذ رقم الرمان المكتوب ومحفور عليه والذهاب الي احدي وكالات البيرنج مثل تويو او اس كي اف وستجده لديهم بعشر قيمته بالوكاله بل وستفاجا ان الاصلي الموجود بالوكالة من صنع احدي هذه الشركات ...
اعطيك زيادة !!!! البساتم والشنابر والسبائك .نبدا بشنبر تويو او ريكن علي مااذكر وهي الشركة التي تصنع لمازدا وجدت الطقم لديهم ب 90 ومازدا ب 420 فتحنا علبة المازدا فوجدناها مغلفة من الداخل في غلاف لريكن !!!! اخذنا الطقمين وزناهم علي ميزان حساس خاص بالذهب فؤجنا ان الوزن نفسه تماما اذن الخامة نفسها !!!
ما ذكرته لكم هو غيض من فيض فلي خبرة جيدة بحكم امتلاكي سابقا لمركز صيانة بعته تحريا للحلال ورايت من خلاله اسرار وخبايا وفضائح الوكالات والتامين والمرور والتشليح وقطع الغيار والورش وكلها تتسابق علي جيوبنا ......
الخلاصة :
1- التقليد درجات فهناك تقليد بل منتج موازي ومساوي من انتاج نفس الشركة التي انتجت لسيارتك وهذا يعد اصلي مع اختلاف الكرتون والسعر الذي يصل لربع سعر الاصلي .مثال اقمشة الفرامل ورمان البلي وقطع المحرك والمساعدات وقطع نظام التعليق وقطع الكهرباء الخ..........

2- تقليد درجة اولي كوري او ياباني او امريكي وهذا يكون لقطع تستهلك باعداد كبيرة تغطي تكلفة صنع القوالب والانتاج وتركب علي اكثر من سيارة وهذا مقارب جدا للاصلي واحيانا كثيرة مثله تماما .

3- تقليد ردئ سئ صيني في الغالب وقاتل ويسبب الحوادث ابتعد عنه ...

الحاصل ان الوكالات تستغلنا وتكسب علي حسابنا اضعاف اضعاف التكلفة بسبب اصرار الكثير علي ان الاصلي فقط بالوكالة وكانه ينزل عليهم من السماء !!! اصحوا ياناس

فك القطعة القديمة وكلف نفسك او الميكانيكي الشاطر سيلك ماذا يركب بدلا منها وقتها سيضطر الوكيل لانزال السعر والمنافسة وطبعا سيرد علي مشاركتي السيد كوكو وتامر وميمي وغيرهم من اذناب الوكالات وسيحاولون الشوشرة عليكم وقتها انا جاهز لهم كي الجمهم والقنهم درسا لن ينسوه وافضحهم بالصورة والدليل الدامغ


منقوووول من منتدى المقاطعة

موضوعك حلو بس من سابع مستحيلات نقاطع القطع الخيار ولا على كذا نجلس بدون سيارات

الاخ نابولي 89

اتوقع على الانسان مافيه شي صعب او مستحيل بس قول ما فيه ارادة
من متى وانت تعلم بان الوكلاء ينصبون على خلق الله
قبل المقاطعة ولا بعدها
وهل انت معها او ضدها
هذا السوال
انا باقول لك شي صاحبي عنده محل قطع غيار واذا سوينا مقاطعة راح يتضرر بس هو يقول لي انا وش دخلني مربحي معلوم روح كلم الوكاله


ولكم التعليق

اخي الفاضل موضوعك متميز وهادف ولكن تطبيقه صعب جدا ان لم يكن مستحيل حيث اننا ممكن ان نقاطع السيارات الجديده ولكن لااحد يستطيع مقاطعة قطع الغيار حيث انها قطع استهلاكيه والحاجه لها مستمرة ودائمه وحتى لو قاطوا الوكالات محلات قطع الغيار تأخذها من الوكالات وتبيعها على الافراد.

ليس من حل موجود الان

والله المستعان

الله يعطيك العافية


اخوك

المساعد

مشكورين على الردود بس نبي نسوي حل بصراحة كل شي ناااااااااااااااااار

والرواتب الحمد لله يا دوب تغطي مصاريف الكهرب والتلفون ولو يصيب سيارتك اي خلل فني تتوهق لمدة شهرين او اكثر علشان ترقع روحك

الله المستعان

اسعار القطع الان نااااااااااااار

قطع الغيار لها يومها

ولكن اخوي المشكلة في عدم وجود البدائل وزيادة جشع التجار .. انا سيارتي كلفتني 4 فلاتر بمبلغ 295 ريال !!!