السلام عليكم
خلاص اتخذنا القرار
ابشتري فورد 500 ستاندر - سوح - لان حدي الاعلى 85 الف ريال وبصراحة سمعة وكالة فورد ممتازة وهذا اللي اقنعني بالفايف هاندريد
صحيح ان شكلها من برا في غاية الغباء لكن فخامتها من داخل ووكالتها و شركتها وازنت الامور عندي
أنا اهم شي عندي تكون السيارة عملية ومو راعية خرابات وتعيش على الاقل 10 سنوات
أنا نويت اخذ اللون الأسود بس ابي اشاوركم وش رايكم اذا السيارة سودا اخلي المخمل الداخلي بيج او رصاصي
فيه ناس قالوا البيج احلى بس انا اخاف من البيج مو عملي ويتوصخ مو مثل الرصاصي ولا وش رايكم
الا صدق انا جلست احورف بالسيارة وما لقيت طفاية دخان داخلها ؟؟ وش الساااالفة يعني نقطف مع الدريشة ؟
لا تقولون اصبر وخلها تصدي لاني بصراحة انا اللي صديت
خلاصة الاسئلة
حدي 85 الف ما تزيد ريال هل ال 500 خيار جيد ؟
وش اختار اي لون داخلي ؟ البيج او الرصاصي ؟
هل هي سيارة عملية او ابصير خوي للورشات ؟
هل وسائل الحماية فيها جيدة ؟
واللي عنده اي سؤال بيحطه ويجيب عليه ماعندي مشكلة
تخبرون تحويشة سنتين وشوي هذي وما ابي احطها في خردة
شاكر لكم حسن تعاونكم
