خلوها تصدي ..ابشركم انا صديت ،،وباقي تكه وادعم لكن ابي شوركم

كلامك في الصميم صراحه ..

بلخص كلامي بنقاط :

1- انت انسان محتاج سياره .. خل الحمله على جنب وتوكل على الله واشتر سياره .. لك ولعيالك ولامهم .. فرحهم ياخي ..

2- شوف غير الكابرس .. وانا انصح بالفورد ..

3- لو تشوف 2008 تلقاها ارخص بواااااجد .. عشان اسم الموديل بس .. طبعا الفورد 2009 فيه اختلاف بسيط بالشبك . لكن ما يسوى الفرق اللي بتدفعه ..

4- اولا وآخرا .. عزيزي . الى الان مافيه احد ضامن ولا بنسبة 50% ان الاسعار تبي تنزل ..

يعني بالعربي احتمال تصبر وتصبر وتتبهذل مع سيارتك القديمه انت وعيالك والحرمه ..

بالنهايه لا تنزل الاسعار ولاهم يحزنون .. والله ان تكره عمرك ..

حتى لو نزلت نقول بعد 6 شهور .. خل نفرض انها نزلت 20 الف .. طبعا هذا كحد اقصى مستحيل تنزل اكثر ..

تكون انت محلل سيارتك ومرتاح يالله لك الحمد ومبسوط ولها معك 6 شهور ..

هذا اذا نزلت الاسعار اصلا ..




طبعا الوالد قبل لا تبدى حملة خلوها تصدي كان ناوي على جمس ..


لكن قلت له اصبر وتنزل الاسعار ..

وما زال على سيارته القديمه ..


الاسعار الحين ارتفعت .. يعني محد خسر غيرنا ..

لو اننا شارينه الحين كان كمل معنا حول ال9 شهور ولا اروع منه ..


لكن ان شا الله انها خيره .. وقدر الله وما شاء فعل ..


نصيحتي توكل على الله ورح لفرع توكيلات الجزيره فورد .. واسال عن 2008 والعروض اللي عليها ..


وبالتوفيق يارب ..

اخوي توكل على الله و خذلك فورد والله ما مثله صبر وراحه وقطع غيار رخيص جداً و إذا كانك راعي سفريات و مكشات خذ لك بدال الفكتوريا أكسبلورر أو ميركوري ماونتنير .

اخي اصبر الين ترخص السيارات

يعني قمة القهر انك تشتري سيارة فوق الـ 90000 ريال

وبعد شهرين تلقى قيمة السيارة في الوكالة بعروض وصل للـ 70000


هذا رقم واحد يبيع مستعمل كابرس 2008 ماشي 50000 بس بقيمة 520000 ريال بس


شوف اذا هي موجودة عنده

0507187774

اسمه ابو محمد

السلام عليكم ورحمه الله

هلا ابو رامــا
اول شي الله يكتب لك اللي فيه الخير

بالنسبة لموضوع الحملة انا اشوف ان وضعك ماتقدر تنتظر فيه ولازمك سياره لذالك توكل على الله واشتر السياره ولو اني اشوف انك جيت في وقت حرج وهو بدايه السنة والاسعار فيها طبيعي تكون مرتفعه فوق لاكن ان شاء الله بيسهلهااا ربك
لو تسأل عن موديلات الــ 2008 بتلاقيها ارخص سعر وهي نفس موديل 2009 اعتقد مافيه فرق ابد وراح تلاقي فرق كبير فالسعر

الشغلة الثانية يالغالي

وهي ان اختيارك وقع على الكابريس
وانا بقول رائيي والمثل يقول اسأل مجرب ولا تسأل طبيب
وانا يالغالي والله ما انصحك فيه الا لاني ما شفت من السياراه الا كل خير
وانا مجرب الكابريس والله ياعزيزي ما شفت منها الا كل خير وسياره من اروع ما يكون شكل جميل تقنية ماتلاقيها في كثير من السيارات مساحه داخليه اجزم لك واقول انه اوسع سياره في جميع السيارات اللي في فئتة بدون اي مقارنه واتحدى فيه اي واحد يقول غير هالكلام
فالخط والسفريات موتر يعجبك وغير هذا كله لا مشاكل ولا اعطال ولا غيرت فيها الا القطع الاستهلاكية والسياره ولله الحمد ماشية معي تمااام التمام

لجل كذا لا يهمك اللي قول ابعد عن الكابريس كله مشااكل واعطال ووو...... إلخ

انا ماكنت ابي اكتب هالكلام بس شفت بعض الردود تذم وتسب فالسياره ما ادري على اي اساااس وبعضهم تلاقي ماعمره جرب السياراه بس سمعنا الناس يقولون فقلنا
لذالك حبيت انصحك بما اني مجرب

انا طولت فالكلام واتمنى ماتأخذني اخوي


عموما نصيحتي لك بإختصار

1. انصحك فالكابريس بقوه وتوكل على الله ولاتنسى الاستخاره
2. اذا انت محتاج تشتري هالوقت فنا انصحك تسأل عن مو ديلات 2008 بتلاقيها ارخص بكثير من موديلات 2009 ولا فيه فرق بينها
3. اذا انت مصمم انك ماتاخذ غير 2009 فياليت تنتظر وتتحمل لان الاسعار حاليا مرتفعه وحرام تدفع مبلغ غالي وهي كلها فتره وبينزل سعر السيارات بشكل عام سواً نزل بسبب حملة خلوها تصدي او بسبب ان موديل 2010 بيكون قرب ينزل وبتبدى الوكالات في تصفيه 2009

والنهايه الله يكتب لك اللي فيه الخير ولاتنسى الاستخاره


تحياتي

كراون فكتوريا يارجال
حاولت اشتري جديد بس غالي 80 الف
وفي الاخير شريت 2008 ووفرت فلوسي
وفل كامل ب66الف

هلا اخوووي
انا اقوولك انسى الحمله وانسى ابو جدها انت انسآآآآآآآن محتاج سياره
مو زي بعض الناس تلقى معه سياااره تووديه وتجيييبه زي الحلاوه وجديده نوعا ما بس حط فراسه سياره معينه كـ تغيير وقال اصبر لين تنزل الاسعاااار ....(( يعني الامر عنده فرررررري ))
أما انت محتاج سياره فانا اقووولك توكل على الله واشتريلك سياره لمتى يعني بتنتظر وعسى الله يزرقك السياره اللي تســرك وانا اخووك ..
نصيحتي لك ابعد عن الكآآآبريس ودام عندك عائله قيمة الكابريس تجيبلك فورد اكسبلورر
اسأل الله لك التوووفيق ،،، في أمان الله

اصلاً من الأســـاااس ما اقتنعت بسالفة " خلوها تصدي " ..

عنـدك ناس ( كااش ) اللهم لا حسد , كل 9 شهور سيارة جديدة اخر موديل ..

اي وقت من السنة تدخل معرض ولا وكالة تشوف ناس جايه تشتري .. :blue: قال ايش قال خلوها تصدي !

و على فكرة انا زيك صديت انا والماركيز اللي معي , :(

هلا بالزميل هههههه

والله انا مثلك صديت:a1120(82): والصدا بدا ياكل وينهش في جسمي :smilie16:

ان الله مع الصابرين

تبي شور وبتدعيلي
معك مبلغ كويس يجيب لك فكتوريا وكاله 2009
نصيحه اشتره وخلك من الهولدن ومشاكله الكثيره

مريت قبل شوي على بالبيد
والله يااخوان انصدمت
الكابريس 2009 ls
بدون دفعه
القسط الشهري 2080ريال
60 شهر
القيمة الاجماليه 124800 ريال
________
الكابريس ltz سته سلندر
القسط الشهري 2540 ريال
60 شهر
القيمة الاجماليه 152400ريال

وربي هباااااااااااال مو اسعار ذي :(

السلام عليكم
أخوي ترى انشاء الله السيارات بتنزل
بعد الشهر 6 من هذي السنة
طول بالك راح الكثير وما بقى إلا القليل
والله يهون ويمدد صبرك

يا الحبيت طوع شوري
و خذلك كراون فكتوريا لك و للزمن و فسيحة للبزورة ( لغة دخيلة )
سعرها 80 ألف ريال

جزاك الله خير اخوي على معلومات القيمه
عندي سوال،،
هل البنك يقسط والا بس نظامهم تاجير منتهي بالتمليك

اخوي العزيز
اولا بالنسبه لنظام التأجير المنتهي بالتمليك :-
1- النسبه تراكميه يعني مثلا لو قالك ان النسبه حقت الغليبه 10% على سياره قيمتها 90000 لمدة خمس سنوات فيكون الناتج 135 الف وحراااام كابرس LS بـ 135 الف واول ماتطلعه من الوكاله وتروح تسعره بالمعارض يقولك 75 الف قهرررررررررررررررررر
2- الكابرس بيتعبك من ناحيه الخرابات يعني بيبيض وجهك عند العيال وامهم 6 او 7 شهور وبعدها بتقولهم الموتر بالورشة فنصيحة ابعد عن الكابرس الا اذا انت والله بتتحمل خراباته فهذا شئ راجع لك .
3- التأمين الشامل (( النصب الشامل )) هذا ظحك على البشر لا اقل ولا اكثر ليييييييش ؟
بقولك سالفه انا حظرتها بنفسي وهي ان ياطويل العمر واحد من اخوياي معاه لومينا 2007 LTZ حك عليها حكة بسيييطه من الجنب اليمين وجاء المرور واتكتب التقرير وكان على خويي هذا نسبه الخطأ 100% واخذنا كافه الأوراق ورحنا لوكالة العيسى واتحفونا بالتالي :- 1- بما ان نسبه الخطأ عندك 100% فلازم تدفع مبلغ وقدره 2000 ريال (( للمعلوميه إذا كان بعد نسبة الخطأ 0% تدفع مبلغ 500 ريال ))قلت لخويي ياخي مو مشكله 2000 ريال بس السياره تتصلح بالوكاله ويتغير الباب وكل شئ والأمور تظبط .. نقز في وجهي الموظف وقال وكاله مين ياعمي قلت اجل إيش قال حنا نصلحها لك في أحد الورش الي معتمده عندنا<<<< :confused1: قلتله ياخوي انتم وكاله وانا ماخذها من عندكم قال لا ياحبيبي قلت اجل تدري وش لون بندفع ال 2000 ريال وتعطونا المبلغ الي بيجي من شركة التأمين وحنا نصلحها برا ((على بالي بيعطونى 4000 ريال ونكون كسبانين 2000ريال )) قال لا طبعا المبلغ يجي لصالحنا حنا قلت الحين ادفع 2000 والسياره تتصلح ورشه وانت تستفيدون بعد يعني طالعين تاكلون ونازلين تاكلون قال هذي انظمة حقتنا قلت لخويي مشينا قال وين قلت امش بس والله ياطويل العمر وأمر ورشة حقت اتراك فنيين من جد وقال اصلحها وارش الجنب اليمين كله والتركي يقول ايخطأ ولا اي شئ مايعجبك بالشغل اعيدها لك لو تبي 20 مره والبويه عليها ضمان 3سنوات وكل شئ تمام قلتله والسعر قالي عشان عميلنا 900 ريال قلت نعم قال 900 ريال قلت والله غالي <<< (( بدأ بالمكاسر )) وتصفي ياطويل العمر على 650 ريال ووفر صاحبي 1350 ريال يعني كل الأمور هذي حقت التأمين الشامل نصب في نصب وللمعلومية لو يعني السياره سويت فيها حادث لاقدر الله ورات تشليح ماتتعوض بسياره ثانية مثل مايقولون تجيك شركة التأمين وتقدر الاستهلاك ومدري كيف ولو انت وصل دفعك بالاقساط مثلا الى 80000 قبل لا تصدم التعويض الي بيجيك مايتعدى 6000 الى 9000 ريال ..
فأنا من وجهة نظري ياطويل العمر تأخذ سياره اقساط احسن من نظام التأجير
وانا اسف على الاطاله

بالنسبة للتأجير المنتهي بالتمليك نصب عينك عينك والسبب الزيادة الفاااااااحشة
في السعر عن سعر الكاش ....و انتبه لا يغرونك بسالفة التأمين الشامل .. ترى كله
خرطي في خرطي ... انت مأمن مأمن سواء معهم ولا بدونهم وتأمينهم هو نفسه
تأمين غيرهم ... مرمطة وتسحيب الين ما تكره نفسك وتقول خلاص بصلحها من جيبي ارحم !!


انا افضل خيار عندي دايما التقسيط عن طريق البنوك بشرط انك تراعي الجانب الشرعي
وانا اشوفه افضل خيار لان البنوك تاخذ زيادة لا تذكر في برامج التقسيط بعكس التأجير

والله يوفقنا واياك.

تركي

انا شريته بـ 84 الف اول مانزل في 2007

وجات فتره صار سعره 79 الف موديل 2008

وقبل يومين في التوكيلات في جده طريق الامير سلطان بـ 88 الف

انا ماخذه من بالبيد بس اشوف الاغلبيه يمدحون التوكيلات

مر التوكيلات واسئل عن عروضهم واسئل عن اسعار صياناتهم

والله يكتبلك اللي فيه الخير