أبي شوركم يا جماعه الخير بسياره موستنق ؟؟ ضروري؟

والله ياغالي حسب علمي انو موديل 2005 و2006 كانت عليه مشاكل في الفرامل تقريبا او البريك

بس في 2007 و 2008 بتكون اتلغت هذه المشاكل ان شاءالله

واللي شايفه انو عليه اقبال كبير ماشاءالله

سياره قويه وممتازه وماعليها كلام

وافضل انك تاخدها بدون تندا يعني الشكل العادي

ماهي كشف

لانو الكشف ماعليه مشاكل غير انو في الخط السريع ولمن تمشي بالسياره بسرعه

بيطلع صوت بسبب التندا يعني

مع الهوا .. والمشكله التانيه اذا ماعندك بموقف خاص داخل البيت باركينج

لانو بيكون معرض للسرقه لاسمح الله بشق او تمزيق السقف المتحرك

..

اما بخصوص الفرق بين الوكاله والوارد الامريكي .. حسب ماسمعت من اصحاب معارض او مافي فرق

لانو السيارات صارت تجي من بعد 2000 بمواصفات وحده بدون اي تغيير تجنبا للمشاكل اللي تحصل

والله اعلم

ولو في احد يأكد لنا الشي هذه يكون افضل

وبخصوص الموديل الجديد 2009 طبعا نزل في السوق لاكن يختلف عن الموديلات السابقه

في انه بانورما .. سقف زجاج بالكامل

وسعره غالي طبعا عن الموديل السابق

فقط هذه التغير اللي حصل فيه

وبخصوص الاسعااااار

كالتالي :

موديل 2008 من الوكاله كان بـ 136 الف ريال سعودي


اما موديل 2009 وكاله بـ 154 الف ريال سعودي

على موديلات الجي تي طبعا فقط


واليوم اتأكدت من الوكاله انو سعره نزل شويا

وصار بـ 144 الف ريال

..

واسعار الوارد الامريكي ارخص بكثير من الوكاله

يعني موديل 2008 مثلا بيكون ماشي 10 الاف او 15 الف او ماشابه بيكون سعره 90 الف الا 110 الاف تقريبا

وتقدر تروح للمعارض اذا كان تجيب من امريكا وتحدد اللون والمواصفات وهيا تعطيك الموافقه بموعد الوصول ان شاءالله


وان شاءالله اكون افدتتك