السلام عليكم يا اروع كراج في المنطقة
عندي مشكلة واتمنى اني الاقي الحل الي عجز عن ايجاده اكبر كراجات دبي والشارقة
السياره : BMW 525I
الموديل : 1994
الماكينة : شنايزر BLACK ENGIN
وارد من : اليابان
المكان : دبي
المشكلة : ابتدت المشكلة عندي قبل سنتين ... حيث كنت اواجه ارتفاع RPM لما اتوقف على الاشاره ..واطر امسك السيارة بالبريك حتى ما دق في الي امامي .. اذا طفيت السيارة ما تشتغل الا لما تبرد ... طبعا تعذبت بهالسالفة لين ما وديتها على كراج بدبي مختص بي ام .. وبدل Air Mass Meter وظبطت السيارة ..
من اسبوع تقريبا .. لاحظت ارتجاج بالمحرك ..ولما تشتغل الصبح تعذبني اشوية .. رحت غيرت Air Mass Meter بواحد مستعمل لان كل الجديد الي بالسوق صيني وغالي وبدون فايدة ..
المهم الارتجاج الي في المحرك راح .. بس طبعا طلعت مشكلات ثانية
مافي قومة في السيارة يعني عزم
تسحب بترول مثل ماكينة 12 سلندر ... قبل كان الفل يعطيني 550 كم في المدينة , بعد لا غيرت هالقطعة صارت 350 كم ... وهذا الشي ذابحني مووت
الارتجاج راح ومافي صوت للسيارة ابد
السؤال : كيف ممكن اسيطر على موضوع البترول .. وكيف اعرف اذا Air Mass Meter الي انا اشتريته مستعمل انه صاحي ولا لا ؟ لانه بعده طلع عندي موضوع البترول .. وهل ممكن انه يكون صاحي بس يبي عيار كمبيوتر او اي شي من هالنوع ..
والي يعرف كراج شاطر في البي ام بدبي او الشارقة يخبرني لانه راح يسوي فيني معروف
