موضوع جديد وفكرة حلوة يا أخوي محمد
بالنسبة لي ، إعلانات السيارات كلها تضحك
ومنها
إعلان الفولفو (ما أذكر أي نوع) ستيشن واجن
الإعلان كان عبارة عن إثنين ، واحد يسوق السيارة ويسحب صاحبه الثاني اللي يكون لابس (معلق) بمظلة (براشوت)
المضحك في الإعلان إن اللي معلق بالبراشوت هو اللي يطلب من اللي يسوق السيارة الوقوف والتبديل معاه ، طبعاً السايق يسمع لكنه مطنش
مع إن المفروض يكون العكس
وأعتقد القصد من الإعلان هو إن قيادة الفولفو أكثر متعة من استخدام البراشوت
هي هي هي :):) (ضحكة بدون نفس)
وأذكر خلال فترة دراستي في أمريكا كانت إعلانات السيارات دائما عبارة عن مقارنة مع سيارة ثانية ومنها إعلان الكاديلاك STS
الإعلان كان عبارة عن سباق تسارع بين اللكزس LS400 والكاديلاك STS
لكن الفرق إن الكاديلاك لازم تؤدي السابق هذا عن طريق المرور بين العوائق (المخروط) بعكس اللكزس اللي تؤدي السباق هذا بدون عوائق
ومع هذا ، الكاديلاك تصل لخط النهاية قبل اللكزس
شفتوا السخافة....؟
أرجوكم إضحكوا .... ها ها ها :):)
