عبداللطيف جميل.. كآد ان يأخذ حياتي..

السـلام عليكم ورحمه الله وبركآته

اخواني انا في شي ماكنت اعلم عنه
وحتى لاتتكرر قصتي
وددت ان اخبركم باللذي حصل حتى تنتبهوا لانفسكم..

اللي بقولة يمكن في ناس تعرفه بس في ناس ماتعرفه

ابدأ لكم مع قصتي..
هذا الاسبوع دخلت سيارتي.. اللكسز ES300 الى الصيآنه...

وقالوا لي عندك الهوبات والبريك يبيلهم تغيير..
قلت مو مشكله تغير تغير
نغير نغير

استلمت السياره عقب يوم وطبعا كان فيها كم شغله ثانيه..

يوم اني استلمتها قلت بسم الله واتجهت الى البيت..
انا من النوع اللي مستعجل شوي
فانطلقت بالسيارة عند اول اشارة وماكنت مسرع
اصارت خضرااء
ومشيت

وبدأ التسآآرع وصلت الى 120..! << سرعه جيده مو كبيره

وقلت اذا قربت بدوس بريك مايحتاج ادوس من مسافه
ويوم قربت من الاشآره كان قدامي تكسي وجنبه ديننا وباص
دست على البريك ( الفرامل )
:smilie20: :smilie20:
اشتغل الآي بي اس
وكان البريك اللي دسته عاادي مو قوي

ادووس ومافي فاايده الآي بي اس يقاوم ضغطي على الفرامل
والسيارة تتبآطئ شوي شوي
مو بالمستوى اللي كنت متوقعه
وقربت من التآآكسي
وقربت وقربت
وقربت
وقربت
:confused1:








:confused1:












وماوقفت السيارة
من غبائي نسيت ان في في السيارة شي اسمه هاند بريك لكن الخوف كان مسيطر علي
فدخلت بين الدينا والتاكسي
وجات المرآية في المرآية

وطفيت السيارة وسط الشارع ونزلت وانا قلبي شوي وينفجر من الخوف
قلت امشي ولا لا؟؟؟

الزبده قلت ماني مسرع وعلى طول الى الوكآآلة
دخلت وانا حدي حدي
خاايف

قلت له هذي سيارتكم..

انا اخاف اسوقها

قالي لي هد اعصابك واذكر الله ماصار شي
قلت له يعني لو اني كنت مسرع زياده ولادست بريك الا متأخر
كان انا الحين في القبر


قال لي خلني اجربهآآ
قلت له هاك جربها

وجربها وقال لي انت مغير الهوبات والبريكات صح؟؟
قلت له ايه
قال لازم تدوس مده على البريك عشان مدري الزيت يمشي فيه
واذا الهوب جديد يصير كذا عادي

قلت له المفرووض تنبهوني قبل ما استلمها
عموما حبيت انببهكم على هذي الشغله
وانتبهوا لانفسكم..